Train Ticket: ట్రైన్ టికెట్‌ చిరిగిపోతే ప్రయాణం చేయొచ్చా? కొత్త టికెట్ కొనాలా? అధికారుల వివరణ ఇదే

Train Ticket: ఒకసారి టికెట్‌ కొనుగోలు చేసిన తర్వాత అది చిరిగిపోతే ఏం చేయాలి? ఇలాంటి పరిస్థితి మీకెప్పుడైనా ఎదురైందా? ఒకవేళ భవిష్యత్తులో ఇలా జరిగితే చిరిగిపోయిన టికెట్ చెల్లుబాటు అవుతుందో లేదో ఇప్పుడు తెలుసుకుందాం. 

టికెట్ లేకుండా ప్రయాణం చేయడం చట్టరీత్యా నేరం. అందుకే ప్రతి ఒక్కరూ టికెట్ కొనుక్కుంటారు. అయితే అది జేబులో పెట్టుకోవడం, పర్సులో పెట్టుకోవడం, తీయడంలో పొరపాటున చిరిగిపోయిందనుకోండి. అది చెల్లుబాటు అవుతుందా లేదా? ఇలాంటి పరిస్థితి కూడా ఎదుర్కొన్న వారు ఉంటారు. అయితే చాలా మంది టికెట్ చెల్లుబాటు కాదని, ఫైన్ కట్టాల్సి వస్తుందని వేరే టికెట్ తీసుకుంటారు. ఇలా చేయక్కరలేదని, చిరిగిపోయిన టికెట్ కూడా చెల్లుబాటు అవుతుందని, కాని కొన్ని నిబంధనలు పాటించాలని రైల్వే అధికారులు చెబుతున్నారు. అవేంటో ఇప్పుడు చూద్దాం. 

మీరు కొన్న టికెట్ పొరపాటున చిరిగాపోయిందనుకోండి మీకు కంగారు పడాల్సిన పని లేదు. అది చెల్లుబాటు అవుతుంది. అయితే ఆ టికెట్ చిరిగిపోయినా వాటిపై వివరాలు చదవగలిగేలా ఉండాలి. అంటే టికెట్ నంబర్, ఎక్కడి నుంచి ఎక్కడికి వెళ్తున్నారు? టికెట్ ఫెయిర్, స్టాంప్ సింబల్ సరిగ్గా కనిపించాలి. వీటిల్లో ఏ ఒక్కటి సరిగ్గా లేకపోయినా అధికారులు టికెట్ తీసుకోరు. అది పనిచేయదని చెప్పేస్తారు. దీంతో మీరు ఫైన్ కట్టాల్సి ఉంటుంది. 

ఇలా చేస్తే మేలు..

టికెట్ జస్ట్ ఒక పేపర్. అందువల్ల అది ఏ పరిస్థితుల్లో అయినా చిరిగిపోవడానికి ఛాన్స్ ఉంటుంది. అందుకే టికెట్ కొన్న వెంటనే ముఖ్య సమాచారం కనిపించేలా ఫోటో తీసి పెట్టుకోండి. అప్పుడు టికెట్ చిరిగిపోయినా డూప్లికేట్ మీ దగ్గర ఉంటుంది కనుక రెండింటినీ చూసి టీటీఈ మీకు ఫైన్ వేయకుండా వదిలేస్తారు. 

డిజిటల్ టికెట్స్ అయితే బెటర్

ఇప్పుడంతా డిజిటల్ కరెన్సీ, డిజిటల్ టెక్నాలజీ కాబట్టి టికెట్స్ ఆన్ లైన్ లో తీసుకోవడం బెటర్. పొరపాటున టికెట్ డిలీట్ అయినా రైల్వే వెబ్ సైట్ లో, యాప్ లో భద్రంగా ఉంటుంది. దాని మళ్ళీ తీసుకుంటే సరిపోతుంది. 

టికెట్ లేకుండా ప్రయాణం అస్సలు చేయకండి. జస్ట్ ఫైన్ కడితే సరిపోతుందిలే అనుకున్నారా? ఇబ్బంది పడతారు. ఎందుకంటే ఒక్కోసారి జరిమానాతో పాటు జైలు శిక్ష కూడా పడొచ్చు. జనరల్ టికెట్ తో పోయే దానికి రూ.వేలల్లో ఫైన్, రెండు మూడు నెలలు జైలు శిక్ష వరకు తెచ్చుకోవడం అవసరమా?