School Holidays : తెలంగాణ స్టూడెంట్స్ ఎగిరిగంతేసే వార్త.. ఈ వీకెండ్ లో రెండు, కొందరికైతే మూడ్రోజుల సెలవులు?

హైదరాబాద్ బోనాల నేపథ్యంలో తెలంగాణ విద్యార్థులు, ఉద్యోగులకు సెలవులు రానున్నాయి. కొందరికి వరుసగా రెండురోజులు, మరికొందరికి మూడ్రోజులు సెలవులు వస్తున్నాయి. ఎవరికెన్ని సెలవులు వస్తున్నాయో ఇక్కడ తెలుసుకుందాం. 

Image Credit : getty

ఈవారం కూడా వరుస సెలవులు

School Holidays : తెలంగాణలో ఆషాడ బోనాల సంబరాలు మొదలయ్యాయి. పల్లెలు, పట్నాలు అని తేడాలేదు... తెలంగాణ మొత్తం ఈ ఆషాడమాసంలో బోనాలు జరుగుతాయి. కానీ రాజధాని హైదరాబాద్ లో మాత్రం భారీఎత్తున జరిగే బోనాల వేడుకలు ప్రత్యేక ఆకర్షణగా నిలుస్తాయి. ఇప్పటికే ఈ పురాతన నగరంలో వెలిసిన అమ్మవార్లకు బోనాలను సమర్పించి మొక్కుల చెల్లింపులు ప్రారంభమయ్యాయి.  ఈ పండగ నేపథ్యంలోనే వచ్చే సోమవారం తెలంగాణ లోని స్కూళ్లు, కాలేజీ విద్యార్థులతో పాటు ఉద్యోగులకు వరుసగా రెండ్రోజులు సెలవులు వస్తున్నాయి.

Image Credit : getty

వచ్చే ఆది, సోమ రెండ్రోజులే సెలవే

తెలంగాణలో ఆషాడ మాసం బోనాల సందడి నెలకొంది... గోల్కొండ బోనాలతో హైదరాబాద్ లో వేడుకలు మొదలయ్యాయి. ఇప్పటికే బల్కంపేట, సికింద్రాబాద్ ఉజ్జయిని మహంకాళి బోనాలు కూడా పూర్తయ్యాయి. ఇక మిగిలింది హైదరాబాద్ నగరవ్యాప్తంగా జరుపుకునే బోనాల వేడుకలు. వచ్చే ఆదివారం అంటే జులై 20న జరిగే ఈ వేడుకల కోసం నగరం సిద్దమవుతోంది... అమ్మవార్ల ఆలయాలన్ని ముస్తాబవుతున్నాయి.

వచ్చే ఆదివారం హైదరాబాద్ ప్రజలంతా బోనాల వేడుకల్లో పాల్గొంటారు... ఆడబిడ్డలు బోనమెత్తి మొక్కు చెట్టించుకుంటారు. అమ్మవారిని మేకలు, కోళ్లు బలిచ్చి మటన్, చికెన్ తోని విందు బోజనాలు ఏర్పాటుచేస్తారు. కుటుంబసభ్యులు, చుట్టాలు, స్నేహితులు... ఇలా అందరూ కలిసి విందు, మందుతో సందడి చేస్తారు. ఇక పలహారం బండ్ల ఊరేగింపులు, పోతురాజులు డ్యాన్సులు, శివసత్తుల పూనకాలు... హైదరాబాద్ మొత్తం సందడి సందడిగా ఉంటుంది.

తెలంగాణ ప్రజలు ఎంతో వైభవంగా బోనాల పండగను జరుపుకుంటారు కాబట్టి రెండ్రోజులు సెలవులు ఇచ్చింది రాష్ట్ర ప్రభుత్వం. బోనాలు జరిగే ఆదివారం ఎలాగే సెలవే... అందుకే సోమవారం కూడా అధికారికంగా సెలవు ప్రకటించింది రేవంత్ సర్కార్. అంటే వచ్చే సోమవారం విద్యాసంస్థలతో పాటు ఉద్యోగులకు కూడా సెలవు వస్తుందన్నమాట.

Image Credit : getty

వారికి వరుసగా మూడ్రోజుల సెలవులు?

వచ్చే ఆది, సోమవారం(జులై 20, 21న) రెండ్రోజులు తెలంగాణలో అధికారికంగా సెలవులే. ఇక శనివారం కూడా కొందరికి మరో సెలవు కలిసిరానుంది. అంటే హైదరాబాద్ లోని కొందరు విద్యార్థులు, ఉద్యోగులకు జులై 19, 20, 21 మూడురోజులు సెలవులు వస్తున్నాయి.

హైదరాబాద్ లో ఐటీ, కార్పోరేట్ ఉద్యోగులకు సాధారణంగా ప్రతి శని, ఆదివారం సెలవు ఉంటుంది. వీరికి వచ్చే సోమవారం బోనాల సెలవు కలిసి రానుంది. కొన్ని కార్పోరేట్ విద్యాసంస్థలు, మరికొన్ని ప్రైవేట్ స్కూళ్లలోని ప్రాథమిక తరగతుల విద్యార్థులకు కూడా వారంలో రెండ్రోజుల సెలవులు ఉంటాయి. అలాంటి విద్యార్థులకు కూడా సోమవారం అదనంగా మరో సెలవు వస్తుంది. ఇలా బోనాల సందర్భంగా అందరికీ రెండ్రోజులు... కొందరికి మాత్రం మూడ్రోజులు సెలవులు వస్తున్నాయి.

Image Credit : iSTOCK

లాంగ్ వీకెండ్ కు మంచి ట్రిప్ ప్లాన్ చేయండి

ఆదివారంతో మరో రెండ్రోజుల సెలవులు కలిసివస్తున్నాయి... కాబట్టి బోనాల వేడుకలు మరింత ధూంధాంగా జరుపుకోవచ్చు. ఒకవేళ బోనాల పండగ జరుపుకోలేనివారు మూడ్రోజులపాటు అంటే ఈ లాంగ్ వీకెండ్ లో కుటుంబంతో లేదంటే స్నేహితులతో హాయిగా టూర్ ప్లాన్ చేసుకోవచ్చు. హైదరాబాద్ నుండి కేవలం ఒకట్రెండ్ రోజుల్లో చూసివచ్చే టూరిస్ట్ స్పాట్స్ అనేకం ఉన్నాయి. అలాంటి ప్రాంతాలను వెళ్లిరావచ్చు.

హైదరాబాద్ కు దగ్గర్లోని మంచి టూరిస్ట్ ప్రాంతాల గురించి తెలుసుకోవాలంటే ఈ కింది లింక్ పై క్లిక్ చేయండి. ఇందులో మీకు నచ్చిన ప్రాంతాలకు వెళ్లి ఆనందంగా గడిపిరండి.

Image Credit : unsplash

తెలంగాణోళ్లకు మాత్రమే సోమవారం సెలవు

తెలుగు సాంప్రదాయాలు, పండగలు, పర్వదినాలు ఒకటే కాబట్టి సాధారణంగా తెలంగాణ, ఆంధ్ర ప్రదేశ్ లో ఒకే రకమైన సెలవులు ఉంటాయి. కానీ ఈ బోనాల పండగ మాత్రం కేవలం తెలంగాణకే పరిమితం. అందుకే జులై 21న కేవలం తెలంగాలోనే సెలవు ఉంది. ఈ విషయాన్ని ఆంధ్ర ప్రదేశ్ ప్రజలు గుర్తించాలి... వారికి ఆరోజు ఎలాంటి సెలవు ఉండదు.