బిఆర్ఎస్ పార్టీలో రేవంత్ రెడ్డి కోవర్టులు .. కేటీఆర్ ఎవరిని ఇంత మాటన్నారు?

15

Image Credit : Social Media

కేసీఆర్ కుటుంబ కలహాలు నిజమేనా?

KTR : తెలంగాణ రాజకీయాల్లో మాజీ సీఎం, బిఆర్ఎస్ అధినేత కేసీఆర్ కూతురు కవిత వ్యవహారం హాట్ టాపిక్ గా మారింది. బిఆర్ఎస్ ఎమ్మెల్సీ కవిత తన తండ్రికి ప్రస్తుత రాజకీయ వ్యవహారాలు, బిఆర్ఎస్ వ్యవహార తీరుపై ఓ లేఖ రాసారు. అయితే ఈ లేఖ కాస్త బైటకు రావడంతో దుమారం రేగింది. ఈ లేఖ వ్యవహారం కేసీఆర్ కుటుంబంలో చిచ్చు పెట్టిందా? లేక కుటుంబంలో చిచ్చు మొదలయ్యాకే లేఖ బైటకు వచ్చిందా? అన్న చర్చ రాజకీయ వర్గాల్లో సాగుతోంది.

25

Image Credit : X/RaoKavitha

కవిత మాటల్లో కేసీఆర్ చుట్టున్న దెయ్యాలెవరు?

అయితే తండ్రికి తాను రాసిన లేఖ బయటకు రావడం కుట్రలో భాగమేనని కవిత అంటున్నారు. తన తండ్రి దేవుడు... ఆయన చుట్టు దెయ్యాలున్నారంటూ కవిత అన్నారు. కవిత ఎవరికి ఉద్దేశించి ఈ కామెంట్స్ చేసారు? సోదరులు కేటీఆర్, సంతోష్ ల గురించా లేక బావ హరీష్ రావు గురించా అన్న చర్చ జరుగుతోంది. ఇలా కల్వకుంట్ల కుటుంబంతో వివాదం రాజుకున్న నేపథ్యంలో బిఆర్ఎస్ వర్కింగ్ ప్రెసిడెంట్ కేటీఆర్ కూడా ఆసక్తికర కామెంట్స్ చేసారు.

35

Image Credit : our own

కవిత లెటర్ పై కేటీఆర్ రియాక్షన్

నేషనల్ హెరాల్డ్ కేసులో తెలంగాణ సీఎం రేవంత్ రెడ్డి పేరు రావడంతో కేటీఆర్ స్పందించారు. ఈ క్రమంలో దీనిపై మీడియాతో మాట్లాడిన కేటీఆర్ తన సోదరి కవిత లేఖ వ్యవహారంపైనా స్పందించారు. బిఆర్ఎస్ పార్టీ ప్రజాస్వామిక స్ఫూర్తితో నడుస్తుందని... అందుకే ఎవరైనా పార్టీ అధ్యక్షుడికి తమ అభిప్రాయాలు తెలియజేయవచ్చని అన్నారు. ఇటీవల పార్లమెంట్ ఎన్నికల సమయంలో చాలామంది నేరుగా తమ అభిప్రాయాలను తెలియజేసారు... కొందరు అధినేతకు ఉత్తరాలు కూడా రాసారని తెలిపారు. ఇలా పార్టీలో ప్రతి ఒక్కరికి స్వే,చ్చ ఉంటుందన్నారు కేటీఆర్.

45

Image Credit : X/BRSParty

బిఆర్ఎస్ లో రేవంత్ కోవర్టులు : కేటీఆర్

అయితే పార్టీలో చర్చించాల్సిన విషయాలను బైట మాట్లాడకూడదని కేటీఆర్ సూచించారు. బిఆర్ఎస్ పార్టీలో ఎవరూ ఎక్కువ కాదు, ఎవరు తక్కువకాదు.. అందరూ కార్యకర్తలేనని కేటీఆర్ అన్నారు. ఇది అందరికీ వర్తిస్తుందన్నారు. అయితే మా పార్టీలో రేవంత్ రెడ్డి కోవర్టులు ఉండొచ్చంటూ కేటీఆర్ చేసిన కామెంట్స్ ఆసక్తికరంగా మారాయి.

55

Image Credit : our own

అసలు దెయ్యం రేవంత్ రెడ్డే : కేటీఆర్

కేసీఆర్ చుట్టూ దెయ్యాలున్నాయన్న కవిత వ్యాఖ్యలపైనా కేటీఆర్ రియాక్ట్ అయ్యారు. తమ పార్టీలో దెయ్యాలెవరూ లేరు... తెలంగాణకు పట్టిన పెద్ద దెయ్యం రేవంత్‌రెడ్డే అని అన్నారు. తెలంగాణకు పట్టిన శని కాంగ్రెస్ పార్టీ అంటూ కేటీఆర్ ఎద్దేవా చేసారు.

తెలంగాణకు పట్టిన దెయ్యం రేవంత్‌ రెడ్డి.. శని కాంగ్రెస్ పార్టీ.

ఆ దెయ్యాన్ని, శనిని వదిలించడమే మా పని.

- బీఆర్ఎస్ వర్కింగ్ ప్రెసిడెంట్ @KTRBRS 🔥 pic.twitter.com/a0ksJ22BMA

— BRS Party (@BRSparty) May 24, 2025