Cheapest 5G Plan : రూ.200 లోపే 5G డేటా.. జియో, ఎయిర్‌టెల్, Viలో చౌక రీఛార్జ్ ప్లాన్ ఎవరిది?

జియో, ఎయిర్‌టెల్, వొడాఫోన్ ఐడియా (Vi) అందిస్తున్న చౌక 5G ప్లాన్‌ల వివరాలు ఇక్కడ ఉన్నాయి. ప్రతి కంపెనీ ఎంట్రీ లెవెల్ ప్లాన్‌ల ధర, డేటా, వ్యాలిడిటీ, అదనపు ప్రయోజనాలను ఈ గ్యాలరీలో పోల్చి చూద్దాం.

Image Credit : ChatGPT

తక్కువ ధరలో బెస్ట్ 5జీ సర్వీస్

ప్రస్తుతం 5G ఇంటర్నెట్ వాడకం వేగంగా పెరుగుతోంది. ప్రతి ఒక్కరూ తక్కువ ధరలో మంచి 5G ప్లాన్ కోసం చూస్తున్నారు. ఈ నేపథ్యంలో జియో, ఎయిర్‌టెల్, వొడాఫోన్ ఐడియా (Vi) కంపెనీలలో ఏది చౌకైన 5G రీఛార్జ్‌ను అందిస్తోందనేది ఆసక్తికరంగా మారింది. తక్కువ ఖర్చుతో హై-స్పీడ్ 5G అనుభవాన్ని కోరుకునే వారి కోసం ఈ మూడు టెలికాం కంపెనీల ఎంట్రీ లెవెల్ ప్లాన్‌ల వివరాలు ఇక్కడ అందిస్తున్నాం.

Image Credit : Vi

వొడాఫోన్ ఐడియా (Vi) చౌక 5G ప్లాన్

వొడాఫోన్ ఐడియా తన కస్టమర్లకు ₹349కే 5G ప్లాన్‌ను అందిస్తోంది. ఈ ప్లాన్‌లో రోజూ 1.5GB హై-స్పీడ్ డేటా లభిస్తుంది. దీంతో పాటు అన్ని నెట్‌వర్క్‌లకు అన్‌లిమిటెడ్ వాయిస్ కాలింగ్, రోజూ 100 SMSలు వస్తాయి. ఈ ప్లాన్ వ్యాలిడిటీ 28 రోజులు. 

విఐ కంపెనీ ఈ ప్లాన్‌తో అన్‌లిమిటెడ్ 5G డేటా ఇస్తున్నప్పటికీ, దీనికి 300GB ఫెయిర్ యూసేజ్ పాలసీ (FUP) పరిమితి వర్తిస్తుంది. అదనంగా కస్టమర్లకు బింజ్ ఆల్ నైట్, వీకెండ్ డేటా రోలోవర్, డేటా డిలైట్, Vi మూవీస్ & టీవీ వంటి ప్రయోజనాలు కూడా ఉన్నాయి.

Image Credit : Gemini AI

దేశంలోనే అత్యంత చౌక 5G ప్లాన్‌ జియోదే

ధర పరంగా చూస్తే రిలయన్స్ జియో అందిస్తున్న ₹198 ప్లాన్ దేశంలోనే అత్యంత చౌకైన 5G ఆప్షన్‌గా నిలుస్తోంది. ఈ ప్లాన్ 14 రోజుల వ్యాలిడిటీతో వస్తుంది. రోజూ 2GB డేటాను అందిస్తుంది. దీనితో పాటు అన్‌లిమిటెడ్ కాలింగ్, రోజుకు 100 SMS ప్రయోజనాలు కూడా ఉన్నాయి. ఈ ప్లాన్ ప్రత్యేకత ఏంటంటే, ఇందులో 'ట్రూలీ అన్‌లిమిటెడ్ 5G డేటా' లభిస్తుంది. అంటే అర్హత ఉన్న 5G యూజర్లు ఎలాంటి డేటా పరిమితి లేకుండా హై-స్పీడ్ ఇంటర్నెట్ వాడుకోవచ్చు. JioTV, Jio AI క్లౌడ్ వంటి సేవలకు ఉచిత యాక్సెస్ కూడా లభిస్తుంది.

Image Credit : stockPhoto

ఎయిర్‌టెల్ (Airtel) ప్రారంభ 5G ప్లాన్ వివరాలు

ఎయిర్‌టెల్ కస్టమర్లకు అందుబాటులో ఉన్న అత్యంత చౌక 5G ప్లాన్ ధర ₹379. ఈ రీఛార్జ్‌లో యూజర్లకు ప్రతిరోజూ 2GB డేటా, అన్‌లిమిటెడ్ కాలింగ్, రోజూ 100 SMSలు లభిస్తాయి. ఈ ప్లాన్ వ్యాలిడిటీ 28 రోజులు. కంపెనీ ఈ ప్లాన్‌తో పాటు 300GB FUP పరిమితితో అన్‌లిమిటెడ్ 5G యాక్సెస్ ఇస్తుంది. ఇక అదనపు ప్రయోజనాల విషయానికొస్తే, యూజర్లకు 6 నెలల పాటు ఆపిల్ మ్యూజిక్ ఉచిత సబ్‌స్క్రిప్షన్, ఒక నెల పాటు 30GB సామర్థ్యంతో గూగుల్ వన్ క్లౌడ్ స్టోరేజ్ లభిస్తుంది.

Image Credit : stockPhoto

అత్యంత చౌక ప్లాన్ ఇదే..

ఇండియాలోని ప్రముఖ టెలికాం కంపెనీలు జియో, ఎయిర్ టెల్, వొడాఫోన్ ఐడియా రీచార్జ్ ప్లాన్‌లను పోల్చి చూస్తే ధర విషయంలో జియో అందరికంటే ముందుంది. వొడాఫోన్ ఐడియా ప్రారంభ 5G ప్లాన్ ₹349, ఎయిర్‌టెల్ ప్లాన్ ₹379 ఉండగా జియో కేవలం ₹198కే 5G అనుభవాన్ని పొందే అవకాశం కల్పిస్తోంది.

ధర విషయంలో జియో చౌకగా ఉన్నప్పటికీ వ్యాలిడిటీ, డేటా అవసరం, అదనపు ఓటీటీ లేదా క్లౌడ్ సౌకర్యాల ఆధారంగా మీ ఎంపిక మారవచ్చు. తక్కువ రోజుల వ్యాలిడిటీ అయినా పర్వాలేదు, చాలా తక్కువ ధరలో 5G ఇంటర్నెట్ వాడాలి అనుకునేవారికి ప్రస్తుతం జియో ₹198 ప్లాన్ ఉత్తమమైన ఎంపిక.