Amazon vs Flipkart Sale: పండుగ సేల్ రచ్చ షురూ.. అమెజాన్, ఫ్లిప్‌కార్ట్ సీక్రెట్ బ్యాంక్ ఆఫర్లు ఇవే !

Amazon vs Flipkart Sale: అక్టోబర్ 8 నుంచి అమెజాన్, ఫ్లిప్‌కార్ట్ భారీ పండుగ సేల్స్ ప్రారంభించనున్నాయి. స్మార్ట్‌ఫోన్లు, ఎలక్ట్రానిక్స్ కొనుగోళ్లపై బ్యాంక్ డిస్కౌంట్లు, క్యాష్‌బ్యాక్ ఆఫర్లు అందుబాటులో ఉన్నాయి. ఆ వివరాలు ఇక్కడ తెలుసుకుందాం.

Image Credit : chatgpt

అమెజాన్, ఫ్లిప్‌కార్ట్‌లలో ఏ ఫోన్‌పై ఎంత డిస్కౌంట్ ఉందో తెలుసా?

దేశంలోనే అతిపెద్ద పండుగ సీజన్ షాపింగ్ సందడి షురూ కాబోతోంది. ప్రముఖ ఈ-కామర్స్ దిగ్గజాలైన అమెజాన్, ఫ్లిప్‌కార్ట్ తమ పండుగ సేల్స్‌ను ప్రారంభించేందుకు రంగం సిద్ధం చేశాయి. ఈ విక్రయాల్లో భాగంగా స్మార్ట్‌ఫోన్లు, ఎలక్ట్రానిక్స్, హోమ్ అప్లయెన్సెస్‌తో పాటు అనేక కేటగిరీలకు చెందిన ప్రొడక్టులపై భారీ తగ్గింపులు, ఇన్‌స్టంట్ డిస్కౌంట్లు, ప్రత్యేక క్యాష్‌బ్యాక్ ఆఫర్లను అందిస్తున్నాయి. కస్టమర్లను ఆకట్టుకునేందుకు ప్రధాన బ్యాంకింగ్ పార్ట్‌నర్లతో ఒప్పందాలు కుదుర్చుకున్నాయి.

Image Credit : AI Generate (chatgpt.com)

సేల్ ఎప్పుడు ప్రారంభం? ఎర్లీ యాక్సెస్ వివరాలు ఇవే

అమెజాన్ నిర్వహిస్తున్న ‘అమెజాన్ గ్రేట్ ఇండియన్ ఫెస్టివల్ 2026’ సేల్ అక్టోబర్ 8న అధికారికంగా ప్రారంభం కానుంది. ఇకపోతే, ఫ్లిప్‌కార్ట్ ‘బిగ్ బిలియన్ డేస్ 2026’ సేల్ అక్టోబర్ 9 నుంచి అందరికీ అందుబాటులోకి వస్తుంది. అయితే, ఫ్లిప్‌కార్ట్ ప్లస్, బ్లాక్ సబ్‌స్క్రైబర్లు, అలాగే ఎంపిక చేసిన ఫ్లిప్‌కార్ట్ క్రెడిట్ కార్డ్ హోల్డర్లు అక్టోబర్ 8 నుంచే ముందస్తుగా అంటే 'ఎర్లీ యాక్సెస్' ద్వారా సేల్‌లోకి ఎంటర్ అయి ఉత్పత్తులను కొనుగోలు చేయవచ్చు.

Image Credit : Chatgpt

ఫ్లిప్‌కార్ట్ బిగ్ బిలియన్ డేస్: బ్యాంక్ ఆఫర్లు ఇవే

ఫ్లిప్‌కార్ట్ బిగ్ బిలియన్ డేస్ సేల్‌లో కొనుగోలు చేసే కస్టమర్ల కోసం యాక్సిస్ బ్యాంక్ (Axis Bank), ఐసీఐసీఐ బ్యాంక్ (ICICI Bank) ప్రధాన భాగస్వాములుగా వ్యవహరిస్తున్నాయి. అర్హత కలిగిన కొనుగోళ్లపై వినియోగదారులు 10% వరకు ఇన్‌స్టంట్ డిస్కౌంట్ పొందవచ్చు. ఈ తగ్గింపు అనేది కొనుగోలు చేసే ప్రొడక్ట్, లావాదేవీ మొత్తం, ఉపయోగించే కార్డు వర్గంపై ఆధారపడి ఉంటుంది.

దీనితో పాటు, ఫ్లిప్‌కార్ట్ యాక్సిస్ బ్యాంక్ క్రెడిట్ కార్డుదారులకు ప్రత్యేకంగా 10% ఇన్‌స్టంట్ డిస్కౌంట్ లభిస్తుంది. అంతేకాకుండా, ఫ్లిప్‌కార్ట్‌కు చెందిన 'సూపర్ మనీ' సర్వీస్ ద్వారా చెల్లింపులు చేసేవారికి అదనంగా 10% క్యాష్‌బ్యాక్ లభిస్తుంది. కాకపోతే ఈ క్యాష్‌బ్యాక్ ఆఫర్ సదరు యూజర్ చేసే మొదటి అర్హత లావాదేవీకి మాత్రమే పరిమితం. ప్రతి ఆఫర్‌కు కనీస బిల్లు మొత్తం, గరిష్ఠ డిస్కౌంట్ పరిమితులు వర్తిస్తాయి.

Image Credit : Amazon.in

అమేజాన్ గ్రేట్ ఇండియన్ ఫెస్టివల్: ఎస్‌బీఐ, అమెజాన్ పే బెనిఫిట్స్

అమెజాన్ పండుగ సేల్‌లో ప్రధానంగా స్టేట్ బ్యాంక్ ఆఫ్ ఇండియా కార్డ్ హోల్డర్లకు ఎక్కువ ప్రయోజనాలు దక్కనున్నాయి. ఎస్‌బీఐ డెబిట్, క్రెడిట్ కార్డ్‌ల ద్వారా కొనుగోలు చేసే వినియోగదారులు 10% తక్షణ తగ్గింపు పొందవచ్చు. ఈ ఆఫర్ ఎస్‌బీఐ క్రెడిట్ కార్డ్ ద్వారా చేసే ఈఎంఐ లావాదేవీలకు కూడా వర్తిస్తుంది.

అమెజాన్ తన ఇతర పేమెంట్ సర్వీసెస్ ద్వారా కూడా క్యాష్‌బ్యాక్ ఆఫర్లను ఇస్తోంది. 'అమెజాన్ పే లేటర్' ఉపయోగించే కొనుగోలుదారులు అర్హత కలిగిన లావాదేవీలపై 10% వరకు క్యాష్‌బ్యాక్ పొందవచ్చు. అదేవిధంగా, 'అమెజాన్ పే ఐసీఐసీఐ బ్యాంక్ క్రెడిట్ కార్డ్' ఉన్న వినియోగదారులు అమెజాన్‌లో చేసే కొనుగోళ్లపై 5% అపరిమిత క్యాష్‌బ్యాక్ ప్రయోజనాన్ని అందుకోవచ్చు. ఈ అపరిమిత క్యాష్‌బ్యాక్‌పై ఎలాంటి గరిష్ఠ పరిమితి ఉండదు, కానీ కార్డుకు సంబంధించిన అర్హత నిబంధనలు వర్తిస్తాయి.

Image Credit : AI-Generated

10% డిస్కౌంట్ అంటే ఫ్లాట్ 10% తగ్గడం కాదు

ప్రకటనలలో చూపే “Up to 10%” డిస్కౌంట్ అంటే బిల్లు మొత్తంలో నేరుగా ఫ్లాట్ 10% తగ్గిపోతుందని అర్థం కాదని కస్టమర్లు గమనించాలి. మీరు చేసే అమౌంట్, బ్యాంక్ విధించిన గరిష్ఠ తగ్గింపు పరిమితి, కనీస కొనుగోలు నిబంధనలు, మీరు చేసే చెల్లింపు మోడ్ పై తుది తగ్గింపు ఆధారపడి ఉంటుంది.

ఈ-కామర్స్ ప్లాట్‌ఫారమ్‌లు కొన్ని రకాల కార్డ్‌లను, ప్రొడక్ట్‌లను లేదా లావాదేవీలను ఈ ఆఫర్ల నుంచి మినహాయించే అవకాశం కూడా ఉంటుంది. అందుకే కొనుగోలుదారులు చెక్అవుట్ చేసి పేమెంట్ పూర్తి చేసే ముందు తుది బిల్లుపై వర్తించిన అసలు డిస్కౌంట్‌ను క్షుణ్ణంగా సరిచూసుకోవడం మంచిది. పోటీ పోటీగా ఇస్తున్న ఈ బ్యాంక్ ఆఫర్లతో పండుగ వేళ మొబైల్స్, ల్యాప్‌టాప్‌లు, ఇతర గ్యాడ్జెట్లు కొనేవారికి మంచి సేవింగ్స్ దక్కనున్నాయి.