Breastfeeding Moms: పాలిచ్చే తల్లులు ఈ 6 పండ్లు తినాల్సిందే! ఎందుకో తెలుసా?

Breastfeeding Moms: పాలిచ్చే తల్లుల సాధారణంగా కొన్ని పండ్లు తినడానికి ఇష్టపడరు. దీనికి అనేక కారణాలుంటాయి. కాని బిడ్డలకు సరైన పోషకాలు అందాలంటే తల్లలు కచ్చితంగా కొన్ని పండ్లు తినాాలని డాక్టర్లు చెబుతున్నారు. అవేంటో ఇప్పుడు తెలుసుకుందాం. 

పిల్లల్ని కన్న తల్లుల లైఫ్ స్టైల్ పూర్తిగా మారుతుంది. పూర్వం పెద్ద వాళ్లు అలాంటి ఆహారపు అలవాట్లు చేసేవారు. పిల్లలకు సరిపడా పాల ఇచ్చేందుకు వాళ్ళు తినే ఆహారంలో ఎక్కువ పోషకాలు ఉండేలా చూసేవారు. ఎందుకంటే పిల్లలకు ఒక వయస్సు వచ్చే వరకు పాలు మాత్రమే ఇవ్వాలి. అందుకే తల్లిపాలు ఎక్కువగా ఉత్పత్తి అయ్యే ఆహారాలను ఎక్కువగా ఇచ్చే వారు. అయితే ఇప్పుడున్న బిజీ లైఫ్ లో చాలా మందికి ఎలాంటి ఆహారం తింటే తల్లికి పాలు ఎక్కువ ఉత్పత్తి అవుతాయో తెలియదు. తల్లులు ఎలాంటి ఆహారం.. ముఖ్యంగా ఎలాంటి పండ్లు తీసుకోవాలో ఇప్పుడు చూద్దాం. 

మన చుట్టూనే ఎన్నో రకాల పోషకాహారం ఉంటుంది. కాని వాటి విలువ తెలియక చాలా మంది తినరు. ముఖ్యంగా గర్భిణులు, బాలింతలు ఎలాంటి ఆహారం తీసుకోవాలో ఈ కాలం యువతులకు పెద్దగా తెలియదు. కేవలం కొన్ని రకాల పండ్లు తింటే పిల్లలకు కావాల్సిన పోషకాలు తల్లి పాలల్లోనే ఉత్పత్తి అవుతాయి. కొన్ని పండ్లు పాలిచ్చే తల్లులకు కావాల్సిన శక్తిని కూడా ఇస్తాయి. కాబట్టి పోషకాలు తక్కువగా ఉన్న తల్లులు, మంచి ఆరోగ్యకరమైన పాలు ఉత్పత్తి చేయడానికి ఇక్కడ చెప్పిన పండ్లు కచ్చితంగా తినాలి. 

దీన్ని కూడా చదవండి:  పిల్లల గదిలో ఇవన్నీ ఉంటే వాళ్లు చాలా హ్యాపీగా ఉంటారు

సపోటా

తల్లిపాలు ఇచ్చేటప్పుడు కొందరికి వాంతులు, కళ్ళు తిరగడం, వికారం వస్తాయి. వీటిని ఎదుర్కోవడానికి శరీరానికి ఎక్కువ శక్తి అవసరం అవుతుంది. సపోటా తినడం వల్ల కావాల్సిన శక్తి దొరుకుతుంది. 

స్ట్రాబెర్రీ

స్ట్రాబెర్రీలో విటమిన్ సి ఎక్కువ మొత్తంలో ఉంటుంది. అందుకే డాక్టర్లు ఈ పండు తినమని చెప్తారు. ఇంకా ఇందులో నీటి శాతం కూడా ఎక్కువగా ఉండడం వల్ల శరీరాన్ని హైడ్రేటెడ్‌గా ఉంచుతుంది. దీనివల్ల తల్లిపాలు కూడా ఎక్కువగా ఉత్పత్తి అవుతాయి. 

దీన్ని కూడా చదవండి:  గర్భిణులు మొదటి మూడు నెలలు ఈ జాగ్రత్తలు తప్పనిసరిగా పాటించాలి

బ్లూబెర్రీ

బ్లూబెర్రీలో సిట్రస్ యాసిడ్, యాంటీ ఆక్సిడెంట్లు ఎక్కువగా ఉంటాయి. కాబట్టి తల్లిపాలలో ఎక్కువగా ఉండే యాంటీ ఆక్సిడెంట్లు తల్లిపాల ద్వారా బిడ్డకు అందుతాయి.

అరటిపండు

అరటిపండులో పొటాషియం ఎక్కువగా ఉండడం వల్ల ఇది పాలిచ్చే తల్లులకు చాలా మంచిదని డాక్టర్లు చెప్తారు. ఇది శరీరంలో లిక్విడ్ బ్యాలెన్సింగ్ చేయడానికి సహాయపడుతుంది. 

పచ్చి బొప్పాయి

తల్లిపాల ఉత్పత్తిని పెంచడానికి ఈ పండు బాగా సహాయపడుతుంది. అదే సమయంలో ఈ పండులో ఉండే విటమిన్ ఏ, బి, సి, ఈ పాలిచ్చే తల్లులకు చాలా మంచిది. 

అవకాడో

తల్లుల శరీరంలో తగినంత పోషకాలు ఉంటేనే వాళ్ళు పిల్లలకు పాలు ఇవ్వగలరు. కాబట్టి పోషకాలు నిండిన తల్లిపాలు ఇవ్వాలంటే అవకాడో తినండి. ఎందుకంటే ఈ పండులో ఒమేగా-3, ఒమేగా-9 అవసరమైన అమినో ఆమ్లాలు వంటి పోషకాలు ఉన్నాయి. ఇది బిడ్డకు కావాల్సిన పోషకాలను అందిస్తుంది.