Operation Sindhoor: పాకిస్తాన్ ఉగ్రవాద శిబిరాలను Pubg లో లేపినట్లు లేపేశారు
భారత సైన్యం, నౌకాదళం, వైమానిక దళం సంయుక్తంగా చేపట్టిన “ఆపరేషన్ సింధూర్”లో సూసైడ్ డ్రోన్లు (Loitering Munitions) కీలకంగా పనిచేశాయి. పాక్ ఆక్రమిత కాశ్మీర్ (POK)తో పాటు పాకిస్తాన్ లోని తొమ్మిది ఉగ్రవాద శిబిరాలపై జరిగిన ఈ ప్రతీకార దాడుల్లో, అత్యాధునిక సాంకేతిక పరిజ్ఞానంతో తయారైన ఈ డ్రోన్లు వాడడం జరిగింది.
సూసైడ్ డ్రోన్లు..ఆపరేషన్ సింధూర్లో వీటి ఉపయోగం:
భారత సైన్యం, నౌకాదళం, వైమానిక దళం సంయుక్తంగా చేపట్టిన “ఆపరేషన్ సింధూర్”లో సూసైడ్ డ్రోన్లు (Loitering Munitions) కీలకంగా పనిచేశాయి. పాక్ ఆక్రమిత కాశ్మీర్ (POK)తో పాటు పాకిస్తాన్ లోని తొమ్మిది ఉగ్రవాద శిబిరాలపై జరిగిన ఈ ప్రతీకార దాడుల్లో, అత్యాధునిక సాంకేతిక పరిజ్ఞానంతో తయారైన ఈ డ్రోన్లు వాడినట్లు తెలుస్తుంది.
సూసైడ్ డ్రోన్లు అంటే ఏమిటి?
సూసైడ్ డ్రోన్ లేదా లోయిటరింగ్ మ్యూనిషన్ అనేది ఒక రకమైన ఆటోనమస్ ఆయుధం. ఇవి సాధారణ డ్రోన్లలా గాలిలో తిరుగుతాయి, కానీ లక్ష్యాన్ని గుర్తించిన వెంటనే దానిపై నేరుగా దూకి పేలుతాయి. అందుకే వీటిని “కామికాజే డ్రోన్లు” అని కూడా పిలుస్తారు.
ఈ డ్రోన్ల ప్రత్యేకతలు:
లక్ష్యాన్ని ట్రాక్ చేసి దాడి చేయగలిగే సామర్థ్యం
దృఢమైన నిఘా వ్యవస్థ: ముందుగా గాలిలో తిరుగుతూ లక్ష్యాలను గుర్తిస్తుంది.
ఆటోనమస్ వ్యవస్థ: మానవ జోక్యం లేకుండా పని చేయగలగడం.
హై ప్రిసిషన్: అత్యంత ఖచ్చితంగా లక్ష్యాన్ని దెబ్బతీయగల సామర్థ్యం.
కొనసాగే నిఘా + దాడి – ఒకే యంత్రంతో నిఘా, దాడి రెండూ ఉన్నాయి.
రాజకీయ నాయకుల స్పందన:
ఈ ఆపరేషన్ను అన్ని పార్టీల నేతలు ప్రశంసించారు. రక్షణ మంత్రి రాజ్నాథ్ సింగ్ “భారత్ మాతా కీ జై” అంటూ ట్వీట్ చేశారు. పీయూష్ గోయల్, హిమంత బిశ్వ శర్మ, యోగి ఆదిత్యనాథ్, ప్రియాంక చతుర్వేది, ఆదిత్య ఠాక్రే, తేజస్వి యాదవ్ వంటి నేతలంతా భారత సైన్యాన్ని అభినందించారు.
పాకిస్తాన్ స్పందన:
భారతదేశం ఖచ్చితమైన ఉగ్రవాద లక్ష్యాలను టార్గెట్ చేయగా, పాకిస్తాన్ జమ్మూ కాశ్మీర్లోని భింబర్ గాలి ప్రాంతంలో కాల్పులకు తెగబడింది. దీనిపై భారత సైన్యం “తగిన విధంగా” స్పందించిందని అధికారులు వెల్లడించారు.
పహల్గామ్లో ఇటీవల జరిగిన ఉగ్రదాడికి ప్రతిగా భారత భూభాగం నుంచే ఈ సూసైడ్ డ్రోన్లతో దాడులు జరిగాయి. ఈ డ్రోన్లు జైష్-ఎ-మొహమ్మద్, లష్కర్-ఎ-తొయిబా వంటి ఉగ్రవాద లక్ష్యాలను ఖచ్చితంగా ఛేదించాయి.
భారత రక్షణ మంత్రిత్వ శాఖ ఈ దాడులు పూర్తిగా ఉగ్రవాద శిబిరాలపై మాత్రమే జరిగాయని స్పష్టం చేసింది. పాకిస్తాన్ సైనిక స్థావరాలను లక్ష్యంగా పెట్టలేదని వివరించింది.
