వేడి వేడి కాఫీ లేదా టీ తాగే అలవాటుందా? అయితే మీకు ఈ క్యాన్సర్ రావడం గ్యారంటీ
ప్రతి ఒక్కరూ టీ లేదా కాఫీని పక్కాగా తాగుతుంటారు. అయితే కొందరు మరీ ఎక్కువ వేడిగా ఉండే టీ , కాఫీలనే తాగడానికి ఇష్టపడతారు. కానీ మరీ ఎక్కువ వేడిగా ఉండే పానీయాలను తాగితే అన్నవాహిక క్యాన్సర్ వచ్చే ప్రమాదం ఉందని డాక్టర్లు, ఆరోగ్య నిపుణులు చెబుతున్నారు.
టీ, కాఫీలను తాగని వారు అస్సలు ఉండరేమో. పొద్దుకు మూడు నాలుగు సార్లు వీటిని తాగేవారు కూడా ఉన్నారు. టీ, కాఫీలను తాగడంలో తప్పేం లేదు. కానీ వీటిని మరీ ఎక్కువ వేడి చేసుకుని తాగితేనే అసలు సమస్య వస్తుంది. తాజా అధ్యయనం ప్రకారం.. వేడి నీళ్లు, టీ, కాఫీ వంటి వేడి పానీయాలను తాగడం వల్ల అన్నవాహిక క్యాన్సర్ వచ్చే ప్రమాదం ఉంది.
ఉదయం లేచిన తర్వాత వేడి వేడిగా టీ కానీ, కాఫీ కానీ తాగనిదే చాలా మంది రోజు మొదలవ్వదు. చాలా మంది సమయం సందర్భం లేకుండా టీ తాగుతూ ఉంటారు. లేవగానే ఒకసారి టీ తాగడం.. టిఫిన్ చేశాక టీ తాగడం, మళ్లీ సాయంత్రం, మధ్యాహ్నం భోజనం తర్వాత ఇలా.. ఎప్పుడు పడితే అప్పుడు తాగేస్తుంటారు. అయితే.. భోజనం తర్వాత టీ కానీ కాఫీ గానీ తాగడం వల్ల మనకు తెలీకుండానే సమస్యలు కొని తెచ్చుకున్నవాళ్లం అవుతామట.
టీ, కాఫీ లు క్యాన్సర్ ప్రమాదానికి ఎలా కారణమవుతాయి?
అన్నవాహిక అనేది ఒక పొడవాటి గొట్టం. ఇది మన నోటి నుంచి మన కడుపు వరకు ఉంటుంది. ఇది ద్రవాలు, లాలాజలం, నమిలిన ఆహారానికి వాహకంగా పనిచేస్తుంది. అన్నవాహిక క్యాన్సర్ అన్నవాహికలోని కణితి కణాల పెరుగుదల లేదా అన్నవాహిక పొర మార్పు వల్ల సంభవిస్తుంది.
coffee
వేడి నీరు, టీ లేదా కాఫీ వంటి చాలా వేడిగా ఉండే పానీయాలను తాగడం వల్ల అన్నవాహిక క్యాన్సర్ వచ్చే ప్రమాదం పెరుగుతుందని నిపుణులు చెబుతున్నారు. నిజానికి వీటిని పరిమిత పరిమాణంలో తీసుకున్నప్పుడు ఎలాంటి సమస్యలు రావు. కానీ టీ, కాఫీలో ఉండే కెఫిన్, యాంటీఆక్సిడెంట్ కంటెంట్ తో వ్యాధి ప్రమాదాన్ని పెంచుతాయి. అయినప్పటికీ ఇవి చాలా వేడిగా ఉండటం వల్ల అన్నవాహిక దెబ్బతింటుంది. ట్రిపుల్ క్యాన్సర్ ప్రమాదం కూడా పొంచి ఉంది. ఈ ప్రమాదాన్ని తగ్గించడానికి.. మీరు తాగే పానీయం చల్లగా ఉండేట్టు చూసుకోండి. వెచ్చని పానీయాలను ఇష్టపడేవారికి 2.7 రెట్లు ఎక్కువ ప్రమాదం, చాలా వేడి కషాయాలను ఇష్టపడేవారికి క్యాన్సర్ వచ్చే అవకాశం 4.1 రెట్లు ఎక్కువగా ఉందని అని తేలింది.
ధూమపానం చేయని వారితో పోలిస్తే .. కాఫీని తాగే వారే ఈ వ్యాధి ప్రమాదానికి ఎక్కువగా గురవుతున్నారని ఒక జర్నల్ పేర్కొంది.
వేడి టీ, ఇతర పానీయాలు తాగడం క్యాన్సర్ కు ఎందుకు దారితీస్తుంది?
వేడి టీ లేదా ఇతర పానీయాలను తాగడం వల్ల అన్నవాహిక క్యాన్సర్ వచ్చే ప్రమాదం ఎందుకు పెరుగుతుందనే దానిపై మరింత పరిశోధన అవసరం. ఒక సిద్ధాంతం ప్రకారం.. చాలా వేడి వేడిగా ఉండే పానీయాలు అన్నవాహిక పొరను దెబ్బతీసే అవకాశం ఉంది. దీనివల్ల ఆల్కహాల్, సిగరెట్ పొగ వంటి ఇతర క్యాన్సర్ ప్రమాద కారకాలు ప్రవేశిస్తాయి. దీనివల్ల అన్నవాహిక క్యాన్సర్ వచ్చే ప్రమాదం చాలా వరకు పెరుగుతుంది.
కానీ కాఫీ అంత చెడ్డదేం కాదు. పరిమిత పరిమాణంలో తీసుకున్నప్పుడు ఇది కూడా ప్రయోజనకరమైన ప్రభావాన్ని చూపుతుంది. రోజుకు మూడు కప్పుల కాఫీని తాగడం వల్ల అల్జీమర్స్, పార్కిన్సన్స్ వ్యాధితో పాటుగా టైప్ 2 డయాబెటిస్ ప్రమాదం తగ్గుతుందని కొన్ని అధ్యయనాలు చెబుతున్నాయి.
esophageal cancer
అన్నవాహిక క్యాన్సర్ ఇతర ప్రమాద కారకాలు
వేడి వేడి టీ లేదా కాఫీ తాగడం వల్ల క్యాన్సర్ రాదు. క్రమం తప్పకుండా వేడి టీ లేదా కాఫీ తాగడంతో పాటుగా మద్యం తాగడం, ధూమపానం చేయడం వంటివి అన్నవాహిక క్యాన్సర్ కు దారితీస్తాయి.
క్యాన్సర్ ప్రమాదాన్ని తగ్గించే చిట్కాలు
కొన్ని రకాల క్యాన్సర్లు వచ్చే ప్రమాదాన్ని తగ్గించడానికి ధూమపానం మానేయాలి. అలాగే ఆల్కహాల్ ను ఎక్కువగా తాగకూడదు. ముఖ్యంగా వేడి వేడి పానీయాలను తాగకండి. అలాగే ఆరోగ్యకరమైన, సమతుల్య ఆహారాన్ని, క్రమం తప్పకుండా వ్యాయామం, యోగా, ధ్యానం వంటి మంచి అలవాట్లను అలవర్చుకోండి. ఇవి వ్యాధి ప్రమాదాన్ని తగ్గిస్తాయి.