చలికాలంలో ఆవనూనెతో ఎన్ని లాభాలున్నాయో తెలుసా?

చలికాలంలో చర్మం పొడిబారడం, పాదాల పగుళ్లు, జుట్టు గరుకుదనం లేదా చుండ్రు వంటి సమస్యలు ఉంటాయి. కొంతమందికి కీళ్ల నొప్పులు కూడా వస్తుంటాయి. ఈ సమస్యలన్నింటినీ వదిలించుకోవడానికి ఆవనూనె మంచి మెడిసిన్ లా ఉపయోగపడుతుంది. 

 చలికాలంలో చర్మం, జుట్టు, గోళ్ళను చాలా జాగ్రత్తగా చూసుకోవాలి. ఎందుకంటే ఈ సీజన్ లో వీటికి సంబంధించిన సమస్యలు ఎక్కువగా వస్తుంటాయి. చర్మాన్ని జాగ్రత్తగా చూసుకోవడానికి , జుట్టును బలోపేతం చేయడానికి ఒక్కొక్కరూ ఒక్కో పద్దతిని ఫాలో అవుతుంటారు. చాలా మంది మార్కెట్ లో దొరికే ప్రొడక్ట్ లనే ఎక్కువగా ఉపయోగిస్తుంటారు. కొందరు ఇంటి చిట్కాలను ఫాలో అవుతారు. మరికొందరు రెగ్యులర్ గా పార్లర్ కు వెళుతుంటారు. చర్మం, జుట్టు ఆరోగ్యంగా ఉండాలంటే ఇవన్నేం చేయక్కర్లేదు తెలుసా.? 

చర్మ సమస్యలు, పాదాల పగుళ్లు, జుట్టు గరుకుదనం లేదా చుండ్రు వంటి సమస్యలు ఈ సీజన్ లో ఎక్కువగా వస్తుంటాయి. కొంతమందికి కీళ్ల నొప్పులు కూడా వస్తుంటాయి. ఈ సమస్యలన్నింటినీ వదిలించుకోవడానికి ఆవనూనెను ఎంతో సహాయపడుతుంది. చలికాలంలో  ఆవనూనెను వాడితే ఎలాంటి ప్రయోజనాలు కలుగుతాయో ఇప్పుడు తెలుసుకుందాం.. 

కీళ్ల నొప్పుల నుంచి ఉపశమనం 

ఈ సీజన్ లో కీళ్ల నొప్పులు ఎక్కువవుతుంటాయి. ఈ నొప్పులను తగ్గించుకోవడానికి  ఆవ నూనె బాగా ఉపయోగపడుతుంది. కీళ్ల నొప్పులను వదిలించుకోవాలంటే ఆవనూనెతో రోజూ మసాజ్ చేయాలి. ఈ నూనెలో ఉండే బహుళ లక్షణాలు కీళ్ల నొప్పుల నుంచి ఉపశమనం కలిగిస్తాయి. 

జుట్టు రాలడం ఆగుతుంది

చలికాలంలో జుట్టు సమస్యలు ఎక్కువవుతాయి. ఈ సీజన్ లో చుండ్రు ఎక్కువగా ఏర్పడుతుంది. దీంతో జుట్టు విపరీతంగా రాలిపోతుంది. అయితే ఆవనూనె జుట్టు రాలడాన్ని ఆపుతుంది. అయినా శీతాకాలంలో జుట్టు రాలడం సర్వసాధారణం. అంతేకాదు చుండ్రు, డ్రై హెయిర్, గరుకుదనం వంటి సమస్యలు ఎక్కువగా వస్తాయి. ఆవనూనెతో మసాజ్ చేస్తే ఈ సమస్య తొలగిపోతుంది. జుట్టుకు  ఆవనూనెతో మసాజ్ చేసాకా..  20 నిమిషాల తర్వాత తలస్నానం చేయాలి. 

బలహీనమైన గోళ్లు

గోరు సంరక్షణలో ఆవనూనెను కూడా ఉపయోగించవచ్చు. ఈ నూనె బలహీనమైన గోళ్ళ సమస్యను తొలగిస్తుంది. ఇందుకోసం ఈ నూనెను గోళ్లకు అప్లై చేసి కాసేపు మసాజ్ చేయాలి. కాసేపటి తర్వాత కడిగేసుకుంటే ప్రయోజనం పొందుతారు. 

మెరుగైన రక్తప్రసరణ

ఆవనూనె రక్తప్రసరణను కూడా మెరుగుపరుస్తుంది. ఆవ నూనెను పిల్లలకు మసాజ్ కోసం ఎన్నో ఏండ్ల నుంచి ఉపయోగిస్తున్నారు. ఈ నూనె పిల్లల ఎముకలను, కండరాలను బలంగా చేస్తుంది.  అలాగే శరీరాన్ని వెచ్చగా ఉంచుతుంది. ఈ సీజన్ లో పిల్లలకు జలుబు చేసే అవకాశం ఎక్కువగా ఉంటుంది.అయితే ఈ నూనెలో మసాజ్ చేస్తే పిల్లల శరీరం ఆరోగ్యంగా, వెచ్చగా ఉంటుంది. జబులు, దగ్గు, జ్వరం వంటి సమస్యలు వచ్చే అవకాశమే ఉండదు.