ఈ హార్మోన్లు కూడా బరువును పెంచుతాయి.. జర జాగ్రత్త..

నిజానికి హార్మోన్లు మన జీవక్రియను నియంత్రిస్తాయి. రక్తంలో చక్కెర స్థాయిలను కంట్రోల్ చేయడం, ఇన్సులిన్ సమతుల్యతలో హార్మోన్లు కీలక పాత్ర పోషిస్తాయి. అయితే హార్మోన్లు మరీ ఎక్కువగా పెరిగిపోతే మాత్రం మీ శరీర బరువు అమాంతం పెరుగుతుందంటున్నారు నిపుణులు.  

హార్మోన్లు మన శరీరానికి చేసే మేలు అంతా ఇంతా కాదు. ఇవి బరువు తగ్గడానికి ఎంతగానో సహాయపడతాయి. అలాగే ఆహారాన్ని విచ్ఛిన్నం చేసే శక్తిని కలిగి ఉంటాయి. హార్మోన్లు మన జీవక్రియను నియంత్రిస్తాయి. వీటివల్ల రక్తంలో చక్కెర స్థాయిలను నియంత్రణలో ఉంటాయి. అలాగే ఇన్సులిన్ సమతుల్యంగా ఉంటుంది. కొవ్వును కరిగించడానికి, బరువును తగ్గించడానికి హార్మోన్లు ఎంతో సహాయపడతాయి. అయితే  కొన్ని రకాల హార్మోన్లు మరీ ఎక్కువగా ఉత్పత్తి అయితే మాత్రం బరువు విపరీతంగా పెరిగిపోతారు. అవేంటంటే..

ఇన్సులిన్ హార్మోన్లు

బరువు తగ్గడానికి, బరువు పెరగడానికి ఇన్సులిన్ అనే హార్మోన్ కీలక పాత్ర పోషిస్తుంది. ఇన్సులిన్ క్లోమం ద్వారా ఉత్పత్తి అవుతుంది. ఇది శరీర అవసరాలను బట్టి రక్తంలో చక్కెరను నిల్వ చేయడానికి లేదా ఉపయోగించడానికి బాధ్యత వహిస్తుంది. హెవీగా భోజనం చేయడం వల్ల ఎక్కువ మొత్తంలో ఇన్సులిన్ రక్తప్రవాహంలోకి విడుదల అవుతుంది. ఇన్సులిన్ ఎంత కొవ్వు నిల్వ చేయబడిందో.. ఎంత శక్తిగా మార్చబడుతుందో నియంత్రిస్తుంది.

అందుకే ఇన్సులిన్ ను ఉత్తేజపరిచే ఆహారాలను తీసుకోవడం తగ్గించండి. వైట్ షుగర్,  ఆల్కహాల్ ను ఎక్కువగా తాగడం, ప్రాసెస్ చేసిన పిండితో తయారుచేసిన ఆహారాలను తినడం తగ్గించండి.  ఈ పిండి పదార్థాలను తింటే మీ శరీర బరువు విపరీతంగా పెరిగిపోతుంది. వీటికి బదులుగా గ్లైసెమిక్ ఇండెక్స్ తక్కువగా ఉండే, ఫైబర్ కంటెంట్ ఎక్కువగా ఉండే ఆహారాలను తినండి. తృణధాన్యాలు, పండ్లు, కూరగాయలు, చిక్కుళ్లు వంటి ఆహారాల్లో ఫైబర్ కంటెంట్ ఎక్కువగా ఉంటుంది. ఇవి మీరు బరువు పెరిగిపోకుండా చూస్తాయి. వీటితో పాటుగా క్రమం తప్పకుండా వ్యాయామం చేయండి. 

weight gain

ఈస్ట్రోజెన్

ఈస్ట్రోజెన్ స్త్రీ సెక్స్ హార్మోన్లలో ఒకటి. ఇది పురుషుల్లో కూడా ఉంటుంది. ఆడవారిలో అండాశయాలు ఈస్ట్రోజెన్ ను ఉత్పత్తి చేస్తాయి. ఇది అండోత్సర్గము, పీరియడ్స్, రొమ్ముల పెరుగుదల, ఎముక, మృదులాస్థి సాంద్రతను పెంచడానికి చాలా అవసరం. అయితే ఈ ఈస్ట్రోజెన్ స్థాయిలు పెరిగిపోతే..  నిరాశ, బరువు పెరగడం, నిద్రపోవడంలో ఇబ్బంది, తలనొప్పి, సెక్స్ డ్రైవ్ తగ్గడం, ఆందోళన,  ఋతు సమస్యలు వస్తాయని నిపుణులు చెబుతున్నారు. 

రెడ్ మీట్, ప్రాసెస్ చేసిన ఆహారాలు, చక్కెర, శుద్ధి చేసిన ధాన్యాలను ఎక్కువగా తీసుకుంటే ఈస్ట్రోజెన్ స్థాయిలు బాగా పెరిగిపోతాయి. ఇవి దీర్ఘకాలిక వ్యాధులను అభివృద్ధి చేసే ప్రమాదాన్ని కూడా పెంచుతాయని నిపుణులు చెబుతున్నారు.

కార్టిసాల్

కార్డిసాల్ అనే హార్మోన్ ను అడ్రినల్ గ్రంథులు ఉత్పత్తి చేస్తాయి. ఇది స్టెరాయిడ్ హార్మోన్ గా వర్గీకరించబడుతుంది. ఈ హార్మోన్ మిమ్మల్ని బలంగా, ఆరోగ్యంగా ఉంచేందుకు సహాయపడుతుంది. ఈ హార్మోన్ మంటను తగ్గిస్తుంది. కొవ్వును శక్తిగా మార్చడానికి కూడా సహాయపడుతుంది. అలాగే ఆకలిని ప్రభావితం చేసే రక్తంలో చక్కెర స్థాయిలను నియంత్రణలో ఉంచుతుంది. ఇది మీకు విశ్రాంతి అనుభూతిని కలిగించడానికి సహాయపడుతుంది కూడా. అయితే ఈ హార్మోన్ స్థాయిలు అధికంగా ఉన్నప్పుడు మీరు బరువు పెరిగే అవకాశం ఉంది. కార్టిసాల్ ను కొన్నిసార్లు ఒత్తిడి హార్మోన్ అని కూడా పిలుస్తారు. ఎందుకంటే ఒత్తిడికి ప్రతిస్పందనగా మన శరీరం కార్టిసాల్ ను ఎక్కువగా ఉత్పత్తి చేస్తుంది.

విటమిన్ సి అధికంగా ఉండే నారింజ వంటి సిట్రస్ పండ్లలు ఒత్తిడిని తగ్గించడానికి సహాయపడతాయి.  విటమిన్ కార్టిసాల్ స్థాయిలను తగ్గించడానికి సహాయపడుతుంది. కొవ్వు ఒమేగా -3 చేపలు, బ్లాక్ టీ, కాయలు, విత్తనాలు అన్నీ కార్టిసాల్ స్థాయిలను తగ్గించడానికి ఎంతగానో సహాయపడతాయి. వీటిని తీసుకోవడం వల్ల బరువు నియంత్రణలో ఉంటుంది. 

థైరాయిడ్ హార్మోన్

థైరాయిడ్ పనితీరుకు, కేలరీల వినియోగానికి విడదీయరాని సంబంధం ఉంటుంది. ఈ గ్రంథి అడ్రినల్ గ్రంథులు, పునరుత్పత్తి, ప్యాంక్రియాటిక్ హార్మోన్ల ద్వారా స్రవించే హార్మోన్లతో సన్నిహితంగా పనిచేస్తాయి. దీంతో మీరు ఆరోగ్యంగా ఉంటారు. థైరాయిడ్ హార్మోన్లలో  హెచ్చుతగ్గుల వల్ల హైపోథైరాయిడ్ రోగులు విపరీతంగా బరువు పెరిగిపోతుంటారు. ఇది సాధారణం. ఇద జీవక్రియ రేటును తగ్గిస్తుంది. ఫలితంగా బరువు పెరుగుతారు. ఇది వ్యాధి ప్రాథమిక లక్షణం. హైపోథైరాయిడిజం వల్ల బద్ధకం, అలసట వంటి ఇతర లక్షణాలు కనిపిస్తాయి. దీనిలో బరువు తగ్గడం కష్టం. 

weightloss

అయితే రెగ్యులర్ గా వ్యాయామం చేస్తే సహజంగా జీవక్రియ పెరుగుతుంది. ఇందుకోసం ప్రతి ఒక్కరూ వారానికి కనీసం మూడుసార్లు కనీసం 40 నిమిషాల పాటు వ్యాయామం చేయాల్సి ఉంటుంది. కాని హైపోథైరాయిడిజం ఉన్నవారు లేదా దాని ప్రమాదం ఉన్నవారు తరచుగా వ్యాయామం చేయాల్సి ఉంటుంది.  థైరాయిడ్-స్టిమ్యులేటింగ్ హార్మోన్ (టిఎస్హెచ్) అయోడిన్ సహాయంతో మాత్రమే శరీరం ద్వారా ఉత్పత్తి అవుతుంది.

లెప్టిన్ హార్మోన్

లెప్టిన్ అనేది సంపూర్ణత్వ హార్మోన్. ఇది మీ హైపోథాలమస్. ఇది మీ ఆకలిని నియంత్రించే మెదడులోని భాగం. ఇది మీ కడుపు నిండుగా ఉందని చెబుతుంది. ఊబకాయం ఉన్నవారిలో లెప్టిన్ హార్మోన్ ఎక్కువ మొత్తలో ఉత్పత్తి అవుతుంది. దీంతో మీరు తినడం ఆపేయాలి అన్న సందేశం మీ మెదడుకు చేరదు. దీనివల్ల మీరు అతిగా తింటారు. 

క్రమం తప్పకుండా వ్యాయామం చేయడం,  తగినంత నిద్రపోవడం, ఆరోగ్యకరమైన శరీర బరువును నిర్వహించడం ద్వారా లెప్టిన్ స్థాయిలను తగ్గించుకోవచ్చు.