Fruit Trees: బాల్కనీలో కుండీల్లో సులువుగా పెరిగే 7 రకాల పండ్ల మొక్కలు ఇవే
Fruit Trees: పండ్ల చెట్లు పెంచాలంటే పెద్ద పెరడు ఉండాలనుకుంటారు. బాల్కనీలోనే కొన్ని రకాల పండ్ల మొక్కల్ని కుండీల్లో సులభంగా పెంచుకోవచ్చు. చిన్న చిన్న జాగ్రత్తలు తీసుకుంటే చాలు కుండీల్లో ఈ పండ్ల చెట్లు కాతకు వచ్చేస్తాయి.
కుండీల్లో పెరిగే పండ్ల చెట్లు
ఇంట్లో పెద్ద పెరడు ఉంటేనే పండ్లు చెట్లు పెంచుకోగలమని అనుకుంటారు ఎంతో మంది. నిజానికి కొన్ని పండ్ల మొక్కలను సులువుగా బాల్కనీలోని కుండీల్లో కూడా పెంచుకోవచ్చు. కొన్ని పండ్ల మొక్కలు చిన్న బాల్కనీ, టెర్రస్పై పెద్ద కుండీల్లో కూడా చక్కగా పెరుగుతాయి. తగిన ఎండ, పోషకాలు, నీరు ఉంటే చాలు ఇవి చక్కగా ఎదిగి పండ్లను అందిస్తాయి. ఆ మొక్కలేంటో తెలుసుకోండి.
లెమన్, చెర్రీ
బాల్కనీలోని పెద్దకుండీలో నిమ్మ మొక్క చాలా సులువుగా పెరిగేస్తుంది.. దీని సువాసనగల ఆకులు, తాజా పండ్లు బాల్కనీకి ఫ్రెష్ లుక్ ఇస్తాయి. ముఖ్యంగా 'మేయర్ లెమన్' (Meyer Lemon) లాంటి రకాలు కుండీల్లో పెంచడానికి చాలా అనువుగా ఉంటాయి.
డ్వార్ఫ్ చెర్రీ మొక్కలను కూడా పెంవచ్చు. ఇవి చిన్నగా, చాలా అందంగా ఉంటాయి. వీటికి మంచి ఎండ తగిలితే వేగంగా పెరుగుతాయి.
అంజీర, అరటి
అంజీర మొక్కకు పెద్ద పెరడు అవసరం లేదు.. ఇది కుండీలలో సులభంగా పెరుగుతుంది. బాల్కనీలోని పెద్ద కుండీలో పోషకాలు నిండిన మట్టిలో దీన్ని సులువుగా పెంచవచ్చు. ఎంత తగిలేలా చూసుకోవాలి.
అరటి మొక్కను కూడా చిన్న స్థలంలో సులభంగా పెంచుకోవచ్చు. 'డ్వార్ఫ్ బనానా' రకాలు ఇప్పుడు నర్సరీలో దొరుకుతున్నాయి. ఇవి కుండీలలో బాగా పెరుగుతాయి.
జామ, దానిమ్మ
మన వాతావరణంలో జామ మొక్క ఎంతో బాగా పెరుగుతుంది. దీన్ని సరైన సమయంలో కత్తిరిస్తూ, జాగ్రత్తలు తీసుకుంటే కంటైనర్లో సులభంగా పెంచవచ్చు.
డ్వార్ఫ్ దానిమ్మ మొక్కలు కూడా ఇప్పుడు నర్సరీల్లో లభిస్తున్నాయి. బాల్కనీలోని కుండీల్లో ఇవి బాగా పెరుగుతాయి. దీని ఎర్రటి పువ్వులు, మెరిసే పండ్లు ఇంటి అందాన్ని మరింత పెంచుతాయి.
