Gas Saving Tips: గ్యాస్ ఇలా వాడితే 15-20 రోజులు అదనంగా వస్తుంది, ఈ చిట్కాతో ప్రతి నెల డబ్బు ఆదా

Gas Saving Tips: దేశంలో గ్యాస్ కొరతపై ఆందోళనలు పెరుగుతున్నాయి. ఉన్న సిలిండర్‌నే ఎక్కువ రోజులు వాడాల్సిన పరిస్థితి. బర్నర్ క్లీనింగ్, గిన్నెపై మూత పెట్టడం, బియ్యం-పప్పులు నానబెట్టడం లాంటి సింపుల్ ట్రిక్స్‌తో గ్యాస్‌ను ఎలా ఆదా చేయొచ్చో ఇక్కడ చూడండి. 

Image Credit : Getty

గ్యాస్​కి పెరుగుతున్న డిమాండ్

దేశంలో గ్యాస్ కొరత భయం పట్టుకుంది. కొందరు బ్లాక్ మార్కెట్లో అమ్ముతుంటే, మరికొందరు ఎక్కువ ధరకు విక్రయిస్తున్నారు. యుద్ధం కొనసాగితే కొరత తప్పదు. అందుకే ప్రభుత్వం కూడా గ్యాస్‌ను పొదుపుగా వాడాలని సూచిస్తోంది. అయితే ఈ 7 టిప్స్‌ పాటిస్తే గ్యాస్ ఆదా అవుతుంది. 

Image Credit : Getty

బర్నర్​ క్లీన్​ చేయాలి

ముందుగా బర్నర్, పైప్, రెగ్యులేటర్ సరిగ్గా ఉన్నాయో లేదో చెక్ చేసుకోండి. గ్యాస్ లీక్ అయ్యే ప్రమాదం తగ్గుతుంది. బర్నర్ నుంచి మంట నీలం రంగులో వస్తే అంతా ఓకే. ఎరుపు రంగులో వస్తే సమస్య ఉన్నట్టే. 

Image Credit : Getty

పొంగు రాగానే సిమ్‌లో పెట్టాలి

వంట చేసేటప్పుడు మంటను హై ఫ్లేమ్‌లో పెట్టి, ఒక పొంగు రాగానే సిమ్‌లోకి మార్చండి. ఇలా చేయడం వల్ల గ్యాస్ చాలా ఆదా అవుతుంది. 

Image Credit : Getty

గిన్నెపై మూత పెట్టండి

కూరగాయలు, పప్పులు ఉడికించేటప్పుడు గిన్నెపై కచ్చితంగా మూత పెట్టండి. ఆవిరి బయటకు పోకుండా ఉండి, పదార్థాలు తొందరగా ఉడుకుతాయి. 

Image Credit : Getty

వెడల్పాటి పాత్రలు వాడాలి

వంట కోసం వెడల్పుగా ఉండే అడుగు భాగం ఉన్న పాత్రలను వాడండి. దీనివల్ల మంట అన్ని వైపులా సమానంగా తగిలి, ఆహారం త్వరగా ఉడుకుతుంది. 

Image Credit : Getty

బియ్యం-పప్పులు నానబెట్టాలి

అన్నం వండే ముందు బియ్యాన్ని, పప్పు వండే ముందు పప్పును కాసేపు నానబెట్టండి. ఇలా చేస్తే అవి చాలా తొందరగా ఉడికిపోయి గ్యాస్ ఆదా అవుతుంది. 

Image Credit : Getty

చివరిగా ఈ జాగ్రత్తలు

గిన్నె వేడిగా ఉంటుంది కాబట్టి, స్టవ్ ఆఫ్ చేసే రెండు నిమిషాల ముందే ఆపినా పర్వాలేదు. ఆ వేడికి వంట పూర్తవుతుంది. ముఖ్యంగా, వంట చేస్తూ మొబైల్ చూడొద్దు. వంట పూర్తవగానే గ్యాస్ కట్టేయండి. ఇంట్లో అందరూ ఒకేసారి భోజనం చేస్తే, పదేపదే వేడి చేసే పని ఉండదు.