Apple: ఇదొక్కటి స్ప్రే చేస్తే చాలు.. యాపిల్ ముక్కలు నల్లగా మారకుండా ఫ్రెష్ గా ఉంటాయి

Apple: యాపిల్ కోయగానే కాసేపటికే నల్లగా అయిపోతాయి. లంచ్ బాక్సులోనో, డిన్నర్ లోనూ పెట్టుకుని వెళ్తే...వాటిని చూస్తే తినాలనిపించదు. ఇది ప్రతి ఒక్కరికీ ఉండే సమస్య. వాటి వల్ల నష్టం లేకపోయినా తినడానికి ఇష్టపడరు. ఈ సమస్యకు చెక్ పెట్టాలంటే ఇలా ట్రై చేయండి. 

Image Credit : Getty

లెమన్ వాటర్ నానబెట్టాలి

యాపిల్ కోసినా నల్లగా మారకుండా ఉండాలంటే ఇలా చేయండి. ఒక పాత్రలో చల్లటి నీళ్లు తీసుకుని అందులో కొద్దిగా నిమ్మరసం కలపాలి. తర్వాత యాపిల్ ముక్కలను ఆ నీటిలో కొన్ని నిమిషాలు నానబెట్టి తీసేయాలి. ఇలా చేస్తే ముక్కలు ఎక్కువసేపు తాజాగా కనిపిస్తూ, వాటి సహజ రంగు అలాగే ఉంటుంది. 

Image Credit : Getty

తేనె నీళ్లు

కోసిన యాపిల్ ముక్కలు ఫ్రెష్ గా ఉండాలంటే గ్లాసు నీటిలో కొద్దిగా తేనె వేసి బాగా కలపాలి. తర్వాత యాపిల్ ముక్కలను ఆ నీటిలో కలిపి ఒకటి రెండు నిమిషాలు ఉంచి బయటకు తీయాలి. ఇలా చేస్తే యాపిల్‌పై గాలి ప్రభావం తగ్గి, ముక్కలు ఎక్కువసేపు తెల్లగా, తాజాగా కనిపిస్తాయి.

Image Credit : Getty

ఉప్పు నీళ్లు

యాపిల్ ముక్కలు నల్లబడకుండా ఉండేందుకు ఉప్పు నీళ్లను కూడా వాడొచ్చు. ఒక గ్లాసు చల్లటి నీటిలో కొద్దిగా ఉప్పు వేసి బాగా కలపండి. ఆ నీటిలో యాపిల్ ముక్కలను ముంచి తీస్తే సరి.

Image Credit : Pixabay

గాలి చొరబడని డబ్బా

కోసిన యాపిల్ ముక్కలను గాలి చొరబడని డబ్బాలో పెట్టండి. వాటిపై తడి పేపర్ టవల్ కప్పి మూతపెడితే, ముక్కలు నల్లబడకుండా తాజాగా ఉంటాయి.

Image Credit : Pixabay

ముందుగా కోయొద్దు

యాపిల్ తినడానికి ముందు మాత్రమే కోయడం ఉత్తమం. ఇలా చేస్తే అవి వెంటనే నల్లబడకుండా ఉంటాయి. ముందుగానే కోసి పక్కన పెడితే రంగు మారే అవకాశం ఎక్కువ.