జనవరి 1వ తేదీన బ్రహ్మ ముహుర్తంలో ఈ పనులు చేస్తే.. ఆరోగ్యం, ఐశ్వర్యం మీ సొంతమవుతుంది.

మరికొన్ని గంటల్లో కొత్తేడాదికి వెల్ కమ్ చెప్పేందుకు సిద్ధమవుతున్నారు. కొత్తేడాదిని కోటి ఆశలతో ఆహ్వానించనున్నారు. అయితే జనవరి 1వ తేదీన మనం చేసే పనులు ఆ ఏడాదిని నిర్ణయిస్తాయని చాలా మంది విశ్వసిస్తుంటారు. అందుకే జనవరి ఫస్ట్ రోజున బ్రహ్మ ముహుర్తంలో చేసే కొన్ని పనులు ఏడాది పొడవుగా శుభ ఫలితాలు అందిస్తాయని పండితులు చెబుతున్నారు. అవేంటో ఇప్పుడు తెలుసుకుందాం.. 

ఏడాది మొదటి రోజుని అందరూ ప్రత్యేకంగా జరుపుకుంటారు. అదే విధంగా ఏడాది పొడవునా అన్ని విధాలా శుభం కలగాలని కోరుకుంటారు. 2025 సంవత్సరం మీ జీవితంలో మంచికి శ్రీకారం చుట్టాలంటే జనవరి 1వ తేదీన శుభ ముహుర్తంలో కొన్ని పనులు చేయాలి. 

ఏడాది పొడవునా ఎలాంటి సమస్యలు లేకుండా ఉద్యోగ, వ్యక్తిగత జీవితంలో సంతోషంగా ఉండాలంటే ఏడాది మొదటి రోజు కొన్ని పనులు చేయాలని పంచాంగ శాస్త్రం చెబుతోంది. ఇలా చేయడం వల్ల నూతన సంవత్సరం బాగుంటుందని జ్యోతిష్య పండితులు సూచిస్తున్నారు. 

ఏడాది మొదటి రోజైన జనవరి 1న బ్రహ్మ ముహూర్తంలో కొన్ని పనులు చేయాలి. నూతన సంవత్సరం మీకు సంతోషం, ఆరోగ్యం, సంపద, ప్రశాంతతను ఇవ్వాలంటే ఈ పనులు చేయాలి. ఇలా చేయడం వల్ల ఏడాది పొడవునా శుభ ఫలితాలు కలుగుతాయని అంటున్నారు. 

బ్రహ్మ ముహుర్తం అంటే
పంచాంగం ప్రకారం, ఏడాది మొదటి రోజైన 2025 జనవరి 1, బుధవారం, బ్రహ్మ ముహూర్తం ఉదయం 5:25 నుంచి 6:19 వరకు ఉంటుందని చెబుతున్నారు. ఈ సమయంలో కొన్ని పనులు చేయాలని సూచిస్తున్నారు. .

బ్రహ్మ ముహూర్తంలో ఏం చేయాలి?
ఏడాది మొదటి రోజు బ్రహ్మీ ముహూర్తంలో తెల్లవారుజామున నిద్రలేచి, స్నానం చేసి, ఇష్టదైవాన్ని లేదా కులదైవాన్ని దర్శించుకోవాలి. ఇది సాధ్యం కాకపోతే ఇంట్లోనే పూజ చేసుకోవాలని సూచిస్తున్నారు. 

బ్రహ్మ ముహుర్తంలో ఇంట్లో దైవానికి నెయ్యి దీపం వెలిగించాలి. ఆ తర్వాత దేవాలయంలో కూర్చొని కొన్ని మంత్రాలు జపించాలి. తర్వాత చేతిలో కొంచెం నీళ్లు తీసుకుని మీ కోరిక చెప్పుకుని ఆ నీళ్లను వదిలేయాలి.

బ్రహ్మ ముహూర్తంలో, 'బ్రహ్మ మురారి Tripuraantakaari భానుః శశి భూమి సుతో బుధశ్చ. గురు శుక్ర శని రాహు కేతవః సర్వే గ్రహ శాంతి కరా భవంతు' అనే మంత్రం జపించాలి. ఈ రోజు గాయత్రీ మంత్రం, మృత్యుంజయ మంత్రం జపించడం మర్చిపోవద్దు. ఇలా చేయడం వల్ల ఏడాది పొడవునా దేవుడి ఆశీస్సులు మీకు, మీ కుటుంబానికి ఉంటాయి.

ఆ తర్వాత ధ్యానం చేసి, మీ అరచేతులను చూసుకుని 'ఓం కరాగ్రే వసతే లక్ష్మీః కరమధ్యే సరస్వతీ కరమూలే స్థితః గోవిందః ప్రభాతే కరదర్శనం' అనే మంత్రం పఠించాలి. ఇలా చేస్తే ఏడాదంతా మీ ఆర్థిక పరిస్థితులు మెరుగ్గా ఉంటాయి. 

గమనిక: జ్యోతిష్య శాస్త్రంలో ఇచ్చిన సమాచారం జ్యోతిష్యులు, పంచాంగం, ధార్మిక గ్రంథాల్లో పేర్కొన్న అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయ ఆధారాలు లేవని రీడర్స్ గమనించాలి.