ఈ ఆహారాలు పురుషుల్లో సెక్స్ స్టామినాను పెంచడమే కాదు.. వారిని ఆరోగ్యంగా కూడా ఉంచుతాయి..
ఒంట్లో సత్తువ ఉంటేనే శారీరక, మానసిక ఆరోగ్యం బాగుంటుంది. అలాగే సెక్స్ లైఫ్ కూడా మెరుగ్గా ఉంటుంది. అదే శరీరంలో శక్తి లేకపోతే ఎక్కడ లేని రోగాలు చుట్టుకోవడమే కాదు సెక్స్ స్టామినా కూడా తగ్గిపోతుంది.
స్త్రీ ల ఆరోగ్యం ఎంత ముఖ్యమో పురుషుల ఆరోగ్యం కూడా అంతే ముఖ్యం. ఆరోగ్యంగా ఉంటేనే మీ పనులను సమర్థవంతంగా చేసుకోగలుగుతారు. ఇందుకోసం శరీర బలాన్ని పెంచే ఆహారాలను తప్పకుండా తినాలి. పురుషులు కొన్ని రకాల ఆహారాలను తింటే వారి శరీరం బలంగా, ఫిట్ గా ఉంటుంది. అంతేకాదు లైంగిక శక్తి కూడా పెరుగుతుంది. ఇందుకోసం ఎలాంటి ఆహారాలను తినాలో ఇప్పుడు తెలుసుకుందాం..
nuts
గింజలు
గింజల్లో ఎన్నో రకాల విటమిన్లు, ఖనిజాలు పుష్కలంగా ఉంటాయి. గింజలు ఆరోగ్యకరమైన కొవ్వులకు మంచి మూలం. ఇవి చెడు కొలెస్ట్రాల్ ను తగ్గించడానికి సహాయపడతాయి. అలాగే గుండె జబ్బులతో పోరాడటానికి ఉపయోగపడతాయి. అంతేకాదు ఈ గింజలను పురుషులు రోజూ తినడం వల్ల వీరిలో సెక్స్ సామర్థ్యం బాగా పెరుగుతుంది. అలాగే సంతానోత్పత్తి సమస్యలు కూడా తొలగిపోతాయి.
ఒమేగా 3 కొవ్వు ఆమ్లాలు
ఒమేగా -3 కొవ్వు ఆమ్లాలు పురుషులకు ఎన్నో విధాలుగా మేలు చేస్తాయి. ఒమేగా 3 ఫ్యాటీ యాసిడ్లు ఎక్కువగా ఉండే ఆహారాలను తీసుకోవడం వల్ల గుండె ఆరోగ్యంగా ఉంటుంది. ఒమేగా -3 కొవ్వు ఆమ్లాలు శరీరానికి అవసరమైన కొవ్వులలో ఒకటి. ఇవి శరీరానికి, మెదడుకు ఎంతో మేలు చేస్తాయి. ఒమేగా -3 కొవ్వు ఆమ్లాలు అధికంగా ఉండే ఆహారాలలో చేపలు ఒకటి. ఇందుకోసం మీరు సార్డినెస్, చెరకు, సాల్మన్ వంటి చేపలను తినవచ్చు.
fiber
ఫైబర్
రోగనిరోధక వ్యవస్థ బలంగా ఉండేందుకు జీర్ణవ్యవస్థను ఆరోగ్యంగా ఉంచడం చాలా అవసరం. ఇందుకోసం జీర్ణవ్యవస్థలో మంచి బ్యాక్టీరియా పెరుగుదలకు సహాయపడే ఫైబర్ కంటెంట్ ఎక్కువగా ఉండే ఆహారాలను పుష్కలంగా తినాలి. ఫైబర్ కంటెంట్ ఎక్కువగా ఉన్న ఆహారాలను తినడం వల్ల గుండె జబ్బులు వచ్చే ప్రమాదం తగ్గుతుంది. అలాగే టైప్ 2 డయాబెటిస్ ప్రమాదం కూడా తగ్గుతుంది. పచ్చి బఠానీలు, చియా విత్తనాలు, అవిసె గింజలు, గుమ్మడికాయ గింజల్లో ఫైబర్ కంటెంట్ పుష్కలంగా ఉంటుంది.
tomatoes
టమాటాలు
టమోటాలు కూడా పురుషుల ఆరోగ్యానికి ఎంతో మేలు చేస్తాయి. ఇవి రోగనిరోధక శక్తిని బాగా పెంచుతాయి. అలాగే గుండె ఆరోగ్యాన్ని మెరుగుపరచడానికి సహాయపడతాయి. వీటిలో లైసోపిన్, పొటాషియం, విటమిన్ సి లు పుష్కలంగా ఉంటాయి. టమాటాలను తినడం వల్ల పురుషులలో ప్రోస్టేట్ సమస్యలు నయమవుతాయి.
గుడ్లు
గుడ్లు పోషకాలకు మంచి వనరు. ప్రపంచంలో ఉన్న ఆహారాల్లో అత్యధిక పోషకాలను కలిగున్న వాటిలో గుడ్లు ఒకటి. పురుషులో రోజుకో గుడ్డును తినడం వల్ల కండరాల పెరుగుదల బాగుంటుంది. వీరి ఆరోగ్యానికి ఏ డోకా ఉండదు.
డార్క్ చాక్లెట్లు
డార్క్ చాక్లెట్లు శారీరక, మానసిక ఆరోగ్యానికి ఎంతో మేలు చేస్తాయి. పురుషులు డార్క్ చాక్లెట్లను తినడ వల్ల వారి లైంగిక ఆరోగ్యం మెరుగుపడుతుంది. ఇవి చెడు కొలెస్ట్రాల్ స్థాయిలను తగ్గించడానికి కూడా సహాయపడతాయి. అంతేకాదు అధిక రక్తపోటును నియంత్రించడానికి, గుండె జబ్బుల ప్రమాదాన్ని తగ్గించడానికి కూడా సహాయపడతాయి.