గోధుమ పిండితో గులాబ్ జామ్ ఎలా తయారు చేయాలో తెలుసా?

కావలసిన పదార్థాలు: ఒక కప్పు గోధుమపిండి (Wheat flour), రెండు టేబుల్ స్పూన్ ల మిల్క్ పౌడర్ (Milk powder), పావు టేబుల్ స్పూన్ బేకింగ్ సోడా (Baking soda), నెయ్యి (Ghee), ఒక కప్పు చక్కెర (Sugar), పాలు (Milk), సగం స్పూన్ యాలకుల పొడి (Cardamom powder), ఢీ ఫ్రైకి సరిపడా ఆయిల్ (Oil).
 

తయారీ విధానం: ముందుగా స్టవ్ మీద ఒక కడాయి పెట్టి అందులో రెండు టేబుల్ స్పూన్ ల నెయ్యి వేసి వేడి చేసుకోవాలి. తర్వాత ఇందులో ఒక కప్పు గోధుమ పిండి (Wheat flour) వేసి ఫ్రై చేసుకోవాలి. గోధుమ పిండి మంచి వాసన వచ్చేంతవరకు  మధ్య మధ్యలో నెయ్యి (Ghee) వేస్తూ ఫ్రై చేసుకోవాలి. ఇలా ట్రై చేసుకున్న గోధుమ పిండిని ఒక ప్లేట్ లోకి తీసుకొని చల్లార్చాలి.
 

గోధుమ పిండి చల్లారిన తర్వాత ఇందులో రెండు టేబుల్ స్పూన్ ల మిల్క్ పౌడర్ (Milk powder), ఒక టేబుల్ స్పూన్ బేకింగ్ సోడా (Baking soda), రెండు టేబుల్ స్పూన్ ల నెయ్యి వేసి బాగా కలుపుకోవాలి. ఇప్పుడు ఇందులో వేడి చేసుకుని చల్లార్చిన పాలను కొద్దికొద్దిగా పోస్తూ చపాతీ పిండిలా మెత్తగా కలుపుకొని పక్కన పెట్టుకోవాలి.
 

ఇప్పుడు పాకం కోసం స్టవ్ మీద ఒక గిన్నె పెట్టి అందులో ఒక కప్పు నీళ్లు (Water), ఒక కప్పు పంచదార (Sugar) వేసి మరిగించాలి. చక్కెర పాకం తయారు అవుతున్నప్పుడు అందులో యాలకుల పొడి వేసుకోవాలి. పాకం తయారు అయిన తర్వాత స్టవ్ ఆఫ్ చేసి పాకాన్ని పక్కన పెట్టుకోవాలి.
 

ఇప్పుడు ముందుగా కలిపి పెట్టుకున్న గోధుమ పిండి మిశ్రమాన్ని తీసుకుని గులాబ్ జాములాగా గుండ్రంగా చేసుకోవాలి. ఇప్పుడు ఢీ ఫై కోసం స్టవ్ మీద కడాయి పెట్టి అందులో ఢీ ఫైకి సరిపడు ఆయిల్ (Oil) వేసి వేడి చేసుకోవాలి. నూనె వేడెక్కిన తరవాత ఇందులో గులాబ్ జాములను వేసి తక్కువ మంట (Low flame) మీద ఫ్రై చేసుకోవాలి.
 

ఇలా ఫ్రై చేసుకున్న జాములను చక్కెర పాకంలో (Caramel) వేసి గంట వరకు నాననివ్వాలి. గులాబ్ జాములు పాకాన్ని బాగా పీల్చుకున్నాక గంట తరువాత గులాబ్  జామ్ లను సర్వ్ (Serve) చేయండి. అంతే ఎంతో రుచికరమైన గోధుమపిండి గులాబ్ జామ్ లు రెడీ.