మీ లివర్ దెబ్బతిన్నదనడానికి సంకేతాలు ఇవే..! అస్సలు లైట్ తీసుకోకండి
కాలెయాన్ని కామెర్లు, కొవ్వు కాలెయ సిండ్రోమ్ వంటి ఎన్నో వ్యాధులు ప్రభావితం అవుతాయి. క్యాన్సర్ కూడా కాలెయ ఆరోగ్యాన్ని ప్రభావితం చేస్తుంది. ఒకవేళ మీ కాలెయ ఆరోగ్యం దెబ్బతింటే మీలో ఈ లక్షణాలు కనిపిస్తాయి చూడండి..
liver health
మన శరీరంలో కాలేయం అతిపెద్ద గ్రంథి. ఇది ఒక ముఖ్యమైన అంతర్గత అవయవం. ఈ కాలెయం ఎన్నో విభిన్న విధులను నిర్వహిస్తుంది. మన శరీరంలో జీర్ణక్రియ ప్రక్రియకు అవసరమైన పిత్తాన్ని ఉత్పత్తి చేస్తుంది. మలినాలను, ఇతర అవాంఛిత పదార్థాలకు బయటయకు పంపి.. శరీరాన్ని శుభ్రంగా ఉంచడంలో కాలేయం ముఖ్యమైన పాత్ర పోషిస్తుంది.
కాలేయ ఆరోగ్యాన్నిఎన్నో వ్యాధులు ప్రభావితం చేస్తాయి. కామెర్ల నుంచి కొవ్వు కాలేయ సిండ్రోమ్ వరకు ఎన్నో రకాల రోగాలు కాలెయ ఆరోగ్యాన్ని దెబ్బతీస్తాయి. క్యాన్సర్ కూడా కాలేయాన్ని ప్రభావితం చేస్తుందని నిపుణులు చెబుతున్నారు. ఒకవేళ మీ కాలెయ ఆరోగ్యం దెబ్బతింటే.. మీ మొత్తం శరీర ఆరోగ్యం ప్రభావితం అవుతుంది. అందుకే కాలెయ ఆరోగ్యాన్ని కాపాడుకోవాలి.
ఆల్కహాల్ ను ఎక్కువగా తాగడం, స్మోకింగ్ చేయడం వల్ల కాలేయ వ్యాధి వస్తుంది. అలాగే ఆహారం, జన్యుపరమైన కారకాలు, వ్యాయామం చేయకపోవడం, మందుల వాడకం వల్ల కూడా కాలెయ ఆరోగ్యం దెబ్బతింటుంది. జీవనశైలిలో కొన్ని మార్పులు చేసుకుంటే కాలెయ ఆరోగ్యాన్ని కొంతమేర కాపాడుకోవచ్చు. అసలు కాలెయం దెబ్బతింటే మన శరీరంలో ఎలాంటి మార్పులు వస్తాయో ఇప్పుడు తెలుసుకుందాం..
చర్మ పసుపు రంగులోకి మారడం
కాలేయం ఆరోగ్యం క్షీణించడం స్టార్ట్ అయినప్పుడు చర్మంతో పాటుగా కంట్లోని తెల్లని భాగం పసుపు రంగులోకి మారుతుంది. కాలేయ అనారోగ్యం వల్ల కలిగే కామెర్లు అనే వ్యాధి ప్రధాన లక్షణం ఇది.
మూత్రం రంగు మారడం
కాలేయ పనితీరు దెబ్బతిన్నప్పుడు.. మన శరీరంలో టాక్సిన్స్ పేరుకుపోతాయి. దీనివల్ల మూత్రం రంగు మారుతుంది. ఒకవేళ మీ మూత్రం రంగు పాలిపోయినట్టుగా కనిపిస్తే వెంటనే చెకప్ చేయించుకోండి. కాలేయం అనారోగ్యానికి గురైతే.. శరీరమంతా దురద పెడుతుంది.
చర్మంపై దద్దుర్లు
శరీరంలో ఆకస్మిక దద్దుర్లు, వాపు కాలేయ వ్యాధికి సంకేతమంటున్నారు నిపుణులు. కడుపు, పాదాలలో నీరు నిల్వ ఉండటం వల్ల వాపు వస్తుంది.
ఆకలి లేకపోవడం
ఆకలి లేకపోవడం, ఆకస్మికంగా బరువు తగ్గడం కూడా కాలెయ వ్యాధి బారిన పడ్డారనడానికి సంకేతం.
అలసట
వాంతులు, మైకము, అలసట వంట సమస్యలు కూడా కాలెయం ఆరోగ్యం దెబ్బతిన్నదనడాన్ని సూచిస్తుంది.
మలవిసర్జన చేయాలనిపించడం
ఏదైనా తిన్న వెంటనే మలవిసర్జన చేయాలనిపించడం కూడా కాలేయంతో సమస్యను సూచిస్తుంది. మీరు తినేదాన్ని కాలేయం గ్రహించి ఉపయోగించలేకపోవడమే దీనికి కారణం.