Life After 40: 40 దాటిన తర్వాత శరీరంలో ఎలాంటి మార్పులు వస్తాయి?
Life After 40: వయసు పెరుగుతుంటే శరీరంలో మార్పులు రావడం చాలా సహజం. మరి, 40 ఏళ్ల తర్వాత ఎలాంటి మార్పులు వస్తాయి? ఎలాంటి జాగ్రత్తలు తీసుకోవాలి? ఎలాంటి మార్పులను నిర్లక్ష్యం చేయకూడదు..?
40 తర్వాత ఎలాంటి మార్పులు వస్తాయి..?
40 ఏళ్లు రాగానే "అబ్బో.. వయసైపోతోందిలే" అని మనలో చాలామంది సింపుల్గా అనేస్తుంటారు. కానీ మన బాడీలో వచ్చే ప్రతి చిన్న మార్పు వెనుక ఒక మెసేజ్ ఉంటుంది. "వయసు పెరిగితే అంతేలే" అని సర్దుకుపోకుండా, 40 దాటిన తర్వాత మన శరీరంలో ఎలాంటి మార్పులు వస్తాయో, మనం ఎందుకు అలర్ట్గా ఉండాలో ఓసారి చూద్దాం
నా ప్యాంట్ నాకు పట్టడం లేదేంటి?
మేం బరువు పెరగకుండా మేనేజ్ చేసేస్తున్నాం అనుకుంటారు. కానీ, బరువు పెరగకపోయినా నడుము చుట్టుకొలత పెరుగుతుంది. పాత జీన్స్ లేదా ప్యాంట్లు వేసుకుంటే.. నడుము దగ్గర బిగుతుగా అనిపిస్తుంది.40 దాటిన తర్వాత పొట్ట చుట్టూ కొవ్వు పేరుకుపోతుంది. ఇది గుండె ఆరోగ్యానికి అంత మంచిదేమీ కాదు. కాబట్టి, పొట్ట తగ్గించడం చాలా ముఖ్యం.
2. స్టామినా తగ్గడం..
షాపింగ్ సంచులు ఎత్తడం లేదా కింద కూర్చుని సడన్గా లేవడం ఒకప్పుడు నీళ్లు తాగినంత ఈజీగా ఉండేది. కానీ ఇప్పుడు కష్టంగా అనిపిస్తోందా? వయసుతో పాటు మజిల్ మాస్ తగ్గడం వల్ల ఇలా జరుగుతుంది. కాబట్టి.. స్ట్రెంత్ పెంచుకునే వ్యాయామాలు చేయాలి.
3. పీరియడ్స్ టైమ్ మారడం
40ల్లో ‘పెరిమెనోపాజ్’ (మెనోపాజ్ ముందు దశ) స్టార్ట్ అవుతుంది. పీరియడ్స్ సరిగ్గా రాకపోవడం, హఠాత్తుగా ఒళ్లంతా చెమటలు పట్టడం , ఉన్నట్టుండి మూడ్ స్వింగ్స్ రావడం జరుగుతాయి. ఇవి మన ఎముకలు, గుండె ఆరోగ్యాన్ని ప్రభావితం చేస్తాయి.
నిద్ర పట్టదు..
రాత్రిళ్లు పడుకోగానే గాఢ నిద్రపోయే రోజులు పోయి.. పదే పదే మెలకువ వస్తుంది. గాఢ నిద్రపోలేరు.అంతేకాదు.. ఉదయం లేవగానే..అలసటగా అనిపిస్తూ ఉంటుంది.
5. తగ్గని అలసట..
ఒకప్పుడు వారం రోజులు కంటిన్యూస్ గా పని చేసినా రాని అలసట.. ఇప్పుడు ఊరికూరికే వచ్చేస్తుంది. నెలల తరబడి విశ్రాంతి తీసుకున్నా కూడా ఇంకా నీరసంగా అనిపిస్తూ ఉంటుంది.
6. బిపి, షుగర్ కొలెస్ట్రాల్..
"నాకేం హెల్త్ ప్రాబ్లమ్స్ లేవు" అని ధీమాగా ఉంటాం. కానీ బిపి, బ్లడ్ షుగర్, కొలెస్ట్రాల్ బయటకు ఎలాంటి లక్షణాలు చూపించకుండానే పెరిగిపోతుంటాయి. అందుకే రొటీన్ చెకప్లు తప్పనిసరి.
7. చిన్న విషయాలు మర్చిపోవడం..
మొన్నటి వరకు అన్ని విషయాలు గుర్తుంచుకునే వాళ్లు.. చిన్న చిన్న విషయాలు కూడా ఇప్పుడు గుర్తుండటం లేదా? ఇది కూడా 40 తర్వాత వచ్చే లక్షణమే. హార్మోన్లలో మార్పులు, సరిగా నిద్రపట్టకపోవడం వల్ల మతిమరుపు వచ్చేస్తూ ఉంటుంది. కాబట్టి, ఈ విషయంలో జాగ్రత్తగా ఉండాలి. యోగా, మెడిటేషన్ లాంటివి అలవాటు చేసుకోవాలి.
8. కీళ్ల నొప్పులు త్వరగా తగ్గకపోవడం
చిన్న వెన్నునొప్పి లేదా మోకాళ్ల నొప్పులు వస్తే వారాల తరబడి అలాగే ఉండిపోతాయి. ఆర్థరైటిస్ లేదా కూర్చునే భంగిమ సరిగ్గా లేకపోవడం వల్ల ఇవి దీర్ఘకాలికంగా మారతాయి. ఎముకలు కూడా బలహీనంగా మారతాయి.
అయితే.. మన శరీరంలో కనిపించే ఈ మార్పులను చూసి భయపడాల్సిన పనిలేదు. కానీ "వయసు ప్రభావం" అని నిర్లక్ష్యం చేయకుండా.. హెల్దీ డైట్, వ్యాయామం, సరైన డాక్టర్ సలహాతో మనల్ని మనం కేర్ తీసుకోవడం చాలా ముఖ్యం!
