Budget Travel : కేవలం వేల రూపాయల ట్రిప్.. కోటీశ్వరుల్లా లగ్జరీస్ ఎంజాయ్ చేసే దేశమేదో తెలుసా?

విదేశీ టూర్ అనగానే లక్షలు ఖర్చవుతాయనుకుంటారు. కానీ చాలా తక్కువ బడ్జెట్‌తోనే ఓ దేశం చుట్టేసి రావచ్చు. భారత్ నుంచి 9 గంటల్లోనే అక్కడికి వెళ్లిపోవచ్చు. అక్కడ మన డబ్బుకు ఎంత విలువుందో తెలిస్తే షాక్ అవుతారు.

Image Credit : X

బడ్జెట్ ప్రెండ్లీ ఫారెన్ టూర్...

విదేశాలకు వెళ్లాలని కలలు కంటున్నారా? బడ్జెట్ గురించి టెన్షన్ పడుతున్నారా? అయితే మీకోసమే ఈ దేశం. ఆగ్నేయాసియాలోని 'లావోస్' (Laos) ప్రస్తుతం ప్రపంచంలోనే అత్యంత చవకైన దేశాల్లో ఒకటిగా నిలిచింది. ఇక్కడి ప్రకృతి అందాలు, తక్కువ ధరలు టూరిస్టులను కట్టిపడేస్తున్నాయి.

Image Credit : gemini

తక్కువ ఖర్చుతో లగ్జరీస్..

2025-2026 లెక్కల ప్రకారం… లావోస్ టూరిస్టులకు చాలా తక్కువ ఖర్చుతో లగ్జరీ అనుభవాన్ని అందిస్తోంది. ఇక్కడ వసతి, ఆహారం, రవాణా ఖర్చులు మన ఇండియా కంటే కూడా తక్కువంటే నమ్మండి.

Image Credit : X

రూపాయికి అక్కడ విలువెక్కువ...

లావోస్ కరెన్సీని 'లావో కిప్' (Lao Kip) అంటారు. మన రూపాయి విలువతో పోలిస్తే ఇది చాలా తక్కువ. మన దేశానికి చెందిన ₹4-5 ఇస్తే, అక్కడ 1000 కిప్‌లు వస్తాయి. అంటే మీ జేబులో కొన్ని వేల రూపాయలుంటే చాలు, అక్కడ మీరు లక్షాధికారిలా ఖర్చు చేయొచ్చు. అందుకే భారతీయులు అక్కడికి వెళ్తే లక్షాధికారుల్లా బతికేయొచ్చు.

Image Credit : X

ఇవీ లావోస్ లో టూరిస్ట్ ఖర్చులు...

ఇటీవల ఓ ట్రావెల్ వ్లాగర్ చెప్పిన వివరాల ప్రకారం లావోస్‌లో అడ్వెంచర్ స్పోర్ట్స్ ధరలు ఇలా ఉన్నాయి.. 

జలపాతం సందర్శన: : ₹200.

జిప్‌లైనింగ్ ; ₹1,000.

పారామోటరింగ్ : ₹3,000. 

హాట్ ఎయిర్ బెలూన్ రైడ్ : ₹5,000. 

వాహనం అద్దె : రోజుకు కేవలం ₹300కే స్కూటర్ దొరుకుతుంది. 

రైలు ప్రయాణం : దేశమంతా తిరగడానికి ₹1,000 చాలు.

Image Credit : X

లావోస్ ఎలా వెళ్లాలి..?

భారత్ నుంచి లావోస్‌కు విమానంలో దాదాపు 2,400 నుంచి 2,700 కిలోమీటర్ల దూరం ఉంటుంది. న్యూఢిల్లీ నుంచి లావోస్ రాజధాని వియంటియాన్ (Vientiane) చేరుకోవడానికి సుమారు 9 నుంచి 11 గంటల సమయం పడుతుంది. చాలా విమానాలు బ్యాంకాక్ మీదుగా వెళ్తాయి.

Image Credit : X

చైనా సరిహద్దు దేశం..

భౌగోళికంగా ఇది చైనా, వియత్నాం, కంబోడియా, థాయ్‌లాండ్, మయన్మార్ దేశాల మధ్య ఉన్న భూపరివేష్టిత దేశం (Landlocked country).  ప్రసిద్ధ మెకాంగ్ నది ఈ దేశానికి జీవనాడిలాంటిది.

Image Credit : X

లావోస్ సంస్కృతి

ఇక్కడి ప్రజల్లో ఎక్కువమంది బౌద్ధమతాన్ని పాటిస్తారు. అందమైన బౌద్ధ దేవాలయాలు, పచ్చని పర్వతాలు, అద్భుతమైన జలపాతాలు ఇక్కడి ప్రధాన ఆకర్షణలు.

చరిత్ర : ఈ దేశం 1893 నుంచి 1953 వరకు ఫ్రెంచ్ కాలనీగా ఉండేది. ఆ ప్రభావం ఇప్పటికీ ఇక్కడి కట్టడాల్లో కనిపిస్తుంది.