Lemon Storage: ఈ ఒక్క పని చేస్తే ఏడాదైనా నిమ్మకాయలు ఫ్రెష్ గా ఉంటాయి
Lemon Storage: ఈ సమ్మర్లో నిమ్మకాయలు ఎక్కువ రేటు ఉంటాయి. చవకగా దొరికినప్పుడు ఎక్కువ తెచ్చుకుందామంటే కొద్దిరోజులకే కుళ్లిపోతాయి. రేట్లు మండిపోతున్న ఈ వేసవిలోనూ లెమన్స్ నెలరోజుల పాటు ఫ్రెష్గా ఉండాలంటే ఈ టిప్స్ ఫాలో చేయండి.
నిమ్మకాయలు కుళ్లిపోతున్నాయా?
ఈ వేసవిలో నిమ్మకాయలకు బాగా గిరాకీ ఉంటుంది. అందుకే రేటు కూడా ఎక్కువగానే ఉంటుంది. సంతలో చవక్కి దొరికినప్పుడు తెచ్చుకుందామంటే తెచ్చిన కొద్దిరోజులకే కుళ్లిపోయి, వాడిపోతాయి. ఎక్కువ రోజులు ఎలా నిల్వ చేసుకోవాలో చాలా మందికి తెలియదు. ఫ్రిజ్లో పెట్టినా పండిపోతుంటాయి. అందుకే ఫ్రిజ్ ఉన్నా లేకపోయినా సరే నిమ్మకాయలు ఫ్రెష్గా ఉండాలంటే ఇలా ట్రై చేయండి. నెలరోజులపాటు తాజాగా ఉంటాయి.
తడి లేకుండా తుడవాలి
గిన్నెలో నీళ్లు తీసుకుని నిమ్మకాయల్ని వేసి బాగా కడగాలి. వాటిపై ఉన్న దుమ్ము, మట్టిని తొలగించాలి. కడిగిన తర్వాత నిమ్మకాయల్ని పొడి బట్టపై వేసి, తడి లేకుండా పూర్తిగా తుడవాలి. కాయలపై కొంచెం కూడా నీరు ఉండకుండా చూసుకోవాలి. ఒకవేళ తడి ఉంటే త్వరగా పాడైపోతాయి. తుడిచాక, ఓ పది నిమిషాల పాటు ఫ్యాన్ గాలికి ఆరబెట్టండి.
నిమ్మకాయలకు ఆయిల్ అప్లై చేయండి
ఆరిన నిమ్మకాయల్ని ఒక ప్లేట్లోకి తీసుకుని వాటికి నూనె రాయండి. జస్ట్ ఒకవేలితో రాస్తే సరిపోతుంది. కాయ మొత్తం నూనె అంటుకునేలా చూసుకోండి. ఇలా చేయడం వల్ల నిమ్మకాయపై ఒక పొరలా ఏర్పడి, గాలి తగలకుండా, తేమ ఆవిరైపోకుండా అడ్డుకుంటుంది. ఇలా చేస్తే కాయలు కుళ్లిపోకుండా ఉంటాయి.
మూత ఉన్న డబ్బాల్లో పెట్టుకోండి
నిమ్మకాయల్ని నిల్వ చేయడానికి మూత ఉన్న డబ్బాను తీసుకోండి. ప్లాస్టిక్ డబ్బా అయినా పర్లేదు, గాజు డబ్బా అయితే ఇంకా మంచిది. డబ్బా అడుగున ఒక టిష్యూ పేపర్ పరవండి. టిష్యూ లేకపోతే న్యూస్పేపర్ లేదా నోట్బుక్ పేపర్ కూడా వాడొచ్చు. ఈ పేపర్పై నూనె రాసిన నిమ్మకాయల్ని వరుసగా పెట్టండి. కాయలు పెట్టిన తర్వాత, వాటిపై మరో టిష్యూ పేపర్ పెట్టి డబ్బా మూతను గట్టిగా మూసేయండి. ఇలా చేస్తే నిమ్మకాయలు నెల కన్నా ఎక్కువ రోజులు తాజాగా, గట్టిగా ఉంటాయి. దీనివల్ల రుచి కూడా పోదు, వాటిలో రసం కూడా అలానే ఉంటుంది.
