Doormat: గుమ్మం ముందు ఉన్న డోర్మ్యాట్ కింద ఈ వస్తువు పెట్టారంటే డబ్బు సమస్యలు రావు
Doormat: వాస్తు ప్రకారం ఇంట్లో డోర్మ్యాట్ వేయడం వల్ల పాజిటివ్ ఎనర్జీ రావడమే కాదు, లక్ష్మీదేవి అనుగ్రహం కూడా లభిస్తుంది. ప్రధాన ద్వారం వద్ద ఎలాంటి డోర్మ్యాట్ వేస్తే మీ అదృష్టం మారుతుందో తెలుసుకుందాం.
ఎలాంటి మ్యాట్ వేయాలి?
వాస్తు శాస్త్రం ప్రకారం ఇంటి ప్రధాన ద్వారం దగ్గర వేసే మ్యాట్ రంగు చాలా ముఖ్యమైనది. ఎందుకంటే ఇంట్లోకి పాజిటివ్ ఎనర్జీ వచ్చేది ఇక్కడి నుంచే. డోర్మ్యాట్ రంగును పెద్దగా పట్టించుకోరు. కానీ గుమ్మానికి వేసే మ్యాట్కు, మన అదృష్టానికి, సంతోషానికి సంబంధం ఉందని మీకు తెలుసా?
వాస్తు ప్రకారం ఎవరైనా ఇంట్లోకి ప్రవేశించేటప్పుడు బయటి నెగెటివ్ ఎనర్జీని తమతో పాటు తెస్తారు. కానీ ప్రధాన ద్వారం వద్ద ఉన్న డోర్మ్యాట్ ఆ నెగెటివ్ ఎనర్జీని ఇంట్లోకి రాకుండా అడ్డుకుంటుంది. దీంతో ఇంట్లో వాతావరణం ఎప్పుడూ పాజిటివ్గా ఉంటుంది.
ప్రధాన ద్వారం వద్ద ఇలాంటి మ్యాట్ ఉండాలి
తూర్పు దిక్కు: మీ ఇంటి ప్రధాన ద్వారం తూర్పు దిక్కున ఉంటే, మీరు ఆకుపచ్చ, పసుపు లేదా లేత గోధుమ రంగు మ్యాట్ వాడాలి. దీనివల్ల ఇంట్లో సుఖసంతోషాలు ఉంటాయని చెబుతారు.
ఉత్తర దిక్కు: మీ ఇంటి ప్రధాన ద్వారం ఉత్తరం వైపు ఉంటే, అక్కడ నీలం, లేత ఆకుపచ్చ లేదా తెలుపు రంగు మ్యాట్ వేయడం మీకు లాభిస్తుంది.
దక్షిణ దిక్కు: దక్షిణం వైపు ప్రధాన ద్వారం ఉంటే, అక్కడ ఎరుపు, గులాబీ లేదా నారింజ (ఆరెంజ్) రంగు మ్యాట్ వేయడం మంచిది.
పశ్చిమ దిక్కు: పశ్చిమ దిక్కులో ప్రధాన ద్వారం ఉంటే, అక్కడ తెలుపు, బంగారు (గోల్డెన్) లేదా గ్రే రంగు మ్యాట్ వాడండి.
డోర్మ్యాట్ కింద ఈ వస్తువును పెట్టండి
ఆర్థిక ఇబ్బందుల నుంచి బయటపడాలంటే డోర్మ్యాట్ కింద ఓ చిన్న కాగితం లేదా వస్త్రంలో కొద్దిగా కల్లు ఉప్పు చుట్టి పెట్టండి. దీనివల్ల ఇంటికి దిష్టి తగలదని చెబుతారు. అంతేకాదు, కావాలంటే దాని కింద ఓ చిన్న పటిక (ఫిట్కరి) ముక్కను కూడా పెట్టవచ్చు. ఈ ఉపాయంతో లక్ష్మీదేవి ఇంట్లో స్థిరంగా ఉంటుందని నమ్మకం.
