Gaining Fat : ఎంత తిన్నా బక్కగానే కనిపిస్తున్నారా? ఈ ఆయుర్వేద చిట్కాలను పాటించండి
Gaining Fat : కొందరు లావుగా ఉన్నామని బాధపడితే.. మరికొందరు అయ్యో నేను మరీ ఇంత బక్కగా ఉన్నానే అంటూ తెగ ఇదైపోతుంటారు. కొంతమంది ఎంత తిన్నా ఒంటికి పట్టకా అలాగే పుల్లలాగ ఉంటారు. దీనికి కారణాలు వారి శరీరతత్వం కూడా కావొచ్చు. అలాంటి వారు కొన్ని చిట్కాలను పాటిస్తే ఈజీగా బరువెక్కొచ్చు.
Gaining Fat : లావుగా కంటే బక్కగా ఉండటానికే చాలా మంది ఇంట్రెస్ట్ చూపిస్తుంటారు. కారణం లావుగా ఉంటే ఏ పని చేతకాదని, ముఖ్యంగా అందవిహీనంగా కనిపిస్తామని , ఇష్టంగా ఏ డ్రెస్ లు వేసుకోలేమని భావిస్తారు. అందుకే లావుగా ఉన్నవాళ్లు సన్నగా అవడానికి ఎన్నెన్నో ప్రయోగాలుచేస్తుంటారు. ఇకపోతే సన్నగా పుల్లలాగ ఉన్నావాళ్లు కూడా తాము లావైపోతే ఎంతబావుంటుందో అంటూ కళలు కంటారు. అయితే బక్కగా ఉన్నవాళ్లలో కొందరు ఫుడ్ ను పుష్టిగా తీసుకున్నా అలాగే సన్నగా ఉంటారు. అలా ఉండటానికి కారణం వారి శరీరతత్వమే.
ఇంకొందరు జన్యుపరంగా వచ్చిన కారణాల వల్ల కూడా ఎంత తిన్నా ఒంటికి పట్దదు. ఇవే కాకుండా థైరాయిడ్ సమస్యతో బాధపడేవారు కూడా బరువు పెరగలేకపోతుంటారు. వాళ్లు తీసుకున్న ఆహారం వంటబట్టకున్నా బరువు పెరిగే అవకాశం లేదు. అయితే ఈ బరువు పెరగడానికి కారణాలేంటో కొన్ని రకాల టెస్టుల ద్వారా తెలుసుకోవచ్చని వైద్యులు చెబుతున్నారు. అయితే ఎంత తిన్నా ఒంటబట్టని వారు కొన్ని ఆయుర్వేద చిట్కాలను పాటిస్తే చక్కగా బరువు పెరడంతో పాటుగా బలంగా కూడా తయారవుతారు. ఆ చిట్కాలేంటో ఇప్పుడు చూద్దాం..
ఆహారం బాగా తీసుకుంటేనే బరువు పెరుగుతారు. ఆహారం తీసుకోవాలంటే ఆకలి బాగా వేయాలి. అయితే ఈ ఆకలిని పెంచడంలో అల్లం, శొంఠి బాగా ఉపయోగపడతాయి. బక్కగా ఉన్నామని బాధపడేవారు వీటిని తీసుకుంటే ఆకలి పెరుగుతుంది. తద్వార వారు బరువు పెరుగుతారు. రాత్రి పడుకునే ముందు వేడి వేడి అన్నాన్నితీసుకుని అందులో పాలు పోసి తోడుపెట్టాలి. దాన్ని పొద్దున్నే తింటే బరువు పెరుగుతారు. దీని వల్ల Body heat కూడా తగ్గుతుందని నిపుణులు చెబుతున్నారు. ఇకపోతే జిలకర్ర, ధనియాలు, శొంఠిని సమ పాలల్లో తీసుకుని మెత్తగా గ్రైండ్ చేసుకుని పెట్టుకోవాలి. ఈ పొడిని ప్రతి రోజూ అన్నంలో కలుపుకుని తింటే ఈజీగా బరువు పెరగడంతో పాటుగా ఆకలి కూడా బాగా పెరుగుతుంది.
కొన్ని దాల్చిన చెక్కలను తీసుకుని బాగా ఎండబెట్టి వాటిని మొత్తగా పొడిలా తయారుచేసుకోవాలి. ఈ పొడిని గాలి చొరబడని సీసాలో భద్రపరచాలి. ఇకపోతే ఒక గ్లాసు బాగా కాగబెట్టిన పాలను తీసుకుని అందులో తయారు చేసిపెట్టుకున్న దాల్చిన చెక్క పౌడర్, చక్కెర ను ఒక చెంచా చొప్పున వేసి బాగా కలుపుకోవాలి. ఈ పాలను ప్రతి రోజూ మార్నింగ్ టైంలో తాగితే మంచి ఫలితం ఉంటుంది. అంతేకాదు ఈ పాలు ఒంట్లో ఉన్న వేడిని, వాతాన్ని కూడా తగ్గిస్తాయి. ముఖ్యంగా మెదడు పనితీరును మెరుగు పరచడంలో ఇవి బాగా ఉపయోగపడతాయి. అంతేకాదు శరీర బరువు పెరిగి పుష్టిగా కూడా అవుతారు. జీర్ణశక్తి కూడా పెరుగుతుంది.
శరీరం బక్క పల్చగా ఉన్నవారికి అవిసె గింజలు, నువ్వులు, సోయా గింజలు కూడా బాగా ఉపయోగపడతాయి. శరీరం సౌష్టవంగా తయారవ్వాలంటే ప్రతి రోజూ ఫ్రెష్ గా ఉండే పండ్లను తీసుకోవడంతో పాటుగా శరీరానికి అవసరమయ్యే నీటిని కూడా తాగుతూ ఉండాలి. అలాగే వేరు శెనగలు, బాదం పప్పు, ఆక్రోట్, పిస్తాలను కూడా రోజూ వారి ఆహారం లో చేర్చుకుంటే చక్కటి ఫలితం ఉంటుంది. వీటితో పాటుగా మీగడ తీయని పెరుగు తీసుకుంటే కూడా శరీర బరువు పెరుగుతుంది. అలాగే వెన్న తీయని పాలు కూడా శరీర బరువును పెంచడంలో బాగా సహాయపడతాయి. ఈ చిట్కాలను క్రమం తప్పకుండా పాటిస్తే ఈజీగా బరువు పెరుగుతారని నిపుణులు చెబుతున్నారు.