మీ శరీరంలో ఈ మార్పులు కనిపిస్తే వెంటనే హాస్పటల్ కు వెళ్లండి.. ఇది గుండెపోటుకు సంకేతం కావొచ్చు..

ఒక్క ఇండియాలోనే కాదు ప్రపంచవ్యాప్తంగా హార్ట్ పేషెంట్ల సంఖ్య విపరీతంగా పెరిగిపోతోంది. ఈ గుండె జబ్బులు ఒక్కపెద్దవారిలోనే కాదు .. 25 నుంచి 30 ఏండ్ల యువత కూడా దీనిబారిన పడుతున్నారు. గుండెపోటు, స్ట్రోక్ వంటి గుండెజబ్బులు రావడానికి పేలవమైన జీవన శైలి, అనారోగ్యకరమైన ఆహారాలే దీనికి అసలు కారణం. చాలా మంది ఫిట్ గా కనిపించినప్పటికీ.. ఎన్నో సమస్యలు ఉంటాయి. ఈ మధ్యకాలంలో నటుడు సిద్ధార్ఘ్ శుక్లా, కన్నడ సూపర్ స్టార్ పునీత్ రాజ్ కుమార్ , సింగర్ కెకెతో సహా పలువురు ప్రముఖులు గుండెపోటుతో చనిపోయారు. అయితే గుండెజబ్బుల లక్షణాలను సకాలంలో గుర్తిస్తే ప్రాణాలను కాపాడుకోవచ్చు. మీ గుండె ప్రమాదంలో ఉంటే.. ఎలాంటి లక్షణాలు కనిపిస్తాయో తెలుసుకుందాం పదండి. 

ఛాతి నొప్పి

మీకు తరచుగా ఛాతిలో నొప్పిగా అనిపించడం లేదా బరువుగా అనిపిస్తే.. మీ గుండె బలహీనపడిందని అర్థం చేసుకోండి. ఇలాంటి సమస్య మీలో కనిపిస్తే వెంటనే వైద్యుడిని సంప్రదించండి. అవసరమైన మెడికల్ టెస్టులు చేయించుకోండి. ఎందుకంటే ఇవి గుండెపోటుకు సంకేతాలు కాబట్టి. వీటికి సకాలంలో చికిత్స తీసుకుంటే ప్రాణాలతో బయటపడతారు. 
 

వాంతులు

ఛాతిలో నొప్పి తర్వాత కొన్ని కొన్ని సార్లు చాలా మందికి వాంతులు అవుతుంటాయి. ఇది గుండెజబ్బులకు సంకేతం. ఛాతిలో నొప్పి వచ్చి వెంటనే వాంతులు అయితే  ఆలస్యం చేయకుండా డాక్టర్ దగ్గరకు వెళ్లండి. లేదంటే గుండెపోటు వచ్చే అవకాశం ఉంది. 

కడుపు నొప్పి

కడుపు నొప్పికి కారణాలెన్నో ఉంటాయి. కాని ఇది కూడా గుండె జబ్బులకు హెచ్చరిక సంకేతం అంటున్నారు డాక్టర్లు. ఈ సమస్య ఎందుకొచ్చిందోనని లైట్ తీసుకోకండి. దీనికి కారణమేంటో తెలుసుకుంటే మీ ప్రాణాలకు ముప్పు తప్పుతుంది.  
 

దవడ నొప్పి

దవడ నొప్పి కి కూడా ఎన్నో కారణాలుంటాయి. కానీ ఇది కూడా గుండె జబ్బులకు కారణమంటున్నారు ఆరోగ్య నిపుణులు, డాక్టర్లు.  దీనివల్ల ప్రాణాలు కూడా పోవచ్చు. అందుకే ఇలాంటి లక్షణాలు కనిపించినప్పుడు వెంటనే డాక్టర్ దగ్గరకు వెళ్లండి. కారణమేంటో తెలుసుకోండి.
 

అకస్మత్తుగా చెమటలు పట్టడం

వేసవిలో లేదా జిమ్ లో ఎక్సర్ సైజ్లు చేస్తున్నప్పుడు అకస్మత్తుగా చెమటలు పట్టడం సర్వ సాధారణం. కానీ కొంతమందికి ఏసీ గదిలో ఉన్నా.. విపరీతంగా చెమట పడుతుంటాయి. ఎలాంటి శ్రమ చేయకుండా చెమటలు పడితే.. గుండెపోటు వచ్చే ప్రమాదం ఉందని అర్థం. ఇలాంటి లక్షణాలను లైట్ తీసుకోకండి.