డిప్రెషన్ లో ఉన్నారా? ఈ పోషక లోపమే కారణం కావొచ్చు చెక్ చేసుకోండి..
మన శరీరానికి ఇనుము చాలా చాలా అవసరం. ఇది లేకుండే మన బాడీలో రక్తం తగ్గుతుంది. తొందరగా అలసిపోతారు. అంతేకాదు ఈ లోపం డిప్రెషన్ కు కూడా దారితీస్తుందని ఆరోగ్య నిపుణులు చెబుతున్నారు.
మన శరీరానికి విటమిన్ బి 12, ఐరన్ ఈ రెండు ప్రధాన పోషకాలు. ఇవి శరీరంలో రక్తాన్ని పెంచుతాయి. ఈ పోషకాలు రక్తం లేకపోవడం వల్ల తలెత్తే ఎన్నో వ్యాధులను నయం చేయడంలో కీలక పాత్ర పోషిస్తాయి. విటమిన్ బి 12 ను కోబాలమిన్ అని కూడా పిలుస్తారు. ఇది నీటిలో కరిగే పోషకం. ఇది ఎర్ర రక్త కణాలను, డిఎన్ఎను ఏర్పరుస్తుంది. ఇకపోతే శరీరంలోని వివిధ భాగాలకు ఆక్సిజన్ ను తీసుకువెళ్ళే హిమోగ్లోబిన్ లో ఇనుము మరొక ముఖ్యమైన భాగం. అయితే ఈ రెండూ పోషకాలు లోపిస్తే.. మానసిక ఆరోగ్యంపై కూడా ప్రతికూల ప్రభావాలు పడతాయంటున్నారు ఆరోగ్య నిపుణులు. అందుకే ఆరోగ్యంగా ఉండేందుకు ఈ పోషకాలు లోపించకుండా జాగ్రత్త పడాలి.
మన శరీరంలో ఇనుము లోపం వల్ల రక్తహీనత సమస్య తలెత్తుతుంది. అంటే దీనివల్ల బాడీలో రక్తం తగ్గుతుంది. అలాగే రక్తంలో ఇనుము కొరత ఉంటుంది. దీనివల్ల విపరీతమైన అలసట కలుగుతుంది. దీనివల్ల రోజు వారి పనులను కూడా చేసుకోలేరు. ఎర్ర రక్త కణాల ఆక్సిజన్ మోసే భాగమైన హిమోగ్లోబిన్ ను శరీరం తయారు చేయడానికి మన శరీరానికి తగినంత ఇనుము చాలా అవసరం.
ఇనుము లోపం, రక్తహీనత వల్ల ఒక వ్యక్తి డిప్రెషన్ కు గురయ్యే అవకాశాన్ని పెంచుతుందని అధ్యయనాలు చెబుతున్నాయి. ఇనుము లోపం వల్ల కీలకమైన న్యూరోట్రాన్స్మిటర్, మూడ్ స్టెబిలైజర్ అయిన సెరోటోనిన్ తక్కువ మొత్తంలో ఉంటుంది. అభిజ్ఞా బలహీనతలు, విచారం, శ్వాస తీసుకోవడంలో ఇబ్బంది, హైపోటెన్షన్ కోల్పోవడం, కండరాల బలహీనత, మానసిక, శారీరక అలసట విటమిన్ బి 12 లోపానికి అత్యంత సాధారణ లక్షణాలు.
వయస్సు, గర్భం, దీర్ఘకాలిక అనారోగ్య సమస్యలు, నిర్దిష్ట మందుల వాడకం విటమిన్ బి 12 అవసరాన్ని తెలియజేస్తాయి. అందుకే విటమిన్ బి 12 లోపాన్ని నివారించడానికి రోజువారీ 4 నుంచి 20 గ్రాముల విటమిన్ బి 12 ను తీసుకోండి.
iron deficiency
ఆరోగ్య నిపుణుల అభిప్రాయం ప్రకారం.. మానసిక ప్రవర్తనలను ప్రభావితం చేసే మెదడు పనితీరుకు ఇనుము అవసరం. ఒకవేళ శరీరంలో ఇనుము స్థాయిలు తక్కువగా ఉంటే ఆందోళన, నిరాశతో సహా ఎన్నో మానసిక ఆరోగ్య సమస్యలు వచ్చే ప్రమాదం పెరుగుతుంది. రక్తహీనత లక్షణాలలో ఆందోళన ఒకటి. రక్తహీనత శరీరాన్ని చాలా ఒత్తిడికి గురిచేస్తుంది. ఫలితంగా మెదడు తరచుగా ఆత్రుతగా ఉంటుంది. మెదడు పనితీరు సరిగ్గా ఉండదు.
ఈ రెండు పోషకాలను పెంచడానికి ఆహారం బాగా ఉపయోగపడుతుందని ఆరోగ్య నిపుణులు అంటున్నారు. ఐరన్, విటమిన్ బి 12 వివిధ ఆకు కూరలు, కాయలు, తృణధాన్యాలు మొదలైన వాటిలో పుష్కలంగా ఉంటాయి. ఇది ఐరన్ లోపాన్ని మెరుగుపరచడానికి సహాయపడుతుంది. పాలు, జున్ను, పెరుగుతో సహా అన్ని పాల ఉత్పత్తులతో పాటుగా చేపలు, రెడ్ మీట్, కాలేయం లేదా గుడ్లు విటమిన్ల గొప్ప మూలం. చిక్కుళ్ళు, బఠానీలు, బీన్స్, ఆకుకూరలు లేదా వోట్మీల్ వంటి తృణధాన్యాల్లో కూడా ఈ పోషకాలు పుష్కలంగా ఉంటాయి. వీటిని మీరోజు వారి ఆహారంలో చేర్చండి.