Health News: జాగ్రత..! పుచ్చకాయను ఫ్రిజ్డ్ లో పెట్టి తినకూడదు.. ఒక వేళ తిన్నారో..?

Health News: పుచ్చకాయలో నీటి కంటెంట్ ఎక్కువగా ఉంటుంది. ఈ పండు మనల్ని హైడ్రేట్ గా ఉంచడంతో పాటగా.. ఎన్నో అనారోగ్య సమస్యల నుంచి కాపాడుతుంది కూడా. అయితే ఈ పండును ఫ్రిజ్ లో మాత్రం పెట్టకూడదంటున్నారు నిపుణులు. ఎందుకంటే..  

వేసవి కాలంలోనే పుచ్చకాయలు పుష్కలంగా లభిస్తాయి. ఈ పండులో 90 శాతం నీరుంటుంది. ఇది శరీరానికి కావాల్సిన నీటిని అందించడంతో పాటుగా.. బాడీని హైడ్రేట్ గా కూడా ఉంచుతుంది. అందుకే ఈ సీజన్ లో పుచ్చకాయను ఎక్కువగా తింటూ ఉంటారు.  

 90% నీటితో సమృద్ధిగా ఉండే ఈ ఎరుపు రంగు పండు మన ఆరోగ్యానికి ఎంతో మేలు చేస్తుంది. కానీ నిపుణుల అభిప్రాయం ప్రకారం.. దీనిని సరైన సమయంలో, సరైన మార్గంలో తినడం చాలా ముఖ్యం. లేకపోతే ఇది మనపై ప్రతికూల ప్రభావాలను చూపుతుంది. ఇటీవల ప్రచురించిన ఒక నివేదిక ప్రకారం..  పుచ్చకాయను ఫ్రిజ్ లో ఉంచడం వల్ల దాని పోషకాలన్నీ తగ్గుతాయి. అలాగే ఇది మన ఆరోగ్యానికి కూడా హానికరం. కాబట్టి ఈ అధ్యయనం గురించి, పుచ్చకాయ తినడానికి ఏది సరైన మార్గం, సమయం గురించి తెలుసుకుందాం పదండి. 

రీసెర్చ్ జర్నల్ ఆఫ్ అగ్రికల్చర్ అండ్ ఫుడ్ కెమిస్ట్రీలో ప్రచురితమైన USDA నివేదిక ప్రకారం..  గది ఉష్ణోగ్రత వద్ద ఉంచిన పుచ్చకాయలో రిఫ్రిజిరేటర్ లో ఉంచిన పుచ్చకాయ కంటే ఎక్కువ పోషకాలు ఉంటాయి. వాస్తవానికి Oklahoma లోని లేన్లోని USDA యొక్క దక్షిణ మధ్య వ్యవసాయ పరిశోధన ప్రయోగశాలకు చెందిన పరిశోధకులు అనేక రకాల పుచ్చకాయలను 14 రోజుల పాటు పరీక్షించారు. వారు పుచ్చకాయలను 70-, 55-మరియు 41-డిగ్రీల ఫారెన్ హీట్ వద్ద నిల్వ చేశారు. తాజాగా ఎంచుకున్న పుచ్చకాయలో 70 డిగ్రీల ఫారెన్ హీట్ వద్ద ఉంచిన పుచ్చకాయల కంటే గణనీయంగా ఎక్కువ పోషకాలు ఉన్నాయని వారు కనుగొన్నారు.

పుచ్చకాయను శీతలీకరించడం వల్ల కలిగే నష్టాలు.. పుచ్చకాయను కోసిన తరువాత కూడా ఇది కొన్ని పోషకాలను ఉత్పత్తి చేస్తూనే ఉంటుంది. దానిని రిఫ్రిజిరేటర్ లో పెట్టడం వల్ల ఆ మొత్తం ప్రక్రియ నెమ్మదిస్తుంది లేదా పూర్తిగా ఆగిపోతుంది. వాస్తవానికి చల్లని ఉష్ణోగ్రతల వద్ద అవి ఒక వారంలోనే కుళ్లిపోవడం ప్రారంభిస్తాయి. అయితే ఈ పుచ్చకాయ సాధారణంగా 14 నుంచి 21 రోజుల వరకు నిల్వ ఉంటుంది.

అధ్యయనం ప్రకారం.. పుచ్చకాయలను గది ఉష్ణోగ్రతలోనే ఉంచాలి. ఇలా అయితేనే పుచ్చకాయలో పోషకాలు మన శరీరానికి అందుతాయని అధ్యయనం చెబుతోంది.  అంతేకాకుండా పుచ్చకాయను రాత్రిపూట ఎప్పుడూ తినకూడదని నిపుణులు చెబుతున్నారు. దీనిని ఎప్పుడూ పగటిపూట మాత్రమే తీసుకోవాలి. అలాగే దీనిని నీరు, పాలు, లస్సీ, శీతల పానీయాలు వంటి వాటిని తీసుకున్న తర్వాత అస్సలు తినకూడదని ఆరోగ్య నిపుణులు సూచిస్తున్నారు.