తరచుగా ఒత్తిడికి గురవుతున్నారా? అయితే ఈ ఎఫెక్టీవ్ చిట్కాలను ఫాలో అవ్వండి..

చాలా మంది ఎప్పుడూ చూసినా ఒత్తిడి, ఆందోళతో బాధపడుతుంటారు. పని, కుటుంబం, ఆరోగ్యం, ఆర్థిక సమస్యలు వంటి రోజువారీ కొన్ని పనులు వల్ల ఒత్తిడి స్థాయిలు బాగా పెరిగిపోతాయి. శారీరక, మానసిక ఆరోగ్యం బాగుండాలంటే జీవితంలో దీర్ఘకాలిక ఒత్తిడిని సాధ్యమైనంత వరకు తగ్గించాలి. నిరంతర ఒత్తిడి మీ ఆరోగ్యానికి అస్సలు మంచిది కాదు. ఎందుకంటే ఇది గుండె జబ్బులు, ఆందోళన రుగ్మతలు, నిరాశతో సహా ఎన్నో అనారోగ్యాలను అభివృద్ధి చేసే ప్రమాదాన్ని పెంచుతుంది. ఒత్తిడితో పోరాడటానికి సహాయపడే కొన్ని ప్రభావవంతమైన చిట్కాలు మీకోసం.. 
 

చురుకుగా ఉండండి

ఎలాంటి శారీరక వ్యాయామమైనా ఒత్తిడిని తగ్గించే సామర్థ్యాన్ని కలిగి ఉంటుంది. అథ్లెటిక్ లేదా మంచి శారీరక శ్రమ లేనివారికి వ్యాయామం ఒత్తిడిని తగ్గించడంలో ప్రభావవంతగా పనిచేస్తుందని నిపుణులు చెబుతున్నారు. వ్యాయామం మీ మానసిక స్థితిని మెరుగుపరిచే ఫీల్ గుడ్ ఎండార్ఫిన్లు, ఇతర సహజ న్యూరోట్రాన్స్మిటర్ల స్థాయిలను పెంచుతుంది. వ్యాయామం మీ శరీరం ఎలా కదులుతుందనే దానిపై మీ దృష్టిని కేంద్రీకరించడానికి కూడా సహాయపడుతుంది. ఇది మీ ఉత్సాహాన్ని పెంచుతుంది. అలాగే రోజువారి చికాకులు మర్చిపోవడానికి కూడా సహాయపడుతుంది. ఇందుకోసం నడక, పరుగు, హౌస్ క్లీనింగ్, బైకింగ్, స్విమ్మింగ్, వెయిట్ లిఫ్టింగ్ లేదా మరేదైనా మిమ్మల్ని కదిలించే శారీరక శ్రమ చేయండి. 
 

ధ్యానం చేయండి

ధ్యానం కూడా మీ ఒత్తిడిని తగ్గించడానికి సహాయపడుతుంది. ఇది చేసేటప్పుడు మీ దృష్టిని కేంద్రీకరిస్తారు. ఇది ఒత్తిడికి గురిచేసే ఆలోచనలను మళ్లిస్తుంది. ధ్యానం మీ భావోద్వేగ శ్రేయస్సును, మీ ఆరోగ్య పరిస్థితిని మెరుగుపరుస్తుంది. నడుస్తున్నప్పుడు, బస్సులో వెళ్తున్నప్పుడు, ఆఫీసులో పనిచేస్తున్నప్పుడు కూడా ధ్యానం చేయొచ్చు. దీనికోసం కొన్ని రకాల ధ్యానాన్ని అభ్యసించండి. లోతైన శ్వాసను ఎలాంటి ప్లేస్ లోనైనా ప్రయతించొచ్చు. 

సరైన ఆహారాన్ని తీసుకోండి

ఆరోగ్యకరమైన ఆహారానికి, ఒత్తిడి స్థాయిలకు నేరుగా సంబంధం కలిగి ఉంటుందని నిపుణులు చెబుతున్నారు. మనం ఒత్తిడికి గురైనప్పుడు సరిగ్గా తినరు. లేదా ఎక్కువగా తింటుంటారు. ముఖ్యంగా కొవ్వు, చక్కెర, ఉప్పు ఎక్కువగా ఉండే స్నాక్స్ నే ఎక్కువగా తింటుంటారు. చక్కెర స్నాక్స్ ను తినడం ఆరోగ్యానికి అస్సలు మంచిది కాదు. ఒత్తిడికి గురైనప్పుడు పండ్లు, కూరగాయలను తినండి. అలాగే ఒమేగా -3 కొవ్వు ఆమ్లాలు ఎక్కువగా ఉండే చేపలను తినండి. ఇవి ఒత్తిడి ప్రభావాలను తగ్గించడానికి సహాయపడతాయని అధ్యయనాలు చెబుతున్నాయి. ట్యూనా శాండ్విచ్ చేపలు మెదడుకు మంచిది.
 

గ్రీన్ టీ తాగండి

కెఫిన్ ను ఎక్కువగా తీసుకోవడం వల్ల రక్తపోటులో స్వల్ప పెరుగుదల ఉంటుంది. ఇది ఆరోగ్యానికి మంచిది కాదు. అందుకే కాఫీ , టీ లేదా ఎనర్జీ డ్రింక్స్ స్థానంలో గ్రీన్ టీని తాగండి. ఈ గ్రీన్ టీలో ఆరోగ్యకరమైన యాంటీఆక్సిడెంట్లు, థియనిన్ అనే అమైనో ఆమ్లం ఉంటుంది. ఇది నాడీ వ్యవస్థను శాంతపరుస్తుంది. మీరు ప్రశాంతంగా ఉండటానికి చమోమిలే టీ, జాస్మిన్ టీ, లావెండర్ టీ వంటి టీలను కూడా ప్రయత్నించొచ్చు.
 

యోగా చేయండి

అన్ని వయసుల వారికి ఒత్తిడిని తగ్గించేందుకు వ్యాయామం, యోగా బాగా సహాయపడతాయి. ఒత్తిడి నిర్వహణ, ఆందోళన, నిరాశ సంకేతాలను తగ్గించుకోవడానికి యోగా ఎంతగానో సహాయపడుతుందని ఎన్నో అధ్యయనాలు వెల్లడించాయి. ఇది మానసిక ఆరోగ్యాన్ని కూడా మెరుగుపరుస్తుంది. మానసిక రుగ్మతలతో బాధపడేవారిలో తక్కువగా ఉండే న్యూరోట్రాన్స్మిటర్ గామా అమైనోబ్యూటిరిక్ ఆమ్లం స్థాయిలను యోగా పెంచుతుందని తేలింది. అలాగే కార్టిసాల్, రక్తపోటు, హృదయ స్పందన రేటును కూడా యోగా తగ్గిస్తుంది.