కరోనా, మంకీపాక్స్, టమాటా ఫ్లూ కేసులు పెరుగుతున్నాయి.. ఆరోగ్యంగా ఉండాలంటే వీటిని తినాల్సిందే..!

కరోనా కేసుల సంఖ్య అంతకంతకూ పెరుగుతూనే ఉంది. ఇక ఈ వైరస్ వ్యాప్తి చెందకుండా నిరోధించడానికి ఆరోగ్య శాఖ ఎప్పటికప్పుడు సలహాలను, సూచనలను అందిస్తూనే ఉంది. ఇకపోతే ప్రస్తుతం ఒకవైపు కరోనా ఫోర్త్ వేవ్, మరోవైపు మంకీ పాక్స్, ఇంకోవైపు టమోటా ఫ్లూ లు ప్రజల కంటిమీద కునుకు లేకుండా చేస్తున్నాయి. పిల్లల నుంచి వృద్ధుల వరకు ప్రతి ఒక్కరూ వివిధ రాష్ట్రాల్లో బహుళ ఫ్లూ ల బారిన పడుతున్నారు. ఒకవైపు కరోనా కేసులతో పాటుగా టమాటా ఫ్లూ కేసుల సంఖ్య కూడా దారుణంగా పెరిగిపోతోంది. 

ఈ టమాటా ఫ్లూ బారిన ఐదు సంవత్సరాల కంటే తక్కువ వయసున్న పిల్లలే పడుతున్నారు. చేతులు, పాదాలపై దద్దుర్లు, బొబ్బలు. జ్వరం, చర్మ సంక్రమణ వంటి అనేక లక్షణాలు దీనిలో కనిపిస్తాయి. ఈ సమయంలో ప్రతి ఒక్కరూ ఎటువంటి వైరస్ ను నివారించడానికి చాలా జాగ్రత్తగా ఉండాలి. ఫ్లూ రాకుండా ఉండటానికి ఆహారంలో మార్పులు చేసుకోవాలి. వీటిని తింటే మీకు ఎలాంటి ఫ్లూ రాదు. ఇవి మిమ్మల్ని ఆరోగ్యంగా ఉంచుతాయి. అవేంటో ఇప్పుడు తెలుసుకుందాం.. 
 

వెజిటబుల్ సూప్

కూరగాయలు మన ఆరోగ్యానికి ఎన్నో విధాలా ఉపయోగపడతాయి. వీటిలో వివిధ రకాల విటమిన్లు, ప్రోటీన్లు, కాల్షియం వంటివి పుష్కలంగా ఉంటాయి. అస్వస్థతకు గురైన వ్యక్తికి క్రమం తప్పకుండా 1 గిన్నె ఉడకబెట్టిన కూరగాయలను తినిపించండి. అయితే ఇలాంటి సమయంలో నమిలి తినే ఓపిక ఉండదు. కాబట్టి అలాంటప్పుడు కూరగాయలను చిన్నగా కట్ చూసి సూప్ న చేసి ఇవ్వండి. 
 

చికెన్ సూప్

ఇలాంటి క్లిష్ట సమయంలో చికెన్ సూప్ కూడా మన ఆరోగ్యానికి ఎంతో మేలు చేస్తుంది. ఎందుకంటే మాంసంలో విటమిన్లు, ప్రోటీన్లు, జింక్ వంటి ఎన్నో పోషకాలుంటాయి. అయితే దీనిలో నూనె, మసాలా దినుసులు లేకుండా తీసుకుంటే బెటర్. ఇది మీ రోగ నిరోధక శక్తికి పెంచుతుంది. ఇది ఫ్లూ నుంచి త్వరగా బయటపడటానికి కూడా సహాయపడుతుంది. అయితే చికెన్ సూప్ ను ఎక్కువ తీసుకోవడం ఆరోగ్యానికి హానికరం. 

వెల్లుల్లి

వెల్లుల్లి మన ఆరోగ్యానికి ఎంతో సహాయపడుతుంది. ఇది రోగనిరోధక శక్తిని పెంచడానికి ఎంతో సహాయపడతుంది. నియమం ప్రకారం.. 1 కప్పు వెల్లుల్లిని తింటే ఎలాంటి రోగాలొచ్చే అవకాశమే ఉండదు. ఏదైనా వ్యాధి సోకినట్లైతే వెల్లులిని మీ రోజు వారి  ఆహారంలో చేర్చండి. ఇది మిమ్మల్ని త్వరగా కోలుకునేలా చేస్తుంది. 
 

పెరుగు

పెరుగు ప్రోబయోటిక్స్ కు మంచి మూలం. ఇది రోగ నిరోధక వ్యవస్థను బలంగా చేయడానికి సహాయపడుతుంది. అనారోగ్యానికి గురికాకూడదనుకునే వారు పెరుగుకు క్రమం తప్పకుండా తినాలి. ఇది మీ శరీరాన్ని ఆరోగ్యంగా ఉంచుతుంది.
 

విటమిన్ సి ఫ్రూట్స్

సిట్రస్ ఫ్రూట్స్ లో విటమిన్ సి ఎక్కువగా ఉంటుంది. విటమిన్ సి పండ్లను తినడం వల్ల మీ రోగ నిరోధక శక్తి పెరుగుతుంది. అలాగే మిమ్మల్ని ఆరోగ్యంగా కూడా ఉంచుతుంది. విటమిన్ సి ఎక్కువగా ఉండే పండ్లను తినడం వల్ల శరీరంలో వివిధ పోషకాల లోపం పోతుంది. ఆరోగ్య నిపుణుల అభిప్రాయం ప్రకారం.. రోజూ ఒక హెల్తీ ఫ్రూట్ ను తినడం వల్ల ఎలాంటి రోగాలు రావు.
 

బచ్చలి కూర

బచ్చలి కూరతో పాటుగా ఇతర ఆకుపచ్చ కూరగాయల్లో ఎన్నో పోషకాలుంటాయి. వీటిని ప్రతిరోజూ తినడం వల్ల మన శరీరానికి కావాల్సిన విటమిన్ ఎ, విటమిన్  సి, విటమిన్ ఇ, విటమిన్ కె వంటి పోషకాలు అందుతాయి. ఇవి రోగ నిరోధక శక్తిని పెంచుతాయి. వీటిని మసాలాలు లేకుండా తక్కువ నూనెతో వంటి తింటే మంచి ప్రయోజనం ఉంటుంది. ఉడకబెట్టి తిన్నా.. ఎన్నో బెనిఫిట్స్ ఉంటాయి.