Shaving: షేవింగ్ చేస్తే ముఖంపై జుట్టు మరింత ఒత్తుగా, మందంగా పెరుగుతుందా?

Shaving: ముఖంపై వెంట్రుకలు తొలగించడానికి షేవింగ్ చేస్తున్నారా? షేవింగ్ చేస్తే.. జుట్టు ఒత్తుగా పెరిగిపోతుందేమో అని భయపడుతున్నారా? అసలు నిజమేంటి? అసలు షేవింగ్ చేయచ్చా? చేయకూడదా?

Image Credit : Freepik

ముఖంపై వెంట్రుకలు ఎలా తొలగించాలి?

ఈ రోజుల్లో చాలా మంది అమ్మాయిలు ఎదుర్కొంటున్న సమస్యల్లో ఫేషియల్ హెయిర్ ఒకటి. ఆ హెయిర్ ని తొలగించడానికి చాలా మంది చాలా ప్రయత్నాలు చేస్తూ ఉంటారు. ముఖంపై ఉన్న అవాంఛిత రోమాలను తొలగించుకోవడానికి షేవింగ్ (Facial Shaving) చేసుకుంటే జుట్టు మునుపటి కంటే చాలా మందంగా, నల్లగా , ఒత్తుగా పెరుగుతుందని చాలామంది నమ్ముతారు. అయితే, ఇందులో నిజమెంత? సైన్స్ దీని గురించి ఏం చెబుతోంది? వివరంగా తెలుసుకుందాం.

Image Credit : Getty

అసలు నిజం ఏమిటి?

సాధారణంగా షేవింగ్ చేయడం వల్ల జుట్టు వేగంగా పెరగదు, అలాగని మందంగా లేదా ఒత్తుగా కూడా మారదు. ఇది కేవలం ఒక భ్రమ మాత్రమే.

రేజర్ ఉపయోగించి షేవ్ చేసినప్పుడు, అది చర్మం ఉపరితలం పైన ఉన్న జుట్టును మాత్రమే కట్ చేస్తుంది. వెంట్రుక చివర భాగం సహజంగా సన్నగా, కోలగా ఉంటుంది. కానీ రేజర్ కట్ చేసినప్పుడు ఆ చివర భాగం చతురస్రాకారంలో మొండిగా మారుతుంది.

ఆ తర్వాత జుట్టు తిరిగి పెరుగుతున్నప్పుడు, ఆ మొండి చివరల వల్ల చూడటానికి , తాకడానికి జుట్టు కాస్త మందంగా, గరుకుగా ఉన్నట్లు అనిపిస్తుంది. అంతేకానీ, షేవింగ్ వల్ల జుట్టు వేగంగా పెరగదు.

జుట్టు మందంగా ఎప్పుడు పెరుగుతుంది?

జీన్స్ (Genetics): మీ వంశపారంపర్యంగా వచ్చే జన్యువులు.

హార్మోన్లు (Hormones): శరీరంలో ఉండే హార్మోన్ల హెచ్చుతగ్గులు.

ఈ రెండింటిని షేవింగ్ ఏమాత్రం మార్చలేదు. చర్మం లోపల ఉన్న హెయిర్ ఫోలికల్స్‌ను రేజర్ తాకదు కాబట్టి, జుట్టు అసలు స్వభావం ఎప్పటికీ మారదు.

Image Credit : Getty

ఫేషియల్ షేవింగ్ చేసుకునేటప్పుడు పాటించాల్సిన జాగ్రత్తలు:

షేవింగ్ వల్ల జుట్టు ఒత్తుగా పెరగకపోయినా, చర్మం పాడవకుండా ఉండటానికి ఈ క్రింది జాగ్రత్తలు తీసుకోవడం అవసరం:

క్లీన్ రేజర్ వాడటం: ముఖం కోసం ప్రత్యేకంగా రూపొందించిన ఫేషియల్ రేజర్‌లను మాత్రమే వాడాలి. అది పరిశుభ్రంగా ఉందో లేదో చూసుకోవాలి.

షావింగ్ జెల్ లేదా అలోవెరా: డ్రై షేవింగ్ (పొడి చర్మంపై షేవ్ చేయడం) వల్ల కట్స్ పడే ప్రమాదం ఉంది. కాబట్టి కలబంద జెల్ లేదా మాయిశ్చరైజర్ రాసి షేవ్ చేయాలి.

సరైన దిశ: జుట్టు పెరుగుతున్న దిశలోనే సున్నితంగా షేవ్ చేయాలి.

ఆఫ్టర్ షేర్ కేర్: షేవింగ్ పూర్తయిన తర్వాత చర్మానికి మంచి మాయిశ్చరైజర్ రాసి హైడ్రేట్ చేయాలి.