పిల్లలు తినడానికి ఏడిపిస్తున్నారా? లేక ఎక్కువగా తినేస్తున్నారా? అయితే ఈ రాశి వారే అయుంటారు...

కొంతమంది పిల్లలు ఏం పెట్టినా ప్లేటు మొత్తం శుభ్రంగా ఖాళీ చేసేస్తారు. మరికొంతమంది విపరీతంగా సతాయిస్తారు. జంక్ ఫుడ్ ఇష్టపడతారు. తింటూనే ఉంటారు... ఇలా పిల్లల ఫుడ్ హాబిట్స్ రకరకాలుగా ఉంటాయి. దీనికి కారణం వారి రాశులే.. 

మేషరాశి : వీరు గబగబా తినేస్తారు. తొందరగా ముగించడానికి ఇష్టపడతారు. బాక్సులో పెట్టింది, కంచంలో పెట్టింది వదిలిపెట్టరు. పూర్తిగా తినేస్తారు. ఆహారాన్ని వృధా చేయడం వీరికి ఇష్టం ఉండదు. 

వృషభరాశి : ఈ రాశి పిల్లలు ఎప్పుడూ తింటూనే ఉంటారు. ఏదైనా సరే తినడంఇష్టం. అందుకే ఒబేసిటి అవకాశాలు ఎక్కువగా కనిపిస్తాయి. తినేటప్పుడు వారిని ఎవరైనా డిస్ట్రబ్ చేయడం, మాట్లాడించడం ఇష్టముండదు.

మిధునరాశి : ఈ రాశి పిల్లలు శరీరానికి అవసరమైందే తింటున్నామా అనేది పెద్దగా పట్టించుకోరు. కాకపోతే రుచిగా ఉందా? లేదా? అనేది చూసుకుంటారు. తినేప్పుడు మంచి కంపెనీ కోరుకుంటారు. 

కర్కాటకరాశి : ఆహారం విషయంలో చాలా సెలెక్టివ్ గా ఉంటారు. ఎమోషనల్ గా కూడా ఉంటారు. దీనివల్ల ఒక్కోసారి ఎక్కువగా తినేస్తుంటారు. 

Leo Zodiac

సింహరాశి : మంచి ఆకలి వీరి సొంతం. కొత్తకొత్త రుచులు ప్రయత్నించడం వీరికి ఇష్టం. ఆహారానికి సంబంధించిన సంభాషణ ఇష్టపడతారు. అయితే, కూరగాయలు, పండ్లు వీరికి పెద్దగా ఇష్టం ఉండవు. 

కన్యారాశి : చిన్నపిల్లలైనా ఈ రాశివారిలో ఆరోగ్యం గురించి చాలా శ్రద్ధ ఉంటుంది. అందుకే అనారోగ్యకరమైన ఆహారం, అనవసరపు ఆహారాల జోలికి వెళ్లరు. ఇంట్లో తయారు చేసిన ఆహారాన్నే తీసుకుంటారు. ఎప్పుడైనా ఫంక్షన్లు, పెళ్లిళ్లలో మాత్రం అన్నీ తినేస్తారు. 

తులారాశి : వీరికి స్వీట్లంటే చాలా ఇష్టం. ఫ్యాన్సీ ఐటమ్స్ ను ఇష్టపడతారు. వీటివల్ల ఆరోగ్యం పాడవుతుందన్నా పట్టించుకోరు. 

వృశ్చికరాశి : వీరు పులుపు, మసాలా, కారాలను బాగా ఇష్టపడతారు. దీనివల్ల జీర్ణవ్యవస్థను ఇబ్బంది పెడతారు. అందుకే, త్వరగా డీహైడ్రేట్ కాకుండా చూసుకోవడం అవసరం.

ధనుస్సురాశి : ఈ రాశి పిల్లలు రకరకాల ఆహారాలను రుచి చూడడానికి బాగా ఇష్టపడతారు. ప్రయోగాలు చేస్తారు. దీనివల్ల కొన్ని సార్లు అతిగా తినేస్తారు కూడా. 

మకరరాశి : తిండి విషయంలో చాలా క్రమశిక్షణతో ఉండేది ఈ రాశి పిల్లలే. తమ ఆహారం విషయంలో చాలా పర్టిక్యులర్ గా ఉంటారు. ఇంట్లో వండిన ఆహారాన్నే ఇష్టపడతారు. జంక్ ఫుడ్ ఆలోచనే వీరికి రాదు. 

Aquarius

కుంభరాశి : వీరికి పెద్దగా పట్టింపులు, రొటీన్లు ఉండవు.. ఎప్పుడు ఆకలైతే అప్పుడు... ఏదైనా తినేస్తారు. లేట్ నైట్.. బింజ్ ఈటింగ్ కూడా ఎక్కువగా ఉంటుంది. దీనివల్ల ఆరోగ్య సమస్యలు వచ్చే ప్రమాదం ఉంది. 

Pisces Zodiac

మీనరాశి : వీరు పుడీలు. ఆహారాన్ని బాగా ఇష్టపడతారు. మనసుకు నచ్చింది తినేస్తారు. వీరితో స్నేహం, ప్రేమ, అనుబంధం పెంచుకోవాలంటే ఆహారమే బెస్ట్ రూట్. తమకిష్టమైన ఆహారం చూస్తే బాగా కంఫర్ట్ గా ఉంటారు.