లాటరీ లేకుండా H1B వీసా పొందే అవకాశం.. కొత్తగా ప్రవేశపెట్టిన O1 వీసా మార్గం ఏమిటి?
యుఎస్ ఉద్యోగాలకు H1B లాటరీ అవసరం లేకుండా అవకాశమిచ్చే O1 వీసా మార్గం ఇప్పుడు చర్చలో ఉంది. ఇది ఎలా పనిచేస్తుందో తెలుసుకోండి.
H1B వీసా
అమెరికాలో ఉద్యోగం చేయాలనుకునే భారతీయుల్లో H1B వీసా అత్యంత ప్రాచుర్యం పొందిన వీసా విధానం. అయితే, ప్రతి ఏడాది లక్షల సంఖ్యలో దరఖాస్తులు వచ్చినా, పరిమితంగా మాత్రమే వీసాలు మంజూరవుతుండటంతో లాటరీ ఆధారిత ఈ వ్యవస్థ ఎంతో మందికి నిరాశ కలిగిస్తోంది. అటువంటి సమయంలో, తాజాగా ప్రత్యామ్నాయ మార్గంగా O1 వీసా ఎంతో ప్రాధాన్యత పొందుతోంది.
O1 వీసా అంటే ఏమిటి?
O1 వీసా అంటే సాధారణ వీసా కాదు. ఇది అత్యున్నత ప్రతిభ కలిగిన వ్యక్తులకే అమెరికా ప్రభుత్వం మంజూరు చేసే ప్రత్యేక వీసా. సైన్స్, టెక్నాలజీ, బిజినెస్, ఎడ్యుకేషన్, ఆర్ట్స్, సినిమా, అథ్లెటిక్స్ వంటి రంగాల్లో అసాధారణ ప్రతిభ కనబర్చినవారికి ఇది వర్తిస్తుంది.
O1 వీసా రకాలు:
O1A వీసా: సైన్స్, ఎడ్యుకేషన్, బిజినెస్, అథ్లెటిక్స్ రంగాల్లో ప్రతిభ ఉన్నవారికి.
O1B వీసా: ఆర్ట్స్, సినిమా, టెలివిజన్ రంగాల్లో సృజనాత్మకత కనబర్చినవారికి.
O1 వీసాలో ప్రత్యేకతలు:
H1B లాంటి లాటరీ అవసరం లేదు.
ఏ సంవత్సరానికైనా కోటా పరిమితులు ఉండవు.
ప్రత్యక్షంగా వీసాకు అర్హత చూపించి దరఖాస్తు చేయవచ్చు.
టెక్ కంపెనీలు, స్టార్ట్ప్స్ O1 వీసాను ఎక్కువగా ఉపయోగించేస్తున్నాయి.
అర్హత కోసం అవసరమైనవి:
జాతీయ/అంతర్జాతీయ అవార్డులు.
ప్రముఖ జర్నల్స్ లేదా మీడియాల్లో ప్రచురిత రచనలు.
ఇతర నిపుణుల రికమెండేషన్ లేఖలు.
కంపెనీ ద్వారా దరఖాస్తు చేస్తున్నట్లయితే, నిధులు, ప్రాజెక్ట్లో అభ్యర్థి పాత్రపై స్పష్టత అవసరం.
దరఖాస్తు ప్రక్రియ:
USCIS (United States Citizenship and Immigration Services) కు కంపెనీ లేదా స్పాన్సర్ దరఖాస్తు చేయాలి.
అవసరమైన డాక్యుమెంట్లు, ఫీజులు సమర్పించాలి.
పరిశీలన అనంతరం మాత్రమే వీసా మంజూరవుతుంది.
పొడిగింపు అవకాశాలు:
మొదట మూడేళ్లకు వీసా మంజూరు అవుతుంది.
ప్రాజెక్ట్ కొనసాగుతున్నంతకాలం సంవత్సరానికి ఒకసారి పొడిగించుకోవచ్చు.
వ్యయభారం:
దరఖాస్తు ఫీజులు, అటార్నీ ఛార్జీలు కంపెనీ లేదా అభ్యర్థి భరించాలి.
ఖర్చు ఎక్కువైనా, లాటరీ లేకుండా ఉద్యోగం లభించడమే ప్రధాన లాభం.
అమెరికాలో ఉద్యోగం
అత్యున్నత ప్రతిభ ఉన్నవారికి ఇప్పుడు O1 వీసా ద్వారా అమెరికాలో ఉద్యోగం సాధ్యమవుతోంది. H1B లాటరీలో ఎంపిక కాకపోయినా, అర్హతను నిరూపించగలిగితే, ఈ వీసా ఒక విలువైన ప్రత్యామ్నాయ మార్గంగా మారుతోంది. ముఖ్యంగా టెక్నాలజీ, డేటా సైన్స్, ఎడ్యుకేషన్ రంగాల్లో ఉన్న అభ్యర్థులకు ఇది మంచి అవకాశమని పరిశీలకులు భావిస్తున్నారు.