రాత్రి పడుకునే ముందు ఇలా చేస్తే.. చర్మం ఎంత మృదువుగా మారుతుందో తెలుసా?

సాధారణంగా చలికాలంలో చర్మ సమస్యలు ఎక్కువగా వస్తుంటాయి. కాళ్లు, చేతులు పొడిబారడం, పెదాలు, పాదాలు పగలడం సహజం. చర్మం పొడిబారటం వల్ల దురద కూడా పెడుతుంది. అయితే, ఇలాంటి చర్మ సమస్యలను సహజంగా ఎలా తగ్గించుకోవాలో ఇప్పుడు చూద్దాం.

చలికాలం చాలా మందికి ఇష్టమైన సీజన్. అయితే ఈ సీజన్ లోనే మనకు ఎక్కువగా చర్మ సమస్యలు ఎదురవుతుంటాయి. ముఖ్యంగా చర్మం పొడిబారడం. చల్లని గాలి వల్ల చేతులు, కాళ్ళలోని సహజ నూనెలు తగ్గి, పొడిబారి, దురద, పగుళ్లు వస్తుంటాయి.

కృత్రిమ క్రీములు వద్దు

చలికాలంలో చేతులు, కాళ్ళను సంరక్షించుకోవడం చాలా ముఖ్యం. కృత్రిమ క్రీములకు బదులుగా.. ఇంట్లో దొరికే సహజసిద్ధమైన పదార్థాలతో చేతులు, కాళ్ళు పొడిబారకుండా మృదువుగా ఉండేలా చేసుకోవచ్చు.

కొబ్బరి నూనెతో ఇలా

కొబ్బరి నూనె:
రోజూ రాత్రి పడుకునే ముందు చేతులు, కాళ్ళకు కొబ్బరి నూనె రాసుకుంటే, చర్మం పొడిబారడం తగ్గుతుంది.

ఆలివ్ ఆయిల్:
చలికాలంలో రోజూ రాత్రి పడుకునే ముందు చేతులు, కాళ్ళకు ఆలివ్ ఆయిల్ రాసుకుంటే, చర్మానికి తగినంత తేమ లభించి.. చేతులు, కాళ్ళు పొడిబారవు.

20 నిమిషాలు ఇలా చేయండి

ఆలివ్ ఆయిల్ & తేనె:
ఆలివ్ ఆయిల్‌తో కొద్దిగా తేనె, పంచదార కలిపి చేతులు, కాళ్ళకు రాసుకుంటే, చర్మంలోని చనిపోయిన కణాలు తొలగిపోతాయి. దీంతో చర్మానికి తగినంత తేమ లభించి కాంతివంతంగా కనిపిస్తుంది.

పెరుగు:
పెరుగు మంచి మాయిశ్చరైజర్ కాబట్టి, చలికాలంలో రోజూ చేతులు, కాళ్ళకు పెరుగు రాసుకుని 20 నిమిషాలు మసాజ్ చేసి, ఆ తర్వాత కడిగేయాలి. ఇది చర్మానికి తేమను అందిస్తుంది.

మృతకణాలు తొలగించండిలా..

పాలు:
చలికాలంలో రోజూ పాలతో చేతులు, కాళ్ళను కడిగి, కొద్దిసేపు అలాగే ఉండనివ్వాలి. ఆ తర్వాత చల్లటి నీటితో కడిగేస్తే, చర్మంలోని చనిపోయిన కణాలు తొలగిపోతాయి.

ఓట్స్:
ఓట్స్ పొడి చేసి, దానికి కొద్దిగా పాలు కలిపి చేతులు, కాళ్ళకు రాసుకుని, కొద్దిసేపు మసాజ్ చేసుకోవాలి. 20 నిమిషాల తర్వాత కడిగేస్తే చాలు మృతకణాలు తొలగిపోతాయి.