మూత్రాశయ క్యాన్సర్ ను ఎలా గుర్తించాలి?

మూత్రాశయ క్యాన్సర్ పురుషులకు ఎక్కువగా వచ్చే క్యాన్సర్లలో ఒకటి. ముఖ్యంగా ఈ రకమైన క్యాన్సర్ వృద్ధ పురుషులకు ఎక్కువగా వస్తుంది. ఆల్కహాల్, స్మోకింగ్ లు ఈ క్యాన్సర్ వచ్చే ప్రమాదాన్ని బాగా పెంచుతాయని నిపుణులు అంటున్నారు. అలాగే దీర్ఘకాలిక యూరినరీ ట్రాక్ట్ ఇన్ఫెక్షన్లు, రసాయనాలకు గురికావడం, వంశపారంపర్య కారకాలు, కొన్ని రకాల మందుల వాడకం వల్ల కూడా ఈ క్యాన్సర్ వచ్చే ప్రమాదం ఉంది. 

మూత్రాశయ క్యాన్సర్ లక్షణాలు 

మూత్రాశయ క్యాన్సర్ లక్షణాలు మూత్రంతో సంబంధాన్ని కలిగి ఉంటాయని నిపుణులు చెబుతున్నారు. అంటే ఈ క్యాన్సర్ వల్ల తరచూ మూత్ర విసర్జన చేయడం, మూత్ర విసర్జన చేయాలనిపిస్తే దాన్ని కంట్రోల్ చేసుకోలేకపోవడం, మూత్రంలో రక్తం కనిపించడం, మూత్రం ఎరుపు రంగులో కనిపించడం, లేదా ముదురు ఎరుపు, గోధుమ రంగుల్లో మూత్రం రావడం ఉంటాయి. 
 

అలాగే మూత్ర విసర్జన చేసేటప్పుడు బాగా నొప్పి కలుగుతుంది. అలాగే రాత్రిపూట ఎక్కువసార్లు మూత్ర విసర్జన చేయాలని అనిపించడం, మూత్ర విసర్జన చేసేటప్పుడు స్మోకింగ్ చేయడం వంటివి కూడా మూత్రాశయ క్యాన్సర్ వల్ల కలిగే కొన్ని లక్షణాలు.

అలాగే పొత్తికడుపు, మధ్య భాగంలో నొప్పి కలుగుతుంది. అలాగే ఆకలి ఉండదు. శరీరం నొప్పులు ఉంటుంది. బాగా అలసటకు గురవుతారు. ఏమీ చేయకున్నా అకస్మాత్తుగా బరువు తగ్గుతారు. అనవసరమైన అలసట అంటే ఏ పనిచేయకున్నా అలసిపోవడం కూడా మూత్రాశయం లక్షణాలే కావొచ్చంటున్నారు నిపుణులు. మీలో గనుక ఈ లక్షణాలను గమనించినట్టైతే మీకు మీరే క్యాన్సర్ వచ్చిందని నిర్దారించుకోకుండా హాస్పటల్ కు వెళ్లి చెకప్ లు చేయించుకోండి. ఆ తర్వాతే నిర్దారించుకోండి.