అందం రెట్టింపు అవ్వాలా.. అయితే ఈ చెర్రీస్ వాడండి.. కాంతివంతమైన చర్మం మీ సొంతం?

చెర్రీస్ ను మీ చర్మ సౌందర్యం కోసం ఉపయోగిస్తే మంచి ఫలితాలను పొందవచ్చునని సౌందర్య నిపుణులు అంటున్నారు... 

చెర్రీస్ (Cherries) లో ఉండే గుణాలు చర్మ సమస్యలను నివారించి చర్మ సౌందర్యాన్ని (Skin beauty) మరింత రెట్టింపు చేస్తాయి. మరి ఇంకెందుకు ఇప్పుడు మనం ఆలస్యం చర్మసౌందర్యం కోసం చెర్రీస్ ను ఏవిధంగా ఉపయోగించాలో తెలుసుకుందాం..

చెర్రీస్ ఆరోగ్యానికి ఎన్నో విధాలుగా మంచిదని మనకు తెలుసు. అయితే చెర్రీస్ గుజ్జు అందానికి ప్రయోజనకారి (Beneficial to beauty) అని మీకు తెలుసా.. చెర్రీ పండులో విటమిన్ ఎ, విటమిన్ సి లతో పాటు జింక్,  ఇనుము, పొటాషియం, రాగి, మాంగనీస్ మొదలైన ఇతర పోషకాలు (Nutrients) మెండుగా ఉంటాయి. ఇవి మొటిమలు, మచ్చలు, నల్లటి వలయాలను తగ్గించి చర్మాన్ని తేమగా ఉంచుతాయి.

అంతేకాకుండా చర్మ కణాలలో పేరుకుపోయిన మృతకణాలను (Dead cells) తొలగిస్తాయి. అలాగే దెబ్బతిన్న చర్మానికి ఉపశమనాన్ని కలిగిస్తాయి. దీంతో చర్మ ఆరోగ్యం (Skin health) మెరుగుపడి చర్మ సౌందర్యం మరింత రెట్టింపు అవుతుంది. కనుక చర్మ సౌందర్యం కోసం చెర్రీస్ ను ఉపయోగిస్తే మంచి ఫలితాలను పొందవచ్చును.

చెర్రీస్ గుజ్జు, తేనె: ఒక కప్పులో చెర్రీస్ గుజ్జు (Cherries pulp), రెండు టేబుల్ స్పూన్ ల తేనె (Honey) వేసి బాగా కలుపుకోవాలి. ఇప్పుడు ఈ మిశ్రమాన్ని ముఖానికి అప్లై చేసుకుని ఇరవై నిమిషాల తరువాత గోరువెచ్చని నీటితో శుభ్రపరుచుకోవాలి. ఇలా తరచూ చేస్తే ముఖంపైన ఏర్పడ్డ డార్క్ స్పాట్స్  తొలగిపోతాయి. దీంతో చర్మానికి మంచి నిగారింపును అందుతుంది. 

చెర్రీస్ గుజ్జు, పెరుగు, పంచదార: ఒక కప్పులో కొద్దిగా చెర్రీస్ గుజ్జు (Cherries pulp), మూడు టేబుల్ స్పూన్ ల పెరుగు (Yogurt), కొద్దిగా పంచదార (Sugar) వేసి బాగా కలుపుకోవాలి. ఇప్పుడు ఈ మిశ్రమాన్ని ముఖానికి అప్లై చేసుకుని అరగంట తరువాత గోరువెచ్చని నీటితో శుభ్రపరుచుకోవాలి. ఈ మిశ్రమం ముఖానికి మంచి స్క్రబ్ గా సహాయపడి చర్మాన్ని ప్రకాశవంతంగా మారుస్తుంది.

చెర్రీస్ గుజ్జు, స్ట్రాబెర్రీలు రోజ్ వాటర్: ఒక కప్పులో కొద్దిగా చెర్రీస్ గుజ్జు (Cherries pulp), కొద్దిగా స్ట్రాబెర్రీ గుజ్జు (Strawberry pulp), రోజ్ వాటర్ (Rose water) ను తీసుకుని బాగా కలుపుకోవాలి. ఇప్పుడు ఈ మిశ్రమాన్ని ముఖం, మెడకు అప్లై చేసుకుని పదిహేను నిమిషాల తరువాత గోరు వెచ్చటి నీటితో శుభ్రపరుచుకోవాలి. ఇలా తరచూ అప్లై చేసుకుంటే చర్మం తాజాగా ఉండి యవ్వనంగా కనిపిస్తారు.

చెర్రీస్ గుజ్జు, నిమ్మరసం, తేనె: ఒక కప్పులో కొద్దిగా చెర్రీస్ గుజ్జు (Cherries pulp), సగం స్పూన్ నిమ్మరసం (Lemon juice), ఒక టేబుల్ స్పూన్ తేనె (Honey) వేసి బాగా కలుపుకోవాలి. ఇప్పుడు ఈ మిశ్రమాన్ని ముఖానికి అప్లై చేసుకుని అరగంట తరువాత గోరువెచ్చని నీటితో శుభ్రపరుచుకోవాలి. ఇలా తరచూ చేస్తే మొటిమలు, మచ్చలు, నల్లటి వలయాలు తొలగిపోతాయి.