బక్కగా ఉండే వారికి కూడా చెడు కొలెస్ట్రాల్ ఉంటుందా?
చెడు కొలెస్ట్రాల్ గురించి ఎన్నో అపోహలు ఉన్నాయి. చాలా మంది బక్కగా ఉన్నవారికి చెడు కొలెస్ట్రాల్ ఉండదని భావిస్తుంటారు. మరి దీనిలో నిజమెంతంటే?
అధిక కొలెస్ట్రాల్ అనేది ఏ వయసు వారినైనా ప్రభావితం చేసే ఆరోగ్య సమస్య. ఇప్పటికే మీ ఒంట్లో కొలెస్ట్రాల్ ఎక్కువగా ఉంటే రెడ్ మీట్, కొవ్వు పాల ఉత్పత్తులు, వేయించిన ఆహారాలు, ప్రాసెస్ చేసిన స్నాక్స్, తీపి పదార్థాలకు దూరంగా ఉండాలి. ఆహారం విషయంలో జాగ్రత్తలు తీసుకుంటే కొలెస్ట్రాల్ స్థాయిలను కంట్రోల్ చేసుకోవచ్చు.
అధిక కొలెస్ట్రాల్ అంటే?
అధిక కొలెస్ట్రాల్ నే హైపర్ కొలెస్టెరోలేమియా అంటారు. అంటే రక్తంలో కొలెస్ట్రాల్ స్థాయిలు పెరగడమని అర్థం. కొలెస్ట్రాల్ అనేది కొవ్వు లాంటి పదార్థం. ఇది కొన్ని ఆహారాల్లో ఉంటుంది. అలాగే ఇది మన కాలేయం ద్వారా కూడా ఉత్పత్తి అవుతుంది. మన శరీర పనితీరుకు ఇది చాలా అవసరం. ఎందుకంటే ఇది హార్మోన్లు, విటమిన్ డి ఉత్పత్తికి, కణ త్వచాల నిర్మాణానికి సహాయపడుతుంది.
cholesterol
మన శరీరంలో రెండు రకాల కొలెస్ట్రాల్ ఉంటుంది. ఒకటి తక్కువ సాంద్రత కలిగిన లిపోప్రొటీన్ (ఎల్డిఎల్). దీన్నే చెడు కొలెస్ట్రాల్ . రెండోది అధిక సాంద్రత కలిగిన లిపోప్రొటీన్ (హెచ్డిఎల్). ఇది మంచి కొలెస్ట్రాల్. రక్త ప్రవాహంలో ఎల్డిఎల్ ఎక్కువగా ఉన్నప్పుడు ధమనుల గోడలపై ఇది ఫలకాలను ఏర్పరుస్తుంది. ఇది ఆరోగ్యానికి మంచిది కాదు. ఎందుకంటే దీనివల్ల ధమనులు ఇరుగ్గా మారుతాయి. అంతేకాదు దీనివల్ల రక్త ప్రవాహం తగ్గుతుంది. ఈ ఫలకం చీలిపోతే అది రక్తం గడ్డకట్టడానికి దారితీస్తుంది. ఇది రక్త ప్రవాహాన్ని పూర్తిగా నిరోధిస్తుంది. దీంతో గుండెపోటు, స్ట్రోక్ వస్తుంది.
bad cholesterol
అధిక కొలెస్ట్రాల్ సంకేతాలు
ఛాతీ నొప్పి
శ్వాస తీసుకోవడంలో ఇబ్బంది
గుండెపోటు
స్ట్రోక్
అధిక కొలెస్ట్రాల్ గురించి అపోహలు, వాస్తవాలు
అధిక కొలెస్ట్రాల్ అధిక బరువున్న వారిలోనే ఉంటుందని చాలా మంది అంటుంటారు. బక్కగా ఉన్నవారు అధిక కొలెస్ట్రాల్ గురించి ఆందోళన చెందాల్సిన అవసరం లేదని భావిస్తుంటారు. కొలెస్ట్రాల్ స్థాయిలు శరీర బరువు ద్వారా మాత్రమే నిర్ణయించబడవని నిపుణులు చెబుతున్నారు. కాబట్టి ఇదొక అపోహ మాత్రమే. బక్కగా ఉన్న వారు అనారోగ్యకరమైన ఆహారాన్ని తినడం, శారీరక శ్రమ లేకపోవడం లేదా అధిక బరువు కుటుంబ చరిత్రను కలిగి ఉంటే అధిక కొలెస్ట్రాల్ ను ఖచ్చితంగా కలిగి ఉంటారు.
cholesterol
అపోహ 1: వృద్ధులకు మాత్రమే అధిక కొలెస్ట్రాల్ ఉంటుంది
వాస్తవం: అధిక కొలెస్ట్రాల్ ప్రమాదం వయస్సుతో పాటుగా పెరుగుతుంది. ఇది పిల్లలతో సహా అన్ని వయస్సుల వారిని ప్రభావితం చేస్తుంది. పేలవమైన జీవనశైలి అలవాట్లు, కొన్ని అనారోగ్య సమస్యలు ఏ వయసులోనైనా అధిక కొలెస్ట్రాల్ కు దారితీస్తాయి.
cholesterol
అపోహ 2: అధిక కొలెస్ట్రాల్ ఆహారాన్ని తినడం వల్లే వస్తుంది
వాస్తవం: సంతృప్త, ట్రాన్స్ ఫ్యాట్స్ ఉన్న కొన్ని ఆహారాలు కొలెస్ట్రాల్ స్థాయిలను పెంచినప్పటికీ.. అధిక కొలెస్ట్రాల్ కు ప్రధాన కారణం శరీరం స్వంత కొలెస్ట్రాల్ ను ఉత్పత్తి చేస్తుంది. చాలా మందికి ఆహార కొలెస్ట్రాల్ రక్తంలో కొలెస్ట్రాల్ స్థాయిలపై తక్కువ ప్రభావాన్ని చూపుతుంది.
cholesterol
అపోహ 3: క్రమం తప్పకుండా వ్యాయామం చేస్తే చెడు కొలెస్ట్రాల్ రాదు
వాస్తవం: క్రమం తప్పకుండా వ్యాయామం చేస్తే హెచ్డిఎల్ కొలెస్ట్రాల్ పెరుగుతుంది. అలాగే మొత్తం హృదయ ఆరోగ్యం మెరుగుపడుతుంది. అయినప్పటికీ అధిక కొలెస్ట్రాల్ స్థాయిలను నియంత్రించడానికి వ్యాయామం మాత్రమే సరిపోదు. ఆహారం, ఇతర జీవనశైలి కారకాలు కూడా దీనికి చాలా అవసరం.
High Cholesterol
అపోహ 4: అధిక కొలెస్ట్రాల్ గుండె ఆరోగ్యానికి మాత్రమే ప్రమాద కారకం
వాస్తవం: అధిక కొలెస్ట్రాల్ గుండె జబ్బులకు ప్రధాన ప్రమాద కారకం. కానీ ఇది శరీరమంతా ఇతర రక్త నాళాలను కూడా ప్రభావితం చేస్తుంది. ఇది స్ట్రోక్, పెరిఫెరల్ ఆర్టరీ డిసీజ్, అయోర్టిక్ అనూరిజం ప్రమాదాన్ని పెంచుతుంది.
High Cholesterol
అపోహ 6: పురుషులు మాత్రమే అధిక కొలెస్ట్రాల్ ఉంటుంది
వాస్తవం: పురుషులు, మహిళలు ఇద్దరూ అధిక కొలెస్ట్రాల్ కు గురయ్యే ప్రమాదం ఉంది. నిజానికి రుతువిరతి తర్వాత మహిళల్లో ఎల్డిఎల్ స్థాయిలు పెరుగుతాయి.