మొలల సమస్యలను శాశ్వతంగా తగ్గించే సూపర్ హెల్త్ టిప్స్..!

మొలల సమస్యలు తలెత్తడానికి ముఖ్య కారణం మారుతున్న జీవనశైలిలో మార్పులు, ఆహారపు అలవాట్లు, ఇతర అనారోగ్య సమస్యలు. అయితే ప్రస్తుత కాలంలో ఈ సమస్య అందరిలో సర్వసాధారణం అయ్యింది. 

ఈ సమస్య చాలా ఇబ్బందిగా ఉంటుంది. మరి ఈ సమస్యలను తగ్గించుకోవడానికి ఎటువంటి మందులు, ఆపరేషన్లు లేకుండా ఇంటిలోనే కొన్ని చిట్కాలను అనుసరిస్తే మంచి ఫలితం ఉంటుంది. అవేంటో ఇప్పుడు మనం తెలుసుకుందాం..

మొలలను పైల్స్ అని కూడా పిలుస్తారు. ఈ సమస్య ఒకే చోట ఎక్కువసేపు కూర్చొని పనిచేయడం, జంక్ ఫుడ్ ఎక్కువగా తీసుకోవడం, నీళ్లు తక్కువగా తాగేవారిలో ఎక్కువగా కనిపిస్తుంది. ఈ సమస్య ఉన్నప్పుడు కూర్చోలేరు, నడవలేరు, మలవిసర్జన సమయంలో రక్తం  పడటం, నొప్పి, దురద వంటి సమస్యలు మరింత ఇబ్బంది పెడతాయి.

ఈ సమస్య నివారణ కోసం డాక్టర్లును సంప్రదించడానికి ముందు కొన్ని చిట్కాలను పాటిస్తే సులభంగా ఇంట్లోనే తగ్గించుకోవచ్చు. మన శరీరంలో జీర్ణవ్యవస్థ పనితీరు మందగించినప్పుడు తిన్న ఆహారం సరిగా జీర్ణం కాదు. దీంతో మలవిసర్జన సాఫీగా జరుగదు. ఇది మలబద్ధకం సమస్యకు కారణమయ్యి మొలలకు దారితీస్తుంది.

piles

కనుక తేలికగా జీర్ణమయ్యే ఆహార పదార్థాలను తీసుకోవాలి. అలాగే రోజులో ఎక్కువ మొత్తంలో నీటిని తీసుకోవాలి. తీసుకునే ఆహారంలో ఫైబర్ అధికంగా ఉండే పదార్థాలను చేర్చుకోవాలి. అప్పుడే జీర్ణ సమస్యలు తగ్గి మలవిసర్జన సాఫీగా జరుగుతుంది. దీంతో మొలల సమస్యలు సులభంగా తగ్గుతాయి.

అరటి పండు: అరటి పండును తీసుకుంటే జీర్ణశక్తి మెరుగుపడి మలబద్దకం సమస్యలు తగ్గుతాయి. దీంతో మొలల సమస్య కూడా త్వరగా తగ్గుతుంది. ఇందుకోసం బాగా పండిన అరటి పండును తీసుకొని చిన్న ముక్కలుగా కట్ చేసుకుని ఒక చిన్న పలుకు పచ్చ కర్పూరం పొడిని చల్లుకొని ప్రతిరోజూ మధ్యాహ్నం భోజనానికి ఒక గంట ముందు తీసుకోవాలి. ఇలా చేస్తే రెండు మూడు రోజుల్లోనే మొలల సమస్య తగ్గుతుంది.

మజ్జిగ: మజ్జిగ మొలలు నివారణకు చక్కటి పరిష్కారం. పల్చటి మజ్జిగలో కొద్దిగా ఉప్పు కలుపుకొని రోజుల్లో దాహం వేసినప్పుడల్లా తీసుకుంటే మొలలు తొందరగా తగ్గుతాయి. అలాగే ప్రతిరోజూ రాత్రి పడుకునే ముందు ఒక గ్లాసు పుల్లటి మజ్జిగలో పావు స్పూన్ కరక్కాయ పొడిని కలుపుకుని తాగితే క్రమంగా మొలలు మాడిపోయి రాలిపోతాయి.