బాదం పాలతో బోలెడు లాభాలు.. తాగకపోతే ఈ లాభాలను మిస్సైపోతారు మరి..!
బాదం పాలలో ఎన్నో రకాల పోషకాలు ఉంటాయి. ఇవి మన శరీరంలో పోషకాల లోపాలను పోగొడుతాయి. అలాగే ఎన్నో అనారోగ్య సమస్యల ప్రమాదాన్ని కూడా తగ్గిస్తాయి. ఈ బాదం పాలను రెగ్యులర్ గా తాగడం వల్ల ఎలాంటి లాభాలు కలుగుతాయో తెలుసా?
బాదం పప్పులు పోషకాలకు మంచి వనరు. ఈ పప్పుల్లో ప్రోటీన్లు, ఫైబర్, విటమిన్లు పుష్కలంగా ఉంటాయి. బాదంలో విటమిన్ ఇ, విటమిన్ బి, మెగ్నీషియం, డైటరీ ఫైబర్, ఒమేగా -3 కొవ్వు ఆమ్లాలు వంటి పోషకాలు మెండుగా ఉంటాయి. బాదం పప్పులను అలాగే తినే బదులుగా బాదం పాలను తయారుచేసుకుని తాగడం వల్ల ఎన్నో ఆరోగ్య ప్రయోజనాలు కలుగుతాయి తెలుసా?
బాదం పాలను చాలా సులువుగా తయారుచేసుకోవచ్చు. ఇందుకోసం రాత్రంతా బాదం పప్పులను నానబెట్టాలి. ఉదయం వీటి తొక్క తీసేసి నీళ్లు పోసి బ్లెండర్ లో వేసి బాగా బీట్ చేయాలి. బాదం పాలు కొంచెం తీయగా కావడటానికి దీనిలో రెండు ఖర్జూరాలను వేయొచ్చు. మరి బాదం పాలను తాగడం వల్ల ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం..
almond milk benefits
మలబద్దకం నుంచి ఉపశమనం
బాదం పాలలో ఫైబర్ కంటెంట్ పుష్కలంగా పుష్కలంగా ఉంటుంది. ఇలాంటి పాలను రెగ్యులర్ గా తాగడం వల్ల మీ జీర్ణక్రియ మెరుగుపడుతుంది. మలబద్దకం తగ్గుతుంది. అలాగే ఎన్నో జీర్ణ సమస్యల నుంచి ఉపశమనం కలుగుతుంది.
almond milk
ఎముకల ఆరోగ్యం
బాదం పాలు మన ఎముకల ఆరోగ్యానికి కూడా ప్రయోజనకరంగా ఉంటాయి. ఈ పాలలో ఎముకలు బలంగా, ఆరోగ్యంగా ఉండేందుకు అవసరమైన కాల్షియం పుష్కలంగా ఉంటుంది. విటమిన్ డి పుష్కలంగా ఉండే బాదం పాలను తాగితే ఎముకల సమస్యలొచ్చే అవకాశం ఉండదు.
కొలెస్ట్రాల్ నియంత్రణ
ఆరోగ్యకరమైన కొవ్వు మెండుగా ఉండే బాదం పాలను రెగ్యులర్ గా తాగడం వల్ల శరీరంలో పేరుకుపోయిన చెడు కొలెస్ట్రాల్ తగ్గుతుంది. దీంతో మీకు గుండె జబ్బులొచ్చే ప్రమాదం తగ్గుతుంది.
డయాబెటీస్
బాదం పాలలో కార్బోహైడ్రేట్లు ఉండవు. అందేకాదు వీటిలో గ్లైసెమిక్ ఇండెక్స్ కూడా చాలా తక్కువగా ఉంటుంంది. అందుకే మధుమేహులు ఎలాంటి భయం లేకుండా ఈ పాలను తాగొచ్చు. ఈ పాలు రక్తలో చక్కెర స్థాయిలను ఎంతమాత్రం పెంచవు.
ఇమ్యూనిటీ పవర్
బాదం పాలలో యాంటీ ఆక్సిడెంట్లు, విటమిన్లు, ఖనిజాలు ఎక్కువ మొత్తంలో ఉంటాయి. వీటిని మీ రోజువారి ఆహారంలో చేర్చుకోవడం వల్ల మీ ఇమ్యూనిటీ పవర్ పెరుగుతుంది. దీంతో మీరు ఎన్నో అంటువ్యాదులు, ఇతర రోగాలకు దూరంగా ఉంటారు.
మెదడు ఆరోగ్యం
బాదం పాలు ఒమేగా -3 కొవ్వు ఆమ్లాలకు అద్బుతమైన వనరు. ఈ పాలను మీ రోజువారి ఆహారంలో చేర్చడం వల్ల మీ మెదడు ఆరోగ్యంగా ఉంటుంది.
బరువు తగ్గడానికి
బాదం పాలను తాగుతూ కూడా బరువు తగ్గొచ్చు. అవును ఒక కప్పు బాదం పాలలో 39 కేలరీలు మాత్రమే ఉంటాయి. ఈ పాలను తాగితే ఆకలి తగ్గుతుంది. అలాగే మీ కడుపు ఎక్కువ సేపు నిండుగా ఉంటుంది. ఇది మీరు ఆరోగ్యంగా బరువు తగ్గడానికి బాగా సహాయపడుతుంది.
జుట్టు, చర్మ ఆరోగ్యం
రోజూ బాదం పాలను తాగడం వల్ల శరీరంలో విటమిన్ ఇ లెవెల్స్ పెరుగుతాయి. ఇది మీ చర్మాన్ని, జుట్టును ఆరోగ్యంగా ఉంచుతుంది. వీటిలో యాంటీ ఆక్సిడెంట్స్ కూడా పుష్కలంగా ఉంటాయి. ఇవి రోగనిరోధక శక్తిని పెంచడానికి కూడా సహాయపడతాయి.