మృదువైన చర్మ సౌందర్యం కోసం పూలతో ఫేషియల్స్.. ఇలా ట్రై చెయ్యండి!
అందంగా కనిపించాలని ప్రతి ఒక్కరి ఆకాంక్ష (Aspiration). అందుకోసం అనేక ప్రయత్నాలు చేస్తున్నారా! ఎక్కువ మొత్తంలో డబ్బు వృధా చేస్తున్నారా! అయినా మీరు ఆశించిన ఫలితం లభించలేదా!
తక్కువ ఖర్చుతో అందరికీ అందుబాటులో ఉండే పూలతో సహజసిద్ధమైన ఫేషియల్స్ (Natural Facials) ను ట్రై చేస్తే మంచి ఫలితం ఉంటుందని సౌందర్య నిపుణులు చెబుతున్నారు. అదెలాగో ఇప్పుడు మనం తెలుసుకుందాం..
మంచి సువాసనలు వెదజల్లుతూ, చాలా కలర్ ఫుల్ గా కనిపించే పూలను మృదుత్వానికి ఉదాహరణగా చెబుతారు. వీటిని చర్మ సౌందర్యం (Skin beauty) కోసం ఉపయోగిస్తే మంచి ఫలితం ఉంటుంది. బయట మార్కెట్లో దొరికే బ్యూటీ ప్రాజెక్టుల కంటే ఇలా ఇంటిలోనే సహజసిద్ధమైన పద్ధతిలో పూలతో చేసుకునే ఫేషియల్స్ చర్మానికి మంచి మృదుత్వాన్ని అందిస్తాయి. చర్మానికి మాయిశ్చరైజర్ (Moisturizer) గా సహాయపడతాయి.
చర్మ సౌందర్యం కోసం మందారం, చామంతి, గులాబి, మల్లె మంచి న్యాచురల్ బ్యూటీ ప్రొడక్ట్స్ (Natural Beauty Products) గా సహాయపడుతాయి. పూలలో ఉండే విటమిన్ సి (Vitamin C) చర్మాన్ని ఆరోగ్యంగా ఉంచుతుంది. పిగ్మెంటేషన్ మచ్చలను దూరం చేస్తాయి. అలాగే వృద్ధాప్య ఛాయలను తగ్గించే మంచి యాంటి ఆక్సిడెంట్స్ గా పనిచేసి ముఖాన్ని మృదువుగా మారుతాయి. సహజసిద్ధమైన క్లెన్సర్ గా పనిచేసి చర్మరంధ్రాలలోని మురికిని తొలగిస్తాయి.
గులాబీ: చర్మ సౌందర్యం కోసం ఉపయోగించే గులాబి ఫేషియల్ చర్మాన్ని తాజాగా చేసి మాయిశ్చరైజర్ గాను పనిచేస్తుంది. ఇందుకోసం రెండు తాజా గులాబీల రేకులకు చెంచా నీటిని కలిపి మెత్తని పేస్ట్ లా చేసుకోవాలి. ఈ గులాబీ పేస్ట్ (Rose paste) కు ఒక స్పూన్ పాలు (Milk), ఒక స్పూన్ గ్లిజరిన్ (Glycerin) ను వేసి కలుపుకోవాలి. ఈ మిశ్రమాన్ని ముఖానికి అప్లై చేసుకుని అరగంట తర్వాత శుభ్రం చేసుకోవాలి.
చామంతి: చామంతిలో ఉండే విటమిన్ సి, యాంటీ ఆక్సిడెంట్ గుణాలు చర్మానికి మంచి నిగారింపును అందిస్తాయి. ఇందుకోసం చామంతి రేకులకు నీటిని కలిపి మెత్తని పేస్ట్ లా తయారు చేసుకోవాలి. ఇలా తయారుచేసుకున్న చామంతి మిశ్రమానికి (Chamomile paste) ఒక స్పూన్ చిక్కటి కొబ్బరిపాలను (Coconut milk) కలిపి ముఖానికి అప్లై చేసుకోవాలి. అరగంట తర్వాత ముఖాన్ని గోరువెచ్చని నీటితో శుభ్రపరుచుకోవాలి.
మల్లె: ఒక కప్పులో ఐదు మల్లెల పేస్ట్ (Jasmine paste), ఒక స్పూన్ శెనగపిండి (Besan), తగిన పాలు (Milk) తీసుకుని బాగా కలుపుకోవాలి. ఇలా కలుపుకున్న మిశ్రమాన్ని ముఖానికి అప్లై చేసుకుని ఇరవై నిమిషాల తర్వాత శుభ్రం చేసుకోవాలి. ఈ ఫేషియల్ చర్మానికి సహజసిద్ధమైన క్లెన్సర్ గా సహాయపడి చర్మ రంధ్రాలలో పేరుకుపోయిన మురికి పోగొట్టి చర్మాన్ని మృదువుగా మారుస్తుంది.
మందారం: మందారం పూలను నీడలు రెండు మూడు రోజులు ఆరనిచ్చి ఎండాక పొడిచేసుకుని భద్రపరచుకోవాలి. ఇలా తయారుచేసుకున్న రెండు స్పూన్ ల మందారం పొడికి (Hibiscus powder) ఒక స్పూన్ తేనె (Honey), స్పూన్ పాలను (Milk) వేసి కలుపుకోవాలి. ఈ మిశ్రమాన్ని ముఖానికి అప్లై చేసుకుని ఇరవై నిమిషాల తర్వాత గోరువెచ్చని నీటితో శుభ్రపరుచుకోవాలి. ఈ ఫేషియల్ చర్మాన్ని ఆరోగ్యంగా ఉంచి మృదువుగానూ మారుస్తుంది.