వానకాలంలో చెవి నొప్పి.. కారణాలు, నివారణా చిట్కాలు మీకోసం

తేమతో కూడిన వాతావరణంలో చెవుల్లో నొప్పి రావడం సర్వసాధారణం. ఒకవేళ మీకు కూడా చెవి నొప్పి వస్తే దాన్ని తగ్గించుకోవడానికి ఏం చేయాలో ఇప్పుడు తెలుసుకుందాం..  

కొన్నిసార్లు వర్షం, ఇంకొన్నిసార్లు సూర్యరశ్మి శరీరంలోని ఇంద్రియాలను ప్రభావితం చేస్తాయి. ముఖ్యంగా తేమతో కూడిన వాతావరణంలో చెవుల్లో నొప్పి, కొన్నిసార్లు వాపు , చెవుల నుంచి ద్రవం కారడం సాధారణ సమస్యలు. అయితే ఇవి చెవి ఇన్ఫెక్షన్ కు కారణమవుతాయి. అందుకే మిగతా శరీర భాగాల మాదిరిగానే చెవుల ఆరోగ్యంపై కూడా శ్రద్ధ పెట్టాలి. ఆరోగ్య నిపుణుల ప్రకారం. వాతావరణంలో తేమ, గాలిలో తేమ కారణంగా బ్యాక్టీరియా సులభంగా పెరుగుతుంది. ఇలాంటి పరిస్థితిలో చెవిలో పేరుకుపోయిన ధూళిలో ఇన్ఫెక్షన్ పేరుకుపోవడం వల్ల అది సంక్రమణకు కారణమవుతుంది. చెవి ఇన్ఫెక్షన్లు పెరగడానికి హిమోఫిలస్ ఇన్ఫ్లుఎంజా ప్రధాన కారణమని నిపుణులు చెబుతున్నారు. 

చెవి ఇన్ఫెక్షన్ లక్షణాలు

చెవిలో నొప్పి
చెవుల్లో దురద
వినికిడి లోపం
చెవి నుంచి ద్రవం
చెవిలో వాపు 

చెవినొప్పిని తగ్గించడానికి ఏం చేయాలంటే?

ప్రతిరోజూ చెవులను సున్నితంగా శుభ్రం చేయాలి

చెవుల్లో ఉండే గులిమిని రోజూ బయటకు తీసుకూడదు. ఎందుకంటే ఇది చెవులు పొడిబారడం లేదా చర్మపు చికాకు, ద్రవం నిలుపుదలకి కారణమవుతుంది. అందుకే  బయటి నుంచి ప్రతిరోజూ చెవులను శుభ్రపరచండి. ఇది కాకుండా లోపలి భాగాన్ని కూడా ఎక్కువగా శుభ్రపరచడం మానుకోండి. ఎందుకంటే చెవులు తమ లోపలి భాగాన్ని స్వయంగా శుభ్రపరుచుకుంటాయి.

ఎక్కువ శబ్దాలు వద్దు 

ఎక్కువ శబ్దం కూడా చెవులపై ప్రతికూల ప్రభావాన్నిచూపుతుంది. స్పోర్ట్స్ స్టేడియం, రాక్ కచేరీ లేదా విమానాశ్రయంలో ఉంటే ఆ సమయంలో మీ చెవులకు హెడ్ ఫోన్లు పెట్టండి. ఎక్కువ శబ్దం చెవులపై ప్రభావం చూపుతుంది. అంతేకాదు మీరు మ్యూజిక్ ను తక్కువ వాల్యూమ్ లో వినండి. 

చల్లని ఆహారాలను తినడం, తాగడం మానుకోండి

ఈ సీజన్ లో కూడా చల్లటి ఆహారాలను తినేవారు, పానీయాలను తాగేవారు చాలా మందే ఉన్నారు. వర్షాకాలంలో సమ్మర్ కూలర్లను వాడినా, ఐస్క్రీమ్లను తిన్నా గొంతు, చెవి ఇన్ఫెక్షన్ల ముప్పు పెరుగుతుంది. నిజానికి చల్లని వాటిని తినడం వల్ల గొంతు నుంచి ఇన్ఫెక్షన్ చెవికి చేరుతుంది. దీంతో చెవిలో నొప్పి, దురద సమస్య పెరుగుతుంది.

క్రమం తప్పకుండా చెవి పరీక్షలు అవసరం

ఈఎన్టీ నిపుణుడి ప్రకారం.. మీకు చెవి నొప్పి వచ్చినా, మీ చెవి నుండి ఉత్సర్గ బయటకు వచ్చినా ఖచ్చితంగా హాస్పటల్ కు వెళ్లండి. అలాగే చెవులను క్రమం తప్పకుండా పరీక్షించడం చాలా ముఖ్యం. ఇది చెవులను పెద్ద సమస్య ప్రమాదం నుంచి కాపాడుతుంది. ఏడాదికి 3 నెలలకు ఒకసారి చెవి చెకప్ లు చేయించుకోవాలని నిపుణులు చెబుతున్నారు. 

ఇయర్ఫోన్లను శుభ్రం చేయడం

వర్షాకాలంలో గాలిలో తేమ కారణంగా బ్యాక్టీరియా సంక్రమణ ప్రమాదం పెరుగుతుంది. అందుకే ఇయర్ఫోన్లపై బ్యాక్టీరియా పెరిగే ప్రమాదం ఉంది. ఇది చెవి నొప్పికి కారణమవుతుంది. ముఖ్యంగా చెవి నుంచి నీరు కారడం, వినికిడి సమస్యల  ప్రమాదాన్ని పెంచతుంది. అందుదకే డీ ఇన్ఫెక్టెంట్ సహాయంతో ఇయర్ఫోన్లను శుభ్రం చేయండి. 

సరైన ఆహారం 

ఆహారంలో విటమిన్లు, ఖనిజా, ప్రోటీన్, కాల్షియం పుష్కలంగా తీసుకోండి. ఇది మీ శరీరాన్ని బలంగా ఉంచుతుంది. పోషకాలు అందితే రోగనిరోధక వ్యవస్థ బలంగా మారుతుంది. యాంటీ ఆక్సిడెంట్లు పొందడం ద్వారా శరీరంలో ఉండే ఫ్రీరాడికల్స్ నుంచి ఉపశమనం పొందొచ్చు. దీనివల్ల గొంతు, చెవిలో ఇన్ఫెక్షన్ ముప్పు ఆటోమేటిక్ గా తగ్గుతుంది.