డయాబెటీస్ పేషెంట్లు పుట్టగొడుగులు తినొచ్చా?

డయాబెటిస్ ఉన్నవారు పుట్టగొడుగులు తినొచ్చా? లేదా? అన్న సందేహం చాలా మందికి ఉంటుంది. నిజానికి పుట్టగొడుగుల్లో ఎన్నో ఆరోగ్య ప్రయోజనాలు దాగున్నాయి. పుట్టగొడుగుల్లో ప్రోటీన్, అమైనో ఆమ్లాలు పుష్కలంగా ఉంటాయి.

Image: Getty Images

ప్రపంచ వ్యాప్తంగా డయాబెటీస్ పేషెంట్ల సంఖ్య విపరీతంగా పెరిగిపోతోంది. డయాబెటీస్ వల్ల రక్తంలో చక్కెర స్థాయిలు బాగా పెరిగిపోతాయి. అయితే మధుమేహాన్ని నియంత్రించడానికి ఆహారం కీలక పాత్ర  పోషిస్తుందని నిపుణులు చెబుతున్నారు. అందుకే మధుమేహ వ్యాధిగ్రస్తులు ఆహారం విషయంలో చాలా జాగ్రత్తగా ఉండాలి. మధుమేహ వ్యాధిగ్రస్తులు స్టార్చ్ తక్కువగా, గ్లైసెమిక్ ఇండెక్స్ తక్కువగా ఉండే ఆహారాలనే తినాలి. పండ్లు, కూరగాయలు, తృణధాన్యాలను పుష్కలంగా తినడం  మధుమేహ వ్యాధిగ్రస్తులకు ప్రయోజనకరంగా ఉంటుంది.

డయాబెటిస్ ఉన్నవారు పుట్టగొడుగులను తినొచ్చా? లేదా? అన్న సందేహం చాలా మందికి ఉంటుంది. పుట్టగొడుగులు మన ఆరోగ్యానికి మంచి మేలు చేస్తాయి. పుట్టగొడుగుల్లో ప్రోటీన్, అమైనో ఆమ్లాలు పుష్కలంగా ఉంటాయి. పుట్టగొడుగులలో విటమిన్ డి, విటమిన్ బి 2,  విటమిన్ బి 3 కూడా పుష్కలంగా ఉంటాయి. పుట్టగొడుగులను ప్రతిరోజూ తినడం వల్ల శరీరం శక్తివంతంగా మారుతుంది. అలాగే మీ రోగనిరోధక శక్తి కూడా పెరుగుతుంది. పుట్టగొడుగులు డయాబెటీస్ పేషెంట్లకు ఎంతో ప్రయోజనకరంగా ఉంటాయి. 

పుట్టగొడుగుల్లో చక్కెర,  కార్బోహైడ్రేట్లు చాలా తక్కువ మొత్తంలో ఉంటాయి. తక్కువ కార్బ్ ఫుడ్ మధుమేహాన్ని నియంత్రించడానికి సహాయపడుతుందని పలు అధ్యయనాలు వెల్లడిస్తున్నాయి. కాబట్టి తక్కువ గ్లైసెమిక్ ఇండెక్స్ ఉన్న పుట్టగొడుగులు రక్తంలో చక్కెర స్థాయిలు పెరగకుండా కాపాడుతాయి. ఈ విధంగా పుట్టగొడుగులు డయాబెటీస్ పేషెంట్లకు మంచి మేలు చేస్తాయి. మరి పుట్టగొడుగులతో ఎలాంటి ఆరోగ్య ప్రయోజనాలు ఉన్నాయో ఇప్పుడు తెలుసుకుందాం.. 

విటమిన్ డి లోపం పోతుంది

ప్రస్తుతం చాలా మంది విటమిన్ డి లోపంతో బాధపడుతున్నారు. విటమిన్ డి సూర్యరశ్మి ద్వారే కాదు ఇంకొన్ని ఆహారాల నుంచి కూడా మనకు అందుతుంది. పుట్టగొడుగులు విటమిన్ డి కి మంచి వనరులు. అందుకే పిల్లలకు విటమిన్ డి అందాలంటే పుట్టగొడుగులను ఆహారంలో చేర్చండి. 

అధిక రక్తపోటు

సోడియం తక్కువగా, పొటాషియం ఎక్కువగా ఉండే పుట్టగొడుగులను మీ ఆహారంలో చేర్చుకోవడం వల్ల అధిక రక్తపోటు సమస్య తగ్గిపోతుంది. దీనివల్ల గుండె కూడా ఆరోగ్యంగా ఉంటుంది. 

చెడు కొలెస్ట్రాల్

చెడు కొలెస్ట్రాల్ అయిన ఎల్డిఎల్ కొలెస్ట్రాల్ ను తగ్గించే గుణం పుట్టగొడుగులకు ఉందని నిపుణులు చెబుతున్నారు. పుట్టగొడుగులు శరీరంలో పేరుకుపోయిన అవాంఛిత కొవ్వును తొలగించడానికి, గుండె ఆరోగ్యానికి కూడా సహాయపడతాయి.

రోగనిరోధక శక్తి

రోగనిరోధక శక్తి మెరుగ్గా ఉంటేనే అంటువ్యాధులు, ఇతర రోగాల నుంచి మనం సేఫ్ గా ఉంటాం. అయితే యాంటీ ఆక్సిడెంట్లు సమృద్ధిగా ఉండే పుట్టగొడుగులు కూడా రోగనిరోధక శక్తిని పెంచడానికి సహాయపడతాయని నిపుణులు చెబుతున్నారు. ఇవి గట్ ఆరోగ్యానికి ఎంతో మేలు చేస్తాయి.

Mushroom

ఎముకల ఆరోగ్యం

ఎముకలను ఆరోగ్యంగా ఉంచడానికి కాల్షియం చాలా చాలా అవసరం. అయితే పుట్టగొడుగుల్లో కాల్షియం కంటెంట్ పుష్కలంగా ఉంటుంది. వీటిని తిన్నాన ఎముకలు బలంగా, ఆరోగ్యంగా ఉంటాయి. 

వెయిట్ లాస్

బరువు తగ్గాలనుకునే వారికి కూడా పుట్టగొడుగులు మంచి మేలు చేస్తాయి. 100 గ్రాముల పుట్టగొడుగుల్లో మూడు గ్రాముల ప్రోటీన్ ఉంటుంది. పుట్టగొడుగులను తినడం వల్ల మీరు ఫుడ్ ను తక్కువగా తింటారు. వీటిలో కేలరీలు కూడా తక్కువగా ఉంటాయి. వీటిని తింటే మీరు  ఆరోగ్యంగా బరువు తగ్గుతారు. 

చర్మ ఆరోగ్యం

పుట్టగొడుగుల్లో బీటా కెరోటిన్, విటమిన్ ఎ పుష్కలంగా ఉంటాయి. పుట్టగొడుగులను తింటే కంటిచూపు మెరుగుపడుతుంది. అలాగే చర్మం కూడా ఆరోగ్యంగా ఉంటుంది.