- Home
- Sports
- Football
- FIFA World Cup 2026 హాఫ్ టైమ్ షో: షకీరా, మడోన్నా, జస్టిన్ బీబర్ల పారితోషికం ఎంతంటే?
FIFA World Cup 2026 హాఫ్ టైమ్ షో: షకీరా, మడోన్నా, జస్టిన్ బీబర్ల పారితోషికం ఎంతంటే?
FIFA World Cup 2026 Final: ఫిఫా వరల్డ్ కప్ 2026 ఫైనల్ హాఫ్ టైమ్ షోలో షకీరా, మడోన్నా, బీటీఎస్, జస్టిన్ బీబర్ పర్ఫార్మ్ చేస్తున్నారు. అయితే వీరికి ఇచ్చే పారితోషికంపై ఆసక్తికర రిపోర్ట్ బయటకు వచ్చింది. ఆ వివరాలు మీకోసం.
ఫిఫా మైండ్ గేమ్ మామూలుగా లేదుగా..
ఫిఫా వరల్డ్ కప్ 2026 ఫైనల్ మ్యాచ్ కోసం ప్రపంచవ్యాప్తంగా ఉన్న ఫుట్బాల్ లవర్స్ ఎంతో ఆత్రుతగా ఎదురుచూస్తున్నారు. ఆదివారం స్పెయిన్, అర్జెంటీనా జట్ల మధ్య ఈ టైటిల్ ఫైట్ జరగనుంది. ఈ ఏడాదిలోనే అత్యంత భారీ స్పోర్టింగ్ ఈవెంట్గా ఇది నిలవబోతోంది. అయితే కేవలం గ్రౌండ్లో జరిగే ఆట మాత్రమే కాదు, ఈసారి మరో స్పెషల్ అట్రాక్షన్ కూడా తోడైంది.
సూపర్ బౌల్ స్టైల్లో ఈ ఫైనల్ మ్యాచ్లో ఒక భారీ 'హాఫ్ టైమ్ షో'ను ప్లాన్ చేశారు. ఇందులో గ్లోబల్ మ్యూజిక్ ఐకాన్స్ అయిన షకీరా, మడోన్నా, బీటీఎస్, జస్టిన్ బీబర్ లాంటి స్టార్స్ పర్ఫార్మ్ చేయబోతున్నారు. దీంతో వరల్డ్ కప్ ఫైనల్ చరిత్రలోనే ఇలాంటి మ్యూజికల్ షో జరగడం ఇదే మొదటిసారి కానుంది. ఈ క్రమంలోనే ఇంత పెద్ద స్టార్స్కు అసలు ఎంత రెమ్యునరేషన్ ఇస్తున్నారు అనే క్వశ్చన్ అభిమానుల మైండ్లో తిరుగుతోంది.
పారితోషికం ఎంత? మార్కా రిపోర్ట్ ఏం చెప్పింది?
ఈ గ్లోబల్ మ్యూజిక్ స్టార్స్ పారితోషికం గురించి ఒక ఇంట్రెస్టింగ్ రిపోర్ట్ బయటకు వచ్చింది. ప్రముఖ మీడియా సంస్థ 'MARCA' కథనం ప్రకారం.. ఈ ఫిఫా వరల్డ్ కప్ 2026 ఫైనల్ హాఫ్ టైమ్ షోలో పర్ఫార్మ్ చేస్తున్నందుకు ఈ ఆర్టిస్టులకు ఎలాంటి ఫిక్స్డ్ ఫీజు లేదా సాంప్రదాయ పారితోషికం ఇవ్వడం లేదు. ఈ అరేంజ్మెంట్ మొత్తం అమెరికాలో జరిగే ప్రసిద్ధ 'సూపర్ బౌల్' హాఫ్ టైమ్ షో మోడల్ను బేస్ చేసుకుని డిజైన్ చేశారు. అంటే ఆర్గనైజర్స్ కేవలం ప్రొడక్షన్ కాస్ట్, స్టేజ్ సెట్టింగ్స్, లాజిస్టిక్స్ ఖర్చులను మాత్రమే భరిస్తారు. అంతేకానీ విడిగా ఆర్టిస్టుల అప్పియరెన్స్ కోసం ఎలాంటి డబ్బులు చెల్లించరు.
అసలైన లాభం అదే.. గ్లోబల్ ఎక్స్పోజర్ రేంజ్ వేరే మరి
మరి ఇంత పెద్ద స్టార్స్ ఫ్రీగా ఎందుకు పర్ఫార్మ్ చేస్తారు అనే డౌట్ రావచ్చు. ఇక్కడే అసలైన ట్విస్ట్ ఉంది. షకీరా, మడోన్నా, బీటీఎస్, జస్టిన్ బీబర్లకు ఈ షో ద్వారా వచ్చే రియల్ బెనిఫిట్ భారీ గ్లోబల్ ఎక్స్పోజర్ రూపంలో లభిస్తుంది. ఈ ఫైనల్ మ్యాచ్ను ప్రపంచవ్యాప్తంగా వందల కోట్ల మంది వ్యూయర్స్ లైవ్లో చూడబోతున్నారు. ఇంత భారీ సంఖ్యలో జనాలు చూస్తుండటంతో, పర్ఫార్మెన్స్ అయిపోయిన తర్వాత కొన్ని వారాల పాటు ఈ స్టార్స్ మ్యూజిక్ స్ట్రీమింగ్స్, ఆల్బమ్ సేల్స్ విపరీతంగా పెరిగిపోతాయి. సోషల్ మీడియా ఎంగేజ్మెంట్, ఇతర కమర్షియల్ ఆఫర్స్ కూడా భారీగా వస్తాయి. కేవలం రిహార్సల్స్ టైమ్లో మాత్రం ఆర్టిస్టులకు ఒక చిన్న అలవెన్స్ ఇస్తారని రిపోర్ట్ పేర్కొంది.
ఇది కొత్తేమీ కాదు.. పాత ట్రెండే
పెద్ద స్పోర్ట్స్ ఈవెంట్స్లో ఇలా పారితోషికం లేకుండా పెర్ఫార్మ్ చేయడం ఇదేం మొదటిసారి కాదు. మార్కా రిపోర్ట్ ప్రకారం.. గతంలో జరిగిన ఫిఫా వరల్డ్ కప్ ఓపెనింగ్ లేదా క్లోజింగ్ సెర్మనీలలో పెర్ఫార్మ్ చేసిన మ్యూజీషియన్స్ కూడా ఎలాంటి సాంప్రదాయ ఫీజు తీసుకోలేదు. టోర్నమెంట్ ద్వారా వచ్చే వరల్డ్ వైడ్ పబ్లిసిటీని వాడుకోవడానికే వాళ్లు మొగ్గు చూపారు. గత హిస్టరీని చూస్తే.. ఇలాంటి మేజర్ స్పోర్టింగ్ ఈవెంట్లలో కనిపించిన సింగర్స్ డిజిటల్ ప్లాట్ఫామ్స్ గ్రాఫ్స్ విపరీతంగా పెరిగాయి. ఒకసారి తీసుకునే వన్ టైమ్ పేమెంట్ కంటే, ఆ తర్వాత వచ్చే ఆన్లైన్ ఎంగేజ్మెంట్, స్ట్రీమింగ్ నంబర్స్ ద్వారా వచ్చే లాభాలే చాలా ఎక్కువ.
11 నిమిషాల షో.. అదిరిపోయే ప్లాన్
రిపోర్ట్స్ ప్రకారం ఈ హాఫ్ టైమ్ షో కేవలం 11 నిమిషాల పాటు మాత్రమే సాగనుంది. టైమ్ చాలా తక్కువగా ఉన్నప్పటికీ, ఆర్గనైజర్స్ మాత్రం షోను నెక్స్ట్ లెవెల్లో ప్లాన్ చేస్తున్నారు. భారీ ప్రొడక్షన్ వాల్యూస్, కళ్లు చెదిరే కొరియోగ్రఫీ, అద్భుతమైన మ్యూజిక్తో స్టేజ్ షేక్ చేయబోతున్నారు. వేర్వేరు జనరేషన్స్, విభిన్న జానర్లకు చెందిన ఈ నలుగురు టాప్ ఆర్టిస్టులను ఒకే దగ్గరకు తీసుకురావడం నిజంగా ఒక పెద్ద వండర్. స్పెయిన్, అర్జెంటీనా మ్యాచ్ మధ్యలో వచ్చే ఈ బ్రేక్ టైమ్ ఫుట్బాల్ లవర్స్కు మాత్రమే కాదు, మ్యూజిక్ లవర్స్కు కూడా ఒక పండగలా మారనుంది.
అఫీషియల్ కామెంట్స్ రాలేదు.. ట్రెండ్ మారుతోంది
అయితే ఈ రెమ్యునరేషన్ అరేంజ్మెంట్పై ఫిఫా కానీ, లేదా సదరు ఆర్టిస్టుల టీమ్స్ కానీ ఇప్పటివరకు పబ్లిక్గా ఎలాంటి కామెంట్స్ చేయలేదు. ఒకవేళ ఈ మార్కా రిపోర్ట్ గనుక వంద శాతం నిజమైతే, పెద్ద పెద్ద స్పోర్టింగ్ ఈవెంట్స్ ఇప్పుడు సరికొత్త ట్రెండ్ను సెట్ చేస్తున్నాయని ఒప్పుకోవాల్సిందే. స్టార్ ఆర్టిస్టులకు భారీ ఫీజులు ఇచ్చే బదులు, వాళ్లకు ఊహించని స్థాయి గ్లోబల్ రీచ్ను ఆఫర్ చేస్తున్నాయి. ఆర్టిస్టులు సైతం ఈ ఎక్స్పోజర్ను తమ కెరీర్ లాంగ్ టర్మ్ కమర్షియల్ సక్సెస్ కోసం ఒక గొప్ప అవకాశంగా చూస్తున్నారు.
