ఇడ్లీ ఎక్కడి నుండి వచ్చింది? ఆహారంలో ఆసక్తికర కథ

ఇడ్లీ అసలైన మూలాలు ఎక్కడో తెలుసా? ఇండోనేషియాలోని కేడ్లీ నుండి ఇడ్లీగా మారిన ఈ వంటకం దక్షిణ భారత దేశ ఆహారంలో ముఖ్య స్థానాన్ని పొందింది. . 

ఇడ్లీ అసలైన మూలాలు ఎక్కడో తెలుసా?

వేడిగా ఉన్న సాంబార్, చల్లగా ఉండే కొబ్బరి చట్నీతో కమ్మని ఇడ్లీ తినడం ఎవరికి ఇష్టం ఉండదు? కానీ మనం ఎంతో ఇష్టంగా తినే ఈ ఇడ్లీ అసలు భారతదేశంలో పుట్టిందే కాదు అని మీకు తెలుసా? ఇడ్లీ తేలికైన ఆహారం మాత్రమే కాకుండా ఆరోగ్యకరమైనది కూడా. ఇది వంటగదిలో చరిత్రను దాటుకుని ఇక్కడికి ఎలా చేరిందో తెలుసుకుందాం.

ఇడ్లీకి ప్రాచీన మూలాలు:
కర్ణాటకకు చెందిన ప్రముఖ ఆహార శాస్త్రవేత్త కె.టి. ఆచార్య చేసిన పరిశోధనల ప్రకారం, ఇడ్లీ మూలాలు 7వ నుండి 12వ శతాబ్దంలో ఇండోనేషియాలోని "కేడ్లీ" లేదా "కేడారి" అనే వంటకం నుంచి వచ్చాయి. ఆ కాలంలో హిందూ రాజులు ఇండోనేషియాను పాలించేవారు. వారు తమ కుటుంబ సభ్యులను కలుసుకోవడానికి లేదా వివాహాల కోసం భారతదేశానికి వచ్చినప్పుడు తమ రాజ వంటల సంచికను కూడా తెచ్చేవారు. అలా ఈ వంటకం ఇక్కడికి చేరింది.

ఇడ్లీకి అరబ్బులకు సంబంధం
ఇకపోతే, ఇడ్లీకి అరబ్బులతో కూడా అనుబంధం ఉంది. ‘ఎన్సైక్లోపీడియా ఆఫ్ ఫుడ్ హిస్టరీ’ ‘సీడ్ టు సివిలైజేషన్ – ది స్టోరీ ఆఫ్ ఫుడ్’ అనే పుస్తకాల ప్రకారం, ఇండియాలో స్థిరపడిన అరబ్బులు హలాల్ ఆహారాన్ని మాత్రమే తినేవారు. వారు తినే రైస్ బాల్స్ కాస్త పరుపుగా ఉండి, వాటిని కొబ్బరి గ్రేవీతో కలిపి తినేవారు.

భారతీయ ఇడ్లీ చరిత్ర
ఇడ్లీ కొద్ది కాలంలోనే భారతీయ వంటకంగా మారింది. 7వ శతాబ్దపు కన్నడ రచన "వద్దారాధనే"లో "ఇద్దలిగే" అనే పేరు చేర్చబడి ఉంది. అలాగే 10వ శతాబ్దపు తమిళ గ్రంథం "పెరియా పురాణం"లో కూడా ఈ వంటకం ప్రస్తావన ఉంది.

స్పేస్ ఇడ్లీ - అభిమానం అంతరిక్షానికి:
భారత డిఫెన్స్ ఫుడ్ రీసెర్చ్ ల్యాబొరేటరీ (DFRL) ప్రత్యేకంగా రూపొందించిన ‘స్పేస్ ఇడ్లీ’ భారతదేశం నిర్వహించిన మొదటి మానవ అంతరిక్ష మిషన్‌లో వ్యోమగాములతో పాటు ప్రయాణించింది.