మొలకెత్తిన పెసరపప్పు మన ఆరోగ్యానికి ఎంత మంచిదంటే?
పెసరపప్పులో మన ఆరోగ్యానికి మేలు చేసే ఎన్నో రకాల పోషకాలుంటాయి. ఈ పప్పును తింటే మనం ఎన్నో రకాల రోగాలకు దూరంగా ఉంటామని ఆరోగ్య నిపుణులు చెబుతున్నారు. రోజూ ఉదయం బ్రేక్ ఫాస్ట్ లో మొలకెత్తిన పెసరపప్పును ఎంచక్కా తినొచ్చు. మరి ఈ పప్పును తింటే మనకు ఎలాంటి ప్రయోజనాలు కలుగుతాయో ఓ లుక్కేద్దాం పదండి.
అలసటను పోగొట్టేందుకు, హాయిగా నిద్రపోయేందుకు పెసరపప్పు ఎంతగానో సహాయపడుతుంది. సాధారణంగా మనం ఈ పప్పును పప్పు చారుగా, కిచిడీలో ఎక్కువగా తింటుంటాం. వీటితో పాటుగా మొలకెత్తిన పెసరపప్పును కూడా తినొచ్చు. ఎందుకంటే ఇది మన శరీరానికి ఎంతో ప్రయోజనకరంగా ఉంటుంది. ఉదయం బ్రేక్ ఫాస్ట్ లో మొలకెత్తిన పెసరపప్పును తింటే మన ఆరోగ్యం బేషుగ్గా ఉంటుందని కొంతమంది ఆరోగ్య నిపుణులు చెబుతున్నారు. ఈ పప్పుల్లో మన శరీరానికి అవసరమైన అమైనో ఆమ్లాలు, ఫైబర్, యాంటీ ఆక్సిడెంట్లు పుష్కలంగా ఉంటాయి. అంతేకాదు వీటిలో ప్రోటీయోలైటిక్ ఎంజైమ్స్ కూడా ఉంటాయి. మరి ఉదయం బ్రేక్ ఫాస్ట్ లో వీటిని తినడం వల్ల ఎలాంటి ఆరోగ్య ప్రయోజనాలు కలుగుతాయో మనం ఇప్పుడు తెలుసుకుందాం..
![article_image2](https://static-ai.asianetnews.com/images/01h7n2m96g58p0gw6pj9wj2rrh/fotojet---2023-08-12t200230-223_300x399xt.jpg)
పెసరపప్పు
రోగనిరోధక శక్తిని పెంచుతుంది
మొలకెత్తిన పెసరపప్పుల్లో యాంటీ ఆక్సిడెంట్లు, క్లోరోఫిల్, విటమిన్-సి లు ఎక్కువ మొత్తంలో ఉంటాయి. ఈ పప్పులను తింటే మన రోగనిరోధక శక్తి పెరుగుతుంది. అంతేకాదు ఈ పప్పు మన శరీరాన్ని నిర్విషీకరణ చేయడానికి కూడా సహాయపడుతుంది.
పెసరపప్పు
జీర్ణవ్యవస్థను బలోపేతం చేస్తుంది
ఫైబర్ కంటెంట్ మెండుగా ఉండే పెసరపప్పు మొలకలు జీర్ణవ్యవస్థను బలోపేతం చేయడానికి సహాయపడతాయి. ఈ పప్పును తింటే ఎసిడిటీ, కడుపు నొప్పి, పుల్లని త్రేన్పులు వంటి జీర్ణ సమస్యల నుంచి ఉపశమనం కలుగుతుంది. ఇది జీవక్రియను కూడా పెంచుతుంది.
sprouts
చర్మానికి మేలు చేస్తుంది
ప్రతి రోజూ ఉదయం బ్రేక్ ఫాస్ట్ లో మొలకెత్తిన పెసరపప్పు తింటే మన చర్మం కూడా ఆరోగ్యంగా ఉంటుంది. ఈ పప్పు చర్మాన్ని యవ్వనంగా కనిపించేలా చేస్తుంది.
green gram sprouts
కంటి చూపును పెంచడానికి
మొలకెత్తిన పెసరపప్పులో విటమిన్ ఎ కూడా ఉంటుంది. ఈ విటమిన్ మన కళ్లకు మేలు చేస్తుంది. దీన్ని మన రోజువారీ ఆహారంలో భాగం చేసుకుంటే కంటిచూపు పెరుగుతుంది.
పెసరపప్పు
రక్త ప్రసరణ మెరుగ్గా..
మొలకెత్తిన పెసరపప్పును తింటే రక్తప్రసరణ మెరుగ్గా ఉంటుంది. దీన్ని తినడం వల్ల రక్తం గడ్డకట్టే సమస్య తొలగిపోతుందని నిపుణులు చెబుతున్నారు. ఏదేమైనా వీటిని మోతాదులోనే తినాలి.
green gram sprouts
రక్తహీనత సమస్య
మొలకెత్తిన పెసరపప్పులో ఐరన్ కూడా మెండుగా ఉంటుంది. ఈ పప్పులను తింటే శరీరంలో హిమోగ్లోబిన్ పరిమాణం పెరుగుతుంది. దీంతో రక్తహీనత సమస్య పోతుంది. అయితే ఆహారాలను తినే ముందు ఒకసారి డాక్టర్ సలహా తీసుకోవడం మర్చిపోకండి.