Fridge: ఫ్రిజ్ లో చికెన్, మటన్, చేపలు ఎన్ని రోజులు స్టోర్ చేయచ్చో తెలుసా?
Fridge: పచ్చి మాంసాన్ని ఫ్రిజ్ లో స్టోర్ చేసే అలవాటు చాలా మందికి ఉంటుంది. మరి చికెన్, మటన్, చేపలను ఫ్రిజ్ లో ఎన్ని రోజులు స్టోర్ చేయాలి? ఎన్ని రోజుల పాటు తాజాగా ఉంటాయి?
ఫ్రిజ్ లో మాంసం పెడుతున్నారా?
ఈ రోజుల్లో ప్రతి ఒక్కరి ఇంట్లో ఫ్రిజ్ ఉండటం చాలా కామన్. ఇంట్లో కూరగాయలు, పండ్లు ఏవి తెచ్చినా ఫ్రిజ్ లోనే స్టోర్ చేస్తూ ఉంటాం. ఎందుకంటే.. ఫ్రిజ్ లో పెడితే అవి ఎక్కువ రోజులు తాజాగా ఉంటాయి. అందుకే... ఏది తెచ్చినా ఫ్రిజ్ లోనే పెట్టేస్తూ ఉంటా. కానీ.. మనం ఫ్రిజ్ లో స్టోర్ చేసినా కూడా ప్రతి ఆహార పదార్థానికీ.. ఎక్స్ పైరీ డేట్ ఉంటుంది. కొద్ది కాలానికి అది పాడైపోతుంది. మరి.. చికెన్, మటన్, చేపల విషయానికి వస్తే.. వీటిని ఫ్రిజ్ లో ఎన్నిరోజులు నిల్వ చేయవచ్చు అనే విషయం ఇప్పుడు తెలుసుకుందాం..
చికెన్...
పచ్చి చికెన్ ని ఫ్రిజ్ లో పెడితే దానిని ఒకటి లేదా రెండు రోజుల్లోనే వండేసుకోవాలి. అంతకంటే ఎక్కువ రోజులు దానిని నిల్వ చేయకూడదు. ఎక్కువ రోజులు నిల్వ చేస్తే.. అది ఫ్రిజ్ లో ఉన్నా కూడా పాడైపోయే అవకాశం ఉంది. అలా కాకుండా.. మీరు చికెన్ ఎక్కువ రోజులు స్టోర్ చేయాలి అనుకుంటే.. దానిని ఏదైనా గాలి తగలని కంటైనర్ లేదా.. జిప్ లాక్ కవర్ లో పెట్టి..డీప్ ఫ్రిజ్ లో పెట్టాలి. డీప్ ఫ్రిజ్ లో పెట్టి ఫ్రీజ్ చేస్తే.. దానిని ఎక్కువ రోజులు వాడుకోవడానికి వీలుగా ఉంటుంది. మీరు ఎలా నిల్వ చేసినా కూడా చికెన్ రంగు మారినా, వాసన వచ్చినా దానిని తినకపోవడమే మంచిది.
మటన్..
మటన్ ను సాధారణంగా ఫ్రిజ్ లో 3 నుండి 5 రోజుల వరకు స్టోర్ చేయవచ్చు.కాకపోతే.. గాలి తగలకుండా ఉండే టైట్ కంటైనర్ లో స్టోర్ చేయడం మర్చిపోవద్దు. ఇంకా ఎక్కువ రోజులు తాజాగా ఉండాలి అంటే.. దానిని ఎయిర్ టైట్ కంటైనర్ లో పెట్టి.. డీప్ ఫ్రిజ్ లో పెడితే సరిపోతుంది. మటన్ రంగు మారినా, వాసన వచ్చినా, మెత్తపడినా..కూడా దానిని వాడకపోవడే మంచిది.
చేపలు..
చేపలు చాలా తొందరగా పాడైపోతాయి. వాటిని కొన్న వెంటనే వండేసుకోవాలి. లేదంటే.. మరుసటి రోజు వండేయాలి. అంతకంటే ఎక్కువ ఒక్క రోజు ఉన్నా పాడైపోతాయి. ఫ్రీజర్ లో ఎక్కువ రోజులు నిల్వ చేయవచ్చు.
