జున్ను మన ఆరోగ్యానికి మంచిదా? చెడ్డదా? నిపుణులు ఏమంటున్నారంటే?

జున్నును మోతాదులో తింటే మన ఆరోగ్యానికి ఎన్నో ప్రయోజనాలు కలుగుతాయి. అయితే దీన్ని ఎక్కువగా తింటే గుండె మంట వస్తుంది. అలాగే..  

మనలో చాలా మంది చీజ్ ను ఇష్టంగా తింటుంటారు. నిజానికి  ఇది మంచి పోషకాహారం. దీనిలో ప్రోటీన్, కాల్షియం, సోడియం, ఖనిజాలు, విటమిన్ బి 12, జింక్  వంటి పోషకాలు పుష్కలంగా ఉంటాయి. జున్నును తినడం వల్ల మన ఆరోగ్యానికి ఎంతో మేలు జరుగుతుంది. అంతేకాదు దీన్ని మోతాదుకు మించి తింటే మాత్రం ఎన్నో అనారోగ్య సమస్యలను ఎదుర్కోవాల్సి వస్తుందని ఆరోగ్య నిపుణులు చెబుతున్నారు. 

జున్నులో ఎక్కువ మొత్తంలో ఉప్పు, కొవ్వు ఉంటాయి. అందుకే దీన్ని లిమిట్ లోనే తినాలి. ఒకవేళ జున్నును మోతాదుకు మించి తింటే మాత్రం మీ  శరీరంలో కొలెస్ట్రాల్ లెవెల్స్ బాగా పెరిగిపోతాయి. అలాగే గుండె జబ్బులు వస్తాయి. రక్తపోటు కూడా బాగా పెరుగుతుందని ఆరోగ్య నిపుణులు అంటున్నారు. 

Cheese

మీకు తెలుసా? జున్ను ఎక్కువగా తినడం వల్ల మలబద్దకం సమస్య వస్తుందని ఆరోగ్య నిపుణులు చెబుతున్నారు. ఎందుకంటే చీజ్ మన జీర్ణక్రియను నెమ్మదింపజేస్తుంది. అలాగే మన పేగుల గుండా మలం వెళ్లడం కష్టతరం కూడా చేస్తుంది. ఇది పేగు కదలికలను నెమ్మదింపజేస్తుంది. అలాగే శరీరంలోని మలినాలను బయటకు పంపడం కష్టతరం కూడా చేస్తుంది. 

పాలలో ఉండే కాసిన్ అనే ప్రోటీన్ జున్నులో ఎక్కువ మొత్తంలో ఉంటుంది. ఇది ఎన్నో అనారోగ్య సమస్యలకు దారితీస్తుంది. కాసిన్ వినియోగం వల్ల వచ్చే సమస్యల్లో మంట ఒకటి. చాలా మందికి కాసిన్ రోగనిరోధక ప్రతిస్పందనకు కారణమవుతుంది. అలాగే ఇది శరీరంలో మంటను కలిగిస్తుంది. ఈ తాపజనక ప్రతిస్పందన జీర్ణ సమస్యలు, చర్మ సమస్యలు, శ్వాసకోశ సమస్యలు, కీళ్ల నొప్పితో సహా ఎన్నో సమస్యలు వస్తాయి. 

జున్నును ఎక్కువగా తినడం వల్ల గుండెల్లో మంట వస్తుంది. ఇది దీర్ఘకాలిక గుండెల్లో మంటను కలిగిస్తుంది. దీనివల్ల అన్నవాహిక పొర దెబ్బతింటుంది. అలాగే గ్యాస్ట్రోఎసోఫాగియల్ రిఫ్లక్స్ డిసీజ్  వంటి ప్రమాదకరమైన సమస్యలకు దారితీస్తుందని నిపుణులు అంటున్నారు. అంతేకాదు జున్నును ఎక్కువగా తినడం వల్ల మొటిమలు కూడా వస్తాయి.