కోడి లివర్, మటన్ లివర్.. రెండింటిలో ఏది మంచిది?, ఎవరు తినకూడదు

15

మాంసాహార ప్రియులు చికెన్ , మటన్ రెండింటినీ  బాగా ఇష్టపడతారు. ఈ రెండింటిలోనూ కామన్ గా లివర్ తింటూ ఉంటారు. కొందరికి చికెన్ లివర్ తినడం ఇష్టం ఉంటే.. మరికొందరికి మటన్ లివర్ తినడాన్ని ఇష్టపడతారు. రెండింటిలోనూ మనకు కావాల్సిన పోషకాలు, ప్రోటీన్లు,  విటమిన్లు ఉంటాయి. కానీ.. రెండింటిలో ఆరోగ్యానికి ఏది మంచిది? ఎందులో ఎక్కువ పోషకాలు ఉంటాయి అనే విషయం తెలుసుకుందాం...

25

చికెన్ లివర్ ప్రయోజనాలు: 

చికెన్ లివర్‌లో శరీరానికి అవసరమైన ఐరన్ ఉంటుంది. రక్తంలో ఎర్ర రక్తకణాలను పెంచుకోవడానికి లివర్ తినవచ్చు. ఇది రక్తహీనత రాకుండా అడ్డుకుంటుంది. ఇనుముతో పాటు, విటమిన్ ఎ, బి12, ఫోలేట్ వంటి పోషకాలు కూడా ఇందులో ఉన్నాయి. లివర్ తినడం వల్ల కంటి చూపు మెరుగుపడుతుంది. కండరాలను బాగుచేసే ప్రోటీన్ లివర్‌లో ఉంటుంది. లివర్ తినడం వల్ల యాంటీఆక్సిడెంట్లు లభిస్తాయి. ఇవి రోగనిరోధక శక్తిని పెంచుతాయి. దీనివల్ల ఇన్ఫెక్షన్ల బారిన పడకుండా ఉండవచ్చు. చర్మ సంరక్షణకు ఉపయోగపడే పోషకాలు కూడా ఉన్నాయి. 

35

మటన్ లివర్ ప్రయోజనాలు

మటన్ లివర్ ప్రయోజనాలు: 

ఇందులో విటమిన్ బి12 ఉంటుంది. దీన్ని తరచుగా తినడం వల్ల మెదడు పనితీరు మెరుగుపడుతుంది. మీ జ్ఞాపకశక్తిని పెంచుకోవడానికి మటన్ లివర్ తినవచ్చు. నాడీ వ్యవస్థ, ఎముకలు, దంతాలను ఆరోగ్యంగా ఉంచుకోవడానికి అవసరమైన ఖనిజాలు మటన్ లివర్‌లో ఉన్నాయి. చికెన్ లివర్ లాగే మటన్ లివర్‌లో కూడా ఐరన్ ఉంటుంది కాబట్టి రక్తహీనత ఉన్నవారు తినవచ్చు. వ్యాయామం చేసినప్పుడు కండరాలు దెబ్బతింటాయి. వాటిని బాగుచేసే శక్తి మటన్ లివర్‌లోని ప్రోటీన్‌కి ఉంది. మటన్ లివర్‌లో కూడా విటమిన్ ఎ, ఫోలేట్ వంటి పోషకాలు ఉన్నాయి. 

45

ఏది మంచిది?

ఏది మంచిది? 

చికెన్ లివర్ కంటే మటన్ లివర్ చాలా మంచిదని పోషకాహార నిపుణులు చెబుతున్నారు. అందులోనే ఎక్కువ పోషకాలు ఉన్నాయట. మనం రెండింటీనీ అప్పుడప్పుడు ఆహారంలో చేర్చుకోవచ్చు. లివర్‌లో కొవ్వు ఎక్కువగా ఉంటుంది కాబట్టి తక్కువగానే తినాలి. 

55

ఎవరు తినకూడదు?

ఎవరు తినకూడదు? 

ఎక్కువ కొలెస్ట్రాల్ సమస్య, కిడ్నీ సమస్య, కండరాలకు సంబంధించిన వ్యాధులు ఉన్నవారు, గర్భిణులు, పాలిచ్చే తల్లులు మటన్ లివర్ తినే ముందు ఖచ్చితంగా డాక్టర్‌ని సంప్రదించాలి. చికెన్ లివర్‌ని వారానికి ఒకసారి లేదా రెండు సార్లు మాత్రమే తినడం మంచిది. కాదు రోజూ తినాలి.