Masala Dosa: మసాలా దోశ పర్ఫెక్ట్ గా రావాలంటే ఈ టిప్స్ ఫాలో కావాల్సిందే!

16

మసాలా దోశ

మసాలా దోశ అంటే ఇష్టపడని వారు ఎవరుంటారు చెప్పండి. దాదాపు అన్ని ప్రాంతాల్లో ఉదయం టిఫిన్ గా, సాయంత్రం స్నాక్స్‌గా రకరకాల దోశలు చేస్తుంటారు. అయితే పర్ఫెక్ట్ మసాలా దోశ కోసం కొన్ని సింపుల్ టిప్స్ ఇక్కడ ఉన్నాయి. ఓసారి చూసేయండి.  

26

ఎర్ర చట్నీతో దోశ

మసాలా దోశ పర్ఫెక్ట్‌గా ఉండాలంటే దానికి సరిపోయే చట్నీ ఉండాలి. మసాలా దోశకి ఎర్ర చట్నీ బాగుంటుంది. చట్నీకి వాడే ఎండుమిర్చిని 15-20 నిమిషాలు నానబెట్టాలి. తర్వాత కొబ్బరి, చింతపండు, వెల్లుల్లి, నానబెట్టిన మిర్చి, ఉప్పు వేసి రుబ్బాలి. చివర్లో ఆవాలు, జీలకర్ర, మినప్పప్పు, శనగపప్పు, కరివేపాకుతో తాలింపు పెడితే ఎర్ర చట్నీ రెడీ. కొత్తిమీర కూడా వేసుకోవచ్చు.

36

బంగాళదుంప కూరతో దోశ

మసాలా దోశతో బంగాళాదుంప కూర తప్పనిసరి. బంగాళాదుంప ఉడికించి ముక్కలుగా కోయాలి. పచ్చిమిర్చి, కరివేపాకు, ఉల్లి, ఆవాలు-జీలకర్ర, టమాటాతో తాలింపు పెట్టి బంగాళాదుంప వేసి ఉడికించాలి. కొత్తిమీర వేసి బాగా ఉడికిస్తే కూర రెడీ. బటానీలు కూడా వేసుకోవచ్చు.

46

దోశ ఎలా చేయాలంటే?

దోశ పేనం బాగా వేడిగా ఉంటే మంట తగ్గించి మీడియం ఫ్లేమ్ లో పెట్టాలి. దోశ వేసే ముందు నీళ్లు చల్లి, మీడియం వేడిలో పిండి వేసి దోశ వేయాలి. అప్పుడే దోశ క్రిస్పీగా వస్తుంది. ప్రతిసారి దోశ వేసే ముందు నీళ్లు చల్లుకోవాలి. పిండి వేసాక మంట పెంచాలి.

56

ఇలా చేస్తే దోశకి చట్నీ అవసరం లేదు!

తర్వాత పిండి పేనమంతా చగా పరచాలి. ఎర్ర చట్నీని దోశ మీద పలుచగా రాయాలి. తర్వాత మంట పెంచాలి. దోశ మీద, చుట్టూ నూనె వేసి కాల్చాలి. దోశ క్రిస్పీగా అయ్యాక బంగాళాదుంప కూర దోశ మీద వేయాలి. కొందరు కూరను దోశ మీద పలుచగా పరుస్తారు. మీకు నచ్చినట్టు చేసుకోవచ్చు. పలుచగా పరిస్తే దోశకి ప్రత్యేకంగా చట్నీ అవసరం ఉండదు.

66

వేడిగా ఉన్నప్పుడే..

క్రిస్పీగా ఉన్నప్పుడే మసాలా దోశ వడ్డించాలి. వేడిగా ఉన్నప్పుడు దోశ రుచి బాగుంటుంది. దోశకి కొబ్బరి చట్నీ, ఎర్ర చట్నీ బాగుంటాయి. కొందరు దోశని సాంబార్‌లో ముంచుకొని తినడానికి కూడా ఇష్టపడతారు.