Top 5 Mysterious Places : ఇళ్లకు తలుపులే ఉండవు, పాములతో కలిసి జీవనం.. ఇండియాలో టాప్ 5 వింత గ్రామాలు..!

Mysterious Villages in India : భారతదేశంలోని కొన్ని ప్రాంతాలు చాలా ప్రత్యేకతను కలిగి ఉన్నాయి. ఓ గ్రామంలో ఇళ్లకు తలుపులుండవు, మరో గ్రామంలో పాములతో కలిసి ప్రజలు జీవిస్తారు. ఇలాంటి వింత గ్రామాలు దేశంలో ఎన్నో ఉన్నాయి. 

Image Credit : ChatGPT

ఇండియాలో టాప్ 5 వింత ప్రాంతాలు

Mysterious Villages : భారతదేశంలో వింతలు విడ్డూరాలకు కొదవలేదు. నలుగురు నడిచిన దారిలో నడిస్తే కిక్కేముంటుంది... తమకంటూ ప్రత్యేక గుర్తింపు కావాలనుకునేవారు కొత్త మార్గాన్ని ఎంచుకుంటారు. ఇలా కొందరు పూర్వీకులు ఇలాంటి ఆలోచన చేయడంతో కొన్ని గ్రామాలు ప్రత్యేకతను సంతరించుకున్నాయి… ఇప్పటికీ ఆ ప్రత్యేకతను ఆయా గ్రామస్థులు కొనసాగిస్తున్నారు. ఇక మరికొన్ని ప్రాంతాలు వివిధ కారణాలతో వాటంతట అవే ప్రత్యేకంగా మారాయి. ఇలా ఇండియాలోని టాప్ 5 ఆసక్తికర ప్రదేశాల గురించి తెలుసుకుందాం.

Image Credit : AI Generated

1. శని శిగ్నపూర్, మహారాష్ట్ర

శనిదేవుడి ఆలయంగల గ్రామం.. మహారాష్ట్రలోని ప్రముఖ దేవాలయం షిర్డికి సమీపంలో ఉంటుంది. ఈ గ్రామంలో ఏ ఇంటికి కూడా డోర్స్, లాక్స్ ఉండవు... అయినా ఎలాంటి భయం లేకుండా ప్రజలు జీవిస్తుంటారు. ఆ శని దేవుడే తమ ఇళ్లకు భద్రత కల్పిస్తారని ఈ గ్రామ ప్రజలు బలంగా నమ్ముతుంటారు... అందుకే ఇంటికి డోర్స్ పెట్టుకోరు.

Image Credit : Freepik

2. భిలార్, మహారాష్ట్ర

ఈ గ్రామాన్ని 'విలేజ్ ఆఫ్ బుక్స్' గా పిలుస్తుంటారు. ఈ గ్రామంలోని 25 ఇళ్ళు, దేవాలయాలు, స్కూల్స్ మినీ లైబ్రరీలుగా మారాయి. ఇక్కడ ఏకంగా 15 వేలకు పైగా పుస్తకాలు ఉంటాయి. భిలార్ ప్రజలకు చదువంటే ఎంత మక్కువో అక్కడి లైబ్రరీలే చెబుతాయి.

Image Credit : Getty

3. బైలకుప్పె, కర్ణాటక

భారతదేశంలో టిబెట్ దేశీయులు నివాసముంటున్న అతిపెద్ద వలస స్థావరం బైలకుప్పె. కర్ణాటకలోని ఈ ప్రాంతంలో సుమారు 20 గ్రామాలుంటాయి... ఇందులో అత్యధికంగా బౌద్దులు, సన్యాసులు నివాసముంటున్నారు. అనేక ఆరామాలు, విద్యాసంస్థలు ఉన్నాయి. ఈ ప్రాంతాన్ని మిని టిబెట్ అంటారు.

Image Credit : ChatGPT

4. శేట్ ఫాల్ (Shetphal), మహారాష్ట్ర

షోలాపూర్ జిల్లా మొహోల్ తాలూకాలో ఈ శేట్ ఫాల్ గ్రామం ఉంది. ఈ గ్రామస్థులు పాములతో కలిసి జీవిస్తుంటారు.. అందుకే ఈ గ్రామంలో పాములు స్వేచ్చగా తిరుగుతుంటాయి. గ్రామస్థులు పాములను తమ కుటుంబసభ్యులుగా భావిస్తుంటారు.. వాటికి ఎలాంటి హాని తలపెట్టరు. అయితే ఇతర ప్రాంతాలనుండి ఈ గ్రామానికి వెళ్లేవారు పాములను చూసి భయపడిపోతుంటారు.

Image Credit : Getty

5. సెంటినెలీస్, అండమాన్ నికోబర్

ప్రపంచంలో ఇప్పటికీ అడవుల్లో జీవిస్తున్న అనేక అరుదైన జాతులు ఉన్నాయి... ఇందులో భారతదేశానికి చెందిన సెంటిలెనీస్ కూడా ఉన్నారు. వీరు అండమాన్ నికోబార్ లోని ఓ ద్వీపంలో నివాసముంటారు... ఇతర మనుషులతో కలిసేందుకు ఇష్టపడరు. అందుకే ఈ ద్వీపానికి పర్యాటకులనే కాదు ఎవ్వరినీ అనుమతించకుండా నిషేధం విధించింది ప్రభుత్వం. ఎప్పుడూ బాణాలు ధరించి ఉండే ఈ ఆటవిక తెగ ఇతర మనుషులు కనిపిస్తే దాడులకు దిగుతారు... ప్రాణహాని తలపెడుతుంటారు.