- Home
- Feature
- Most Expensive Coffee: ప్రపంచంలోనే కాస్ట్లీ కాఫీ.. తాగాలంటే కిడ్నీ అమ్మాల్సిందే! ధనవంతులు ఎందుకు లైన్ కడుతున్నారు?
Most Expensive Coffee: ప్రపంచంలోనే కాస్ట్లీ కాఫీ.. తాగాలంటే కిడ్నీ అమ్మాల్సిందే! ధనవంతులు ఎందుకు లైన్ కడుతున్నారు?
Most Expensive Coffee: ప్రపంచంలోనే అత్యంత ఖరీదైన కాఫీ గెషా. కిలో రూ.25 లక్షలు, కప్పు రూ.57 వేలు. దుబాయ్, జపాన్‌లలో దీని కోసం ధనవంతులు లైన్ కడుతున్నారు. దీని ప్రత్యేకతలేంటో ఇక్కడ తెలుసుకుందాం.
ఒక్క కప్పు కాఫీ రూ.57 వేలా? ఇందులో అంత స్పెషల్ ఏముంది?
మన దేశంలో పొద్దున్నే లేవగానే వేడి వేడి ఫిల్టర్ కాఫీ తాగడం చాలా మందికి అలవాటు. మహా అయితే ఒక కప్పు కాఫీకి రూ.10 నుండి రూ.50 వరకు ఖర్చు పెడతాం. ఏదైనా పెద్ద స్టార్ హోటల్‌కు వెళ్తే రూ.500 లేదా రూ.1000 బిల్లు వస్తుంది. కానీ, ప్రపంచంలో ఒక రకమైన కాఫీ ఉంది. దాని ధర వింటే మీ మైండ్ బ్లాక్ అవ్వడం ఖాయం.
ఆ కాఫీ కేవలం ఒక కప్పు ధర సుమారు రూ.57,000. అవును, మీరు చదివింది నిజమే! ఒక కప్పు కాఫీ తాగడానికి రూ.57 వేలు ఖర్చు చేయాలి. ఒక సాధారణ వ్యక్తికి ఇది ఊహించడం కూడా కష్టమే, కానీ దుబాయ్, తైవాన్, జపాన్ వంటి దేశాల్లోని ధనవంతులు ఈ కాఫీ కోసం క్యూ కడుతున్నారు.
ఈ లగ్జరీ కాఫీ పేరు 'గెషా కాఫీ' (Gesha Coffee). పనామాలోని ప్రసిద్ధ హెసియెండా లా ఎస్మెరాల్డా ఫామ్ నుండి ఈ కాఫీ వస్తుంది. 2025లో జరిగిన ఒక వేలంలో ఈ కాఫీ సరికొత్త ప్రపంచ రికార్డును సృష్టించింది. ఇది కేవలం ఒక డ్రింక్ మాత్రమే కాదు, ప్రపంచంలోని అత్యంత సంపన్నులు మాత్రమే అనుభవించగల ఒక అల్ట్రా లగ్జరీ ఎక్స్‌పీరియన్స్. ఈ కాఫీ ఎందుకు ఇంత ఖరీదైనది, దీని వెనుక ఉన్న ప్రత్యేకతలేంటో మీకు తెలుసా?
కిలో కాఫీ ధర రూ.25 లక్షలు
పర్ఫెక్ట్ డైలీ గ్రైండ్ రిపోర్ట్ ప్రకారం, దుబాయ్‌లోని ప్రసిద్ధ 'రోస్టర్స్ స్పెషాలిటీ కాఫీ హౌస్' లో ఈ గెషా కాఫీ ఒక కప్పు ధర దాదాపు 680 డాలర్లు, అంటే మన ఇండియన్ కరెన్సీలో సుమారు రూ.57,000 గా ఉంది. గిన్నిస్ వరల్డ్ రికార్డ్స్ కూడా దీనిని ప్రపంచంలోనే అత్యంత ఖరీదైన కాఫీగా గుర్తించింది. 2025 బెస్ట్ ఆఫ్ పనామా వేలంలో ఈ కాఫీ ఒక కిలో ధర ఏకంగా 30,204 డాలర్లకు అమ్ముడైంది. అంటే మన రూపాయిల్లో సుమారు రూ.25 లక్షలు అన్నమాట. కాఫీ చరిత్రలోనే ఒక కిలోకు ఈ స్థాయిలో ధర పలకడం ఇదే తొలిసారి.
దీని ధర అంత ఎక్కువగా ఉండటానికి కారణం ఏంటి?
ఈ కాఫీ ధర ఆకాశాన్ని తాకడానికి ప్రధాన కారణం దీని లభ్యత చాలా తక్కువగా ఉండటం, అలాగే దీని నాణ్యత. ఈ రికార్డు సృష్టించిన కాఫీ వెనుక ఏకంగా 13 ఏళ్ల సుదీర్ఘ పరిశోధన, రైతుల కఠిన శ్రమ ఉన్నాయి. ఇది మనకు రోడ్డు పక్కన దొరికే సాధారణ కాఫీ గింజల లాంటిది కాదు. ప్రపంచంలోని ఒక నిర్దిష్ట ప్రాంతంలో, అత్యంత అనుకూలమైన వాతావరణంలో మాత్రమే ఇది చాలా తక్కువ పరిమాణంలో పండుతుంది. కాఫీ ప్రియులకు, పెద్ద పెద్ద బయ్యర్లకు ఈ కాఫీని కొనడం అనేది ఒక పెద్ద స్టేటస్ సింబల్. వారి గౌరవానికి ఇదొక ప్రతీక. సింపుల్‌గా చెప్పాలంటే, అద్భుతమైన క్వాలిటీ, కొరత, ఏళ్ల తరబడి పడ్డ కష్టమే దీని ధరను అంత పెంచేసాయి.
ఈ గెషా కాఫీ స్పెషాలిటీ ఏంటి?
స్ప్రుడ్జ్ కాఫీ రిపోర్టు ప్రకారం, పనామాలోని బొకేట్, చిరికి ప్రాంతంలో ఉన్న హెసియెండా లా ఎస్మెరాల్డా ఫామ్‌లో పండించే ఈ 'వాష్డ్ గెషా కాఫీ'కి పనామా ఇంటర్నేషనల్ జడ్జింగ్‌లో 98 పాయింట్లు వచ్చాయి. గ్లోబల్ కాఫీ క్వాలిటీ రేటింగ్‌లో ఇది అత్యధిక స్కోరు. వేలంలో కేవలం 20 కిలోల ఈ కాఫీ లాట్ కోసం ఏకంగా 549 బిడ్లు దాఖలయ్యాయి. చివరకు దుబాయ్‌లో కొత్తగా ప్రారంభమైన జులిత్ కాఫీ అనే బ్రాండ్ అత్యధిక ధర పలికి, మొత్తం లాట్‌ను రూ.5 కోట్ల 78 లక్షలకు సొంతం చేసుకుంది. దుబాయ్‌లో 12 లక్జరీ కేఫ్‌లను నడిపే రోస్టర్స్ స్పెషాలిటీ కాఫీ హౌస్ కూడా ఈ ఫామ్ కాఫీని సర్వ్ చేస్తుంది. దీనిని హారియో వి60 మెషీన్‌తో తయారు చేసి, ప్రత్యేకంగా డిజైన్ చేసిన ఎడో కిరికో క్రిస్టల్ గ్లాసుల్లో కస్టమర్లకు అందిస్తారు.
ప్రాజెక్ట్ జీరో కాఫీ వ్యవస్థాపకుడు కర్క్ పియర్సన్ మాట్లాడుతూ, దుబాయ్ ఒక టాక్స్ హెవెన్ కావడం వల్ల అక్కడ ప్రపంచంలోని అత్యంత ధనవంతులు నివసిస్తుంటారని చెప్పారు. వారి వ్యాపార క్లయింట్లను ఇంప్రెస్ చేయడానికి లేదా తాము ప్రపంచంలోనే అత్యంత కాస్ట్లీ కాఫీ తాగామని చెప్పుకోవడానికి ఈ రూ.57 వేల కాఫీని చాలా క్యాజువల్‌గా ఆర్డర్ చేస్తుంటారని ఆయన పేర్కొన్నారు.
ఈ కాఫీ టేస్ట్ ఎలా ఉంటుంది?
కాఫీ రివ్యూ ప్రకారం, ఈ గెషా కాఫీ టేస్ట్ చాలా విభిన్నంగా ఉంటుంది. ఇందులో లిలాక్, కోకో, టాన్జేరిన్, అప్రికాట్, చందనం వంటి ఫ్లేవర్ నోట్స్ ఉంటాయి. కాఫీ వేడిగా ఉన్నప్పుడు జాస్మిన్ వంటి అద్భుతమైన సువాసన వస్తుంది. దీని రుచి వైల్డ్‌ఫ్లవర్ హనీ కలిపిన వైట్ టీ లాగా ఉంటుంది. కాఫీ కాస్త చల్లబడుతున్న కొద్దీ, అందులో మ్యాంగో, లీచీ వంటి ట్రాపికల్ ఫ్రూట్స్ ఫ్లేవర్లు మరింత స్ట్రాంగ్‌గా బయటపడతాయి. ఇది మన ఊర్లలో తాగే ఘాటైన, చేదైన కాఫీ లాంటిది కాదు. ఒక లగ్జరీ వైన్ తాగినట్లు, ప్రతి సిప్‌లో ఒక కొత్త ఫ్లేవర్‌ను ఎంజాయ్ చేసే వారి కోసం దీన్ని తయారు చేశారు.
తైవాన్, జపాన్‌లలో కూడా విపరీతమైన క్రేజ్
ఈ కాఫీ క్రేజ్ కేవలం దుబాయ్‌కే పరిమితం కాలేదు. తైవాన్‌కు చెందిన వరల్డ్ బరిస్టా ఛాంపియన్ బెర్గ్ వూ కేఫ్ 'సింపుల్ కాఫా'లో ఒక కప్పు ఎలిడా ఎస్టేట్ గెషా కాఫీని రూ.60,756కు విక్రయించారు. అక్కడ వారానికి 2 నుండి 4 కప్పులు అమ్ముడవుతుంటాయి. ఇక జపాన్‌లోని 'వన్ బై వన్ కేఫ్' అయితే ఏకంగా ఒక కప్పును రూ.84,712కు అమ్మి రికార్డు సృష్టించింది.
ఒక సింగిల్ సర్వింగ్ పరంగా చూస్తే ఇది ప్రపంచంలోనే అత్యంత ఖరీదైన కప్పు కాఫీ కావచ్చు. ప్రస్తుత పరిస్థితుల్లో ప్రపంచవ్యాప్తంగా ధనవంతుల సంఖ్య పెరుగుతోంది, మరోవైపు క్లైమేట్ ఛేంజ్ వల్ల ఇలాంటి అరుదైన కాఫీ గింజల ఉత్పత్తి తగ్గుతోంది. కాబట్టి రాబోయే రోజుల్లో దీని ధర కిలోకు రూ.28.70 లక్షలు దాటినా ఆశ్చర్యపోనక్కర్లేదని నిపుణులు చెప్తున్నారు.
