Hill Stations: ఈ 5 హిల్ స్టేషన్లకు పొరపాటున కూడా వెళ్లొద్దు.. వెరీ డేంజరస్
Hill Stations: కొండల్లో, లోయల్లో ట్రిప్ కు వెళితే ఎంతో ఆనందంగా ఉంటుంది. కానీ, కొన్ని హిల్ స్టేషన్లు చూడటానికి ఎంత అందంగా ఉంటాయో, అంతే ప్రమాదకరం కూడా. అలాంటి హిల్ స్టేషన్ల వివరాలు ఇక్కడ ఇచ్చాము.
రోహ్తాంగ్ పాస్
హిమాచల్ ప్రదేశ్ మనాలికి సమీపంలో ఉంటుంది రోహ్తాంగ్ పాస్. ఇది మంచుతో నిండి ఉంటుంది. ఎంతోమంది పర్యాటకులు ఇక్కడికి వస్తుంటారు. కానీ పెళ్లయిన జంటలు మాత్రం ఈ ప్రదేశానికి వెళ్లే ముందు ఆలోచించుకోవాలి. ప్రస్తుతం ఉన్న పరిస్థితుల్లో కొండల అంచులకు వెళ్లడం ఏమాత్రం మంచిది కాదు. ఈ మంచకొండపై అకస్మాత్తుగా మంచు తుఫానులు (Avalanche), కొండచరియలు విరిగిపడుతూ ఉంటాయి. ఇది చాలా ఎత్తులో ఉండటం వల్ల ఆక్సిజన్ కొరత ఏర్పడవచ్చు. రోడ్లు అకస్మాత్తుగా మూసుకుపోతే చాలా రోజుల పాటు అక్కడే చిక్కుకుపోవాల్సి రావచ్చు.
లాచెన్, లాచుంగ్.. సిక్కిం
సిక్కిం రాష్ట్రంలోని ఉత్తర సిక్కింలోని ఈ రెండు హిల్ స్టేషన్లు ఉంటాయి. చూసేందుకు ఇవి రెండు ఎంతో అందంగా ఉంటాయి. కానీ ఇక్కడి వాతావరణం క్షణాల్లో మారిపోతుంది. భారీ వర్షాల వల్ల ఇక్కడి రోడ్లు పూర్తిగా పాడైపోతాయి. కొండచరియలు ఎప్పుడు విరిగిపడతాయో చెప్పడం కష్టం. ఇరుకైన రోడ్లు, ఆకస్మిక వరదల కారణంగా, అత్యవసర వైద్య సహాయం పొందడం కూడా అసాధ్యం.
ఖజ్జియార్, హిమాచల్ ప్రదేశ్
హిమాచల్ ప్రదేశ్ లోని ఖజ్జియార్ ప్రాంతాన్ని 'భారతదేశపు మినీ స్విట్జర్లాండ్' అని పిలుస్తారు, ఇది శీతాకాలంలో స్వర్గంలా కనిపిస్తుంది. కానీ ఈ సీజన్లో ఆ ప్రాంతానికి వెళ్లడం చాలా ప్రమాదకరం. చలికాలంలో ఇక్కడి ఉష్ణోగ్రతలు మైనస్ డిగ్రీలకు పడిపోతాయి కాబట్టి కొంతమందికి ఇక్కడ ఊపిరిపీల్చుకోవడం కూడా కష్టంగా అనిపిస్తుంది. భారీ హిమపాతాలు వచ్చాయంటే అక్కడ్నించి బయటికి రావడం కష్టంగా ఉంటుంది. దీని వల్ల కరెంట్, నీటి సరఫరా నిలిచిపోతుంది. రోడ్లు పూర్తిగా మూసుకుపోతూ ఉంటాయి.
కాలింపాంగ్, పశ్చిమ బెంగాల్
పశ్చిమ బెంగాల్ లోని డార్జిలింగ్కు సమీపంలో ఉంటుంది కాలింపాంగ్. ఇది ప్రశాంతమైన హిల్ స్టేషన్. వర్షాకాలంలో మాత్రం ఈ ప్రాంతానికి వెళ్లకూడదు, చాలా ప్రమాదకరంగా మారిపోతుంది. వానాకాలంలో తీస్తా నది అధిక వేగంతో ప్రవాహిస్తుంది. దీనివల్ల కొండ రోడ్లు జారుడుగా మారతాయి. వర్షాకాలంలో కొండచరియలు విరిగిపడుతూ ఉంటాయి. అలా జరిగితే ఈ ప్రాంతానికి చాలా రోజుల పాటు బయటి ప్రపంచంతో సంబంధాలు తెగిపోతాయి.
లేహ్-లడఖ్
జమ్మూ కాశ్మీర్ వెళ్లాలని ప్రతి ఒక్కరికీ ఉంటుంది. అక్కడ చూడాల్సిన ప్రాంతాల్లో లడఖ్ ఒకటి. ఇక్కడికి వెళ్లిన కొంతమందికి 'అక్యూట్ మౌంటైన్ సిక్నెస్' (AMS) సమస్య వచ్చే అవకాశం ఎక్కువగా ఉంటుంది. అక్కడ ఆక్సిజన్ స్థాయిలు తక్కువగా ఉంటాయి కాబట్టి శ్వాస తీసుకోవడంలో ఇబ్బంది, తల తిరగడం, తలనొప్పి వంటి సమస్యలు రావచ్చు.
