కండలు తిరిగిన దేహంతో తాప్సీ.. వాహ్ చంపేశావ్ పో అంటోన్న రకుల్
సొట్టబుగ్గల సుందరి తాప్సీ ఫిట్ నెస్ కోసం కఠోరంగా శ్రమిస్తుంది. కండలు తిరిగే దేహాన్ని పొందింది. సుకుమారంగా ఉండే ఆమె తొడలు ఉక్కులా మారిపోయాయి. తన కొత్త సినిమా కోసం తాప్సీ ఇంతగా కష్టపడుతుంది. తన హార్డ్ వర్క్ ని సోషల్ మీడియా ద్వారా ఫోటోల రూపంలో పంచుకుంటూ ఆనందించడంతోపాటు, అభిమానులను అలరిస్తుంది.
తాప్సీ ప్రస్తుతం `రష్మీ రాకెట్` చిత్రంలో నటిస్తుంది. స్పోర్ట్స్ బేస్డ్ చిత్రమిది. రన్నింగ్ వంటి గేమ్స్ ప్రధానంగా సాగుతుంది. ఈ సినిమా కోసం తాప్సీ చాలా రోజులుగా కష్టపడుతుంది.
ఎక్కువ సమయంలో జిమ్లోనే గడుపుతుంది. ఖాళీ టైమ్ మొత్తం జిమ్కే కేటాయించింది. పాత్ర కోసం తన శరీరాన్ని మలుచుకుంటూ చూపరును ఫిదా చేస్తుంది.
ఇటీవల తన చిన్ననాటి జర్నీని, క్రీడల్లో తనకున్న మక్కువని, తాను ఈస్థాయికి వచ్చిన విధానాన్ని పేర్కొంటూ ఓ వీడియో షేర్ చేసింది తాప్సీ. అంతకు ముందు తాను జిమ్లో కష్టపడుతున్న ఫోటోలను పంచుకుంది. అవి విశేషంగా వైరల్ అయ్యాయి.
తాజాగా మరికొన్ని ఫోటోను మంగళవారం పంచుకుంది. ఫిట్ నెస్ పరంగా, సినిమాకి కావాల్సిన విధంగా ఆల్మోస్ట్ రెడీ అయ్యిందట. కానీ ఎక్స్ ప్రెషన్స్ మీద వర్క్ చేస్తుంది. ఇక చివరి దశకు చేరుకుంది సెట్లో పాత్రని రక్తికట్టించడమే మిగిలి ఉంది అనే అర్థంలో పోస్ట్ పెట్టింది.
ఇందులో జిమ్లో తాను వర్కౌట్ చేస్తున్న ఫోటోలను పంచుకుంది. ఇందులో తాప్సీ కండలు తిరిగిన దేహంతో కనిపిస్తుంది. ఎంతో అందంగా, సెక్సీగా ఉండే ఆమె తొడలు ఇప్పుడు ఉక్కు కడ్డీలను తలపిస్తున్నాయి.
తాప్సీ కష్టానికి అభిమానులు ప్రశంసలు కురిపిస్తున్నారు. అంతేకాదు సెలబ్రిటీలు స్పందిస్తున్నారు. మరో స్టార్ హీరోయిన్ రకుల్ ప్రీత్ సింగ్ స్పందించింది. `వాహ్ ` అని పేర్కొంది. రాజేష్ ఖత్తర్ స్పందిస్తూ `చంపేశావ్. నీకు మరింత శక్తి రావాలి` అని పేర్కొన్నారు.
గ్రౌండ్లో పరిగెడుతుంటే ఆమె కాళ్లు నిజమైన అథ్లెట్ని తలపిస్తుంది. అదే స్థాయిలో ఎమోషన్ని మెయింటేన్ చేసింది తాప్సీ. జిమ్లో వ్కౌట్ చేస్తున్న తాప్సీ ఫోటోలు ప్రస్తుతం సామాజిక మాధ్యమాల్లో వైరల్ అవుతుండటం విశేషం.
ఈ సినిమాకి ఆకర్ష్ ఖురానా దర్శకత్వం వహిస్తున్నారు. ఇందులో విలేజ్ అథ్లెట్గా తాప్సీ కనిపించబోతుంది. దీంతోపాటు తాప్సీ `హసీనా దిల్రుబా`, `శెభాష్ మిత్తు`, `లూప్ లపేటా` వంటి చిత్రాల్లో నటిస్తూ బిజీగా ఉంది తాప్సీ.